نۆۋەتتە توردا ئىمتىھان قەغىزى تەكشۈرۈلمەكتە

    2013-يىلى ، ئادەتتىكى ئالىي مەكتەپلەر شىنجاڭدىن 130 مىڭ 100 نەپەر ئوقۇغۇچى قوبۇل قىلىشنى پىلانلىغان بولۇپ ، 2012-يىلىغا سېلىشتۇرغاندا 6700 ئوقۇغۇچى كۆپ قوبۇل قىلىنىدىكەن .

    16-ئىيۇن ، ئاپتونوم رايونلۇق ئوقۇغۇچى قوبۇل قىلىش ئىشخانىسىنىڭ مۇدىرى سۈن خۇڭشىننىڭ ئېيتىشىچە ، 130 مىڭ 100 نەپەر ئوقۇغۇچى قوبۇل قىلىش پىلانىدا ، تولۇق كۇرسقا قاتلاملار بويىچە 66 مىڭ نەپەر ئوقۇغۇچى ، مەخسۇس كۇرسقا قاتلاملار بويىچە 36 مىڭ نەپەر ئوقۇغۇچى قوبۇل قىلىنىىدىكەن .

    ئىگىلىنىشىچە ، 25-ئىيۇن ئالىي مەكتەپ ئىمتىھان نەتىجىسى ئېلان قىلىنىدىغان بولۇپ ، ئوقۇغۇچىلار ئىمتىھانغا قاتنىشىش كېنىشكا نومۇرى ۋە كىملىك نومۇرىغا ئاساسەن نومۇرىنى سۈرۈشتۈرسە بولىدىكەن . 28-ئىيۇن ئەڭ تۆۋەن نومۇر چەك ئېلان قىلىنىپ ، 3-ئىيۇلدىن باشلاپ ئادەتتىكى ئالىي مەكتەپلەرگە ئوقۇغۇچى قوبۇل قىلىش خىزمىتى رەسمىي باشلىنىدىكەن.