چاۋشيەن مەركىزىي ئاگېنتلىقىنىڭ خەۋەر قىلىشىچە ، چاۋشيەننىڭ ئالىي رەھبىرى كىم جۇڭئون 8-دېكابىر چاشيەن خەلق ئارمىيەسىنىڭ ئاۋىياتسىيە ۋە ھاۋا مۇداپىئە 458-قىسمىنى كۆزدىن كەچۈرگەندە ، ئۇچقۇچىلارنىڭ گۆش تۈرىدىكى يېمەكلىكىنى كۆپەيتىشنى تەلەپ قىلغان .

خەۋەر قىلىنىشىچە ، كىم جۇڭئون ئۇچۇش مەشىقى قىلىدىغان مەيدان ، ئۇچۇش نەزەرىيەسىنى سۆزلىنىدىغان سىنىپ ۋە ئۇچقۇچىلارنىڭ ئۇچۇش مەشىقىنى كۆزدىن كەچۈرگەن ، ھەمدە ئۇلار بىلەن بىرگە خاتىرە سۈرەتكە چۈشكەن .

كىم جۇڭئون يەنە : چاۋشيەن خەلق ئارمىيەسىنىڭ ئاۋىياتسىيە ۋە ھاۋا مۇداپىئە 458-قىسمى يولداش كىم ئېرسىن ۋە كىم جۇڭئېل رەھبەرلىكىدىكى ئاۋىياتسىيە نەتىجىلىرىنى ئۆزىگە مۇجەسسەملىگەن ، بىز يېڭىدىن ئىنقىلابىي تارىخىي يادىكارلىق دەرىسخانىسىنى قۇرۇش بىلەن بىرگە ، ئايرودۇرۇمنى يېڭى ئەسىرنىڭ تەلىپىگە ماسلاشتۇرۇپ قۇرۇپ چىقىشىمىز كېرەك ، دېگەن