ئالما سامسۇڭنى ئەرىز قىلدى

چەتئەل تاراتقۇلىرىنىڭ خەۋىر قىلىشىچە ، ئالما ۋە سامسۇڭنىڭ پاتېنىت دەۋاسىغا چارشەنبە كۈنى سوت ئېچىلغان . ئالما شىركىتى پاتېنىت ئىشلىتىش ھەققى ۋە ئىقتىسادى زىياننى قۇشۇپ جەمئىي 380 مىليۇن دوللار تۆلەم تەلەپ قىلغان ، لېكىن سامسۇڭ پەقەت 52 مىليۇن دوللار تۆلىسىلا بولىدىغانلىقىنى ئېيىتقان . بۇ دىلونىڭ مۇھىم گۇۋاھچىسى ، ئالما مەھسۇلات سېتىش بۈلۈمىنىڭ ئەزاسى Julie Davis سوتتا سامسۇڭنىڭ iphone ۋە ipad نىڭ تېخنىكىلىرىنى ئوغۇرلاپ ئىشلىتىشى ئالما شىركىتىگە غايەت زور ئىقتىسادى زىيان ئېلىپ كەلدى دېگەن .
سوتتا Julie Davis مۇندا دېگەن : " سامسۇڭنىڭ 13 خىل مەھسۇلاتى ئالما شىركىتىنىڭ پاتېنتىغا دەخلى تەرۇز قىلغان . بۇ iphone ۋە ipad نىڭ سېتىلىش سانى ۋە پايدىسىغا بىۋاستە تەسىر كۆرسەتتى . شۇ سەۋەپلىك ئالما شىركىتى 360 مىڭ يۈرۈش يانفون ۋە تاختا كومپيۇتېرنىڭ سېتىلىش مىقدارىدىن قۇرۇق قالدى . شۇڭا سامسۇڭ پاتېنت ئىشلىتىش ھەققىنى تاپشۇرۇپلا قالماي يەنە 360 مىڭ يۈرۈش ئۈسكۈنىنىڭ بىزگە ئېلىپ كەلگەن زىيىنىنى تۆلىشى كېرەك . " Julie Davis نىڭ قارىشىچە ئەگەر سامسۇڭ " پاتېنتقا دەخلى قىلغان " Nexus تاختا كومپيۇتېرى ۋە Galaxy تىپلىق ئۈسكۈنىلەرنى ئوتتۇرىغا چىقارمىغان بولسا ئالما شىركىتىنىڭ iphone ۋە ipad نىڭ سېتىلىش مىقدارى ھازىرقىدىن 360 مىڭ يۈرۈش جىق بولغان بولاتتى .
سوت مەھكىمىسىگە تاپشۇرغان دەخلى تەرۇز قىلغان مەھسۇلاتلار جەدۋىلىدە ، ئالما شىركىتى ئاساسلىقى سېتىلىشى يۇقىرى بولغان Infuse4G ۋە Dorid Charge نى تىزىپ چىققان . ھازىر بۇ ئىككى مەسۇلات ئامېرىكا بازىرىدىن چىقىرۋېتىلدى .
سامسۇڭ ئادۇكاتلار ئۆمىكىنىڭ قارىشىچە ئالما شىركىتى تەسىرگە ئۇچرىغان مەھسۇلاتلار سانىنى قەستەن يۇقىرى كۆتۈرىۋەتكەن . ئۇلارنىڭ ئېيتىشىچە سامسۇڭ ئەڭ كۆپ بولغاندا 52 مىليون دوللار تۆلەم تاپشۇرىدىكەن. ئۇنىڭ ئۈستىگە سامسۇڭ شىركىتىنىڭ مۇتەخەسىسلىرى ئالما شىركىتى ئېلان قىلغان سانلىق مەلۇماتقا قارىتا قايتا تەكشۈرۈش ئېلىپ بارىدىكەن .