خەۋەردە مۇنداق دېيىلگەن: ئالياسكا ئىشتاتنىڭ قانۇنىدىكى بەلگىلىمە بويىچە، يەتتە ياشتىن 16 ياشقىچە بولغان بالىلار ۋاقتىدا دەرسكە قاتنىشىشى كېرەك. سەۋەبسىز بەش قېتىم دەرس تاشلىغانلارنىڭ ئاتا – ئانىسىغا ئەڭ كۆپ بولغاندا 500 دوللار جەرىمانە قويۇلىدۇ، بىراق بۇ قانۇن نۇرغۇن جايدا يولغا قويۇلمىغان. ئالياسكا ئىشتاتىنىڭ ئۇناراكۋېلىت، كۇتزېيۇ ۋە بېتېل مەكتەپ رايونلىرى بۇ قانۇننى ئەمەلىيلەشتۈرۈپ، ئوقۇغۇچىلارنى دەرسخانىغا جەلپ قىلىشنى ئۈمىد قىلماقتا. يۇقىرىقى ئۈچ مەكتەپ رايونىدا ئاتا – ئانىلار باشتا ئاگاھلاندۇرۇش تاپشۇرۇۋىلىپ، بىر قاتار يىغىنغا قاتنىشىدۇ. بالىلار مەكتەپكە بارمىسا، ساقچىلار ئاتا – ئانىلارنىڭ بالىلارنىڭ مەكتەپكە بېرىش نىسبىتىنى ئاشۇرۇش ئارقىلىق جەرىمانىنى ئاز تاپشۇرۇش ياكى تاپشۇرماسلىقىغا يول قويىدۇ. سوت كوللېگىيەسىنىڭ خاتىرىسىدە كۆرسىتىلىشىچە، بەزى ئاتا – ئانىلارغا نەچچە يۈز دوللار، بەزىلەرگە ھەتتا 1000 دوللاردىن ئارتۇق جەرىمانە قويۇلغان.

   كۇتزېيۇ مەكتەپ رايونىدىكى بىر تەپتىش ئەمەلدارىنىڭ دېيىشىچە، بۇ قانۇننىڭ مەقسىتى كىشىلەرنى سوتقا چاقىرىش ئەمەس، ئەكسىچە بالىلارنى دەرسخانىغا قايتۇرۇپ كېلىش ئىكەن