ئاتا-ئانا ھەدىيەنى بىكار قىلسا بولامدۇ؟
«توختام قانۇنى» نىڭ 185- ماددىسىدا: «ھەدىيە توختامى ھەدىيە قىلغۇچى ئۆزىنىڭ مال مۈلكىنى ھەدىيە قوبۇل قىلغۇچىغا ھەقسىز بېرىدىغان، ھەدىيە قوبۇل قىلغۇچى ھەدىيەنى قوبۇل قىلغانلىقىنى بىلدۈردىغان توختام» دەپ بەلگىلەنگەن. بۇ بەلگىلىمىنىڭ مەنىسىدىن قارىغاندا، ھەدىيە توختامى ۋەدىلىك توختامدۇر. ۋەدىلىك توختام دېگىنىمىز، تەرەپلەرنىڭ بىرىنىڭ مەقسىتى قارشى تەرەپنىڭ ماقۇللىقىدىن ئۆتكەن ھامان قانۇنىي كۈچكە ئىگە بولىدىغان توختامنى كۆرسىتىدۇ. « توختام قانۇنى» نىڭ 187- ماددىسىدا : « ھەدىيە مال مۈلۈكلەردىن تىزىملىتىش قاتارلىق رەسمىيەتلەرنى قانۇن بويىچە بىجىرىشكە توغرا كېلىدىغانلىرىغا مۇناسىۋەتلىك رەسمىيەتلەرنى بىجىرىش كېرەك » دەپ بەلگىلەنگەن. دېمەك، ھەدىيە توختامىنىڭ ئىناۋەتلىك بولۇشى ھەدىيە مۈلكىنى تاپشۇرۇشنى ياكى رەسمىيەتنى بىجىرىشنى شەرت قىلىش بىلەن بىللە، « توختام قانۇنى»نىڭ 186- ماددىسىدا : « ھەدىيە قىلغۇچى ھەدىيە مال مۈلكىنىڭ ھوقۇقى يۆتكىلىشتىن ئىلگىرى ھەدىيەنى بىكار قىلسا بولىدۇ. ئاپاتتىن قۇتقۇزۇش، نامراتلارنى يۆلەش قاتارلىق ئىجتىمائىي پاراۋانلىق، ئەخلاقىي مەجبۇرىيەت خارەكتىرىدىكى ھەدىيە توختامى ياكى گۇۋاھلىقتىن ئۆتكۈزۈش ھەدىيە توختامىدا، ئالدىنقى تارماقتىكى بەلگىلىمە تەدبىقلانمايدۇ » دەپ بەلگىلەنگەن.
