ئاپتونوم رايون بۇ يىلدىن باشلاپ شەھەر-بازارلاردىكى تۆۋەن تۇرمۇش كاپالىتى ئائىلىلىرىنىڭ ئالىي مەكتەپنى پۈتتۈرگەن پەرزەنتلىرىگە خىزمەت ئىزدەش تولۇقلىما ياردەم پۇلى بىرىدۇ

ئاپتونوم رايون بۇ يىلدىن باشلاپ شەھەر-بازارلاردىكى تۈۋەن تۇرمۇش كاپالىتى ئائىلىلىرىنىڭ ئالىي مەكتەپنى پۈتتۈرگەن پەرزەنتلىرىگە خىزمەت ئىزدەش تولۇقلىما ياردەم پۇلى بىرىدۇ. 25-ئىيۇن چۈشتىن كېيىن، شىنجاڭ تىببىي ئۇنۋېرستېتىدا تۇنجى تۈركۈمدىكى تولۇقلىما ياردەم پۇلىنى تارقىتىش مۇراسىمى ئۆتكۈزۈلدى. نەق مەيداندا بۇ مەكتەپتىكى بۇ يىل ئوقۇش پۈتتۈرىدىغان تۆۋەن تۇرمۇش كاپالىتى ئائىلىسىدىكى 82 ئوقۇغۇچى خىزمەت ئىزدەش تولۇقلىمىسىنى قولىغا ئالدى.
ئاپتونوم رايون ئوقۇش پۈتتۈرىدىغان ئوقۇغۇچىلارنىڭ ئىشقا ئورۇنلىشىشنى ئىلگىرى سۈرۈش، ئالىي مەكتەپ ئوقۇغۇچىلىرىنىڭ خىزمەت تېپىش جەريانىدىكى ئىقتىسادىي قىيىنچىلىقىنى يىنىكلىتىش مەقسىتىدە، بۇ يىلدىن باشلاپ شەھەر- بازارلاردىكى تۆۋەن تۇرمۇش كاپالەتلىك ئائىلىلىرىنىڭ ئالىي مەكتەپنى پۈتتۈرىدىغان پەرزەنتلىرىگە خىزمەت ئىزدەش تولۇقلىما ياردەم پۇلى تارقىتىشنى قارار قىلدى. ئاپتونوم رايونلۇق ئادەم كۈچى بايلىقى ۋە ئىجتىمائىي كاپالىتى نازارىتى، ئاپتونوم رايونلۇق مائارىپ نازارىتى ۋە ئاپتونوم رايونلۇق مالىيە نازارىتى قاتارلىق ئورۇنلار يېقىندا بىرلىكتە «شەھەر يېزىلاردىكى تۆۋەن كاپالەتلىك ئائىلىلەردىكى ئالىي مەكتەپنى پۈتكۈزگەن ئوقۇغۇچىلارغا خىزمەت ئىزدەش تولۇقلىمىسى تارقىتىش خىزمىتىنى ياخشى ئىشلەش توغرىسىدىكى ئۇقتۇرۇش» نى تارقاتتى.ئىگىلىنىشىچە، ئاپتونوم رايونىمىز بويىچە 35 ئالىي مەكتەپتىكى 3900 دىن ئارتۇق تۆۋەن تۇرمۇش كاپالەتلىك ئائىلىلىرىنىڭ ئالىي مەكتەپنى پۈتتۈرگەن پەرزەنتلىرىگە 500 يۈەندىن خىزمەت ئىزدەش تولۇقلىمىسى تارقىتىدىكەن. بۇنىڭغا جەمئىي 1 مىليون 963 مىڭ يۈەن مەبلەغ ئاجرىتىلغان بولۇپ، بۇ پۇل مۇشۇ ئاينىڭ 30- كۈنىدىن بۇرۇن شۇ ئوقۇغۇچىلارنىڭ قولىغا تېگىپ بولىدىكەن.