دۆلەت بايرىمىلىق دەم ئېلىش مەزگىلىدە، ھەق ئېلىنىدىغان تاشيوللاردا 7 كىشىلىكتىن تۆۋەن بولغان پىكاپلاردىن يول يۈرۈش ھەققى ئېلىنمايدۇ

دۆلەت بايرىمىلىق دەم ئېلىش مەزگىلىدە، ھەق ئېلىنىدىغان تاشيوللاردا 7 كىشىلىكتىن تۆۋەن بولغان پىكاپلاردىن يول يۈرۈش ھەققى ئېلىنمايدۇ. ۋاقتى: 10- ئاينىڭ 1- كۈنى سەھەر سائەت 0 دىن 10- ئاينىڭ 7- كۈنى سائەت 24 گىچە بولىدۇ.
يول يۈرۈش ھەققىنى كەچۈرۈم قىلىش ۋاقتى-- ئادەتتىكى تاشيوللاردا، ئاپتوموبىللارنىڭ ھەق يىغىش پونكىتىدىن ئۆتكەن ۋاقتى؛ يېپىق ھالەتتىكى تېز سۈرئەتلىك تاشيوللاردا، ئاپتوموبىللارنىڭ ھەق يىغىش پونكىتىنىڭ چىقىش ئېغىزىدىن چىققان ۋاقتى ئاساس قىلىنىدۇ. شۇنىڭ بىلەن بىر ۋاقىتتا، ئۈرۈمچى تاشيول باشقۇرۇش ئىدارىسى شوپۇرلارغا شۇنى ئەسكەرتىدۇكى، 10- ئاينىڭ1-، 2- كۈنى ئەتتىگەن ئۈرۈمچى ۋاقتى سائەت 7 دىن 9 غىچە؛10- ئاينىڭ6-، 7- كۈنلىرى چۈشتىن كېيىن ئۈرۈمچى ۋاقتى سائەت 4 تىن 6 گىچە بولغان ئارلىقتا، ئۇلانباي، تۇدۇڭخابا، فۇكاڭ قاتارلىق ھەق يىغىش پونكىتلىرى ئارقىلىق ئۈرۈمچىگە كىرىپ- چىقىدىغان ئاپتوموبىل سانى بىر قەدەر كۆپ بولىشى مۈمكىن. شوپۇرلارنىڭ يول يۈرۈش بىخەتەرلىكىگە دېققەت قىلىشى كېرەك.