كومپيۇتېرنى تامغا يۆلەپ قويغاندا ئارقىسىغا رەسىم چاپلاڭ
كىشىلەر كومپيۇتېردا مەشغۇلات ئېلىپ بارغاندا قاراش ئارىلىقى يېقىن بولغاچقا، كۆز ئىنتايىن ئوڭايلا چارچاپ كېتىدۇ. شۇڭا دائىم يىراققا قاراپ بۇ خىل ئەھۋالنى ياخشىلاش كېرەك. ئەگەر كومپيۇتېر تامغا يۆلەپ قويۇلغان بولسا، ئۇ ھالدا مەشغۇلات ئېلىپ بارغۇچى بېشىنى كۆتۈرگەندە كۆزىگە كۆرۈنىدىغىنى تام بولۇپ، كۆز ياخشى تەڭشىلەلمەي ۋە بوشىيالمايلا قالماستىن، يەنە كۆرۈش نېرۋىلىرىنى تېخىمۇ جىددىيلەشتۈرۈپ چارچىتىۋېتىدۇ. بۇنداق ئەھۋال ئۇزۇن ۋاقىت داۋاملاشسا، يېقىننى كۆرەلمەسلىك كېسىلىنى كەلتۈرۈپ چىقىرىدۇ. ئەگەر تام ئاق رەڭدە ئاقارتىلغان بولسا، بۇ خىل ئەھۋالنى تېخىمۇ ئېغىرلاشتۇرۇۋېتىدۇ. شۇڭلاشقا كومپيۇتېرنى ئەڭ ياخشىسى دېرىزە تەرەپكە قويۇش كېرەك، شۇنداق قىلغاندا خالىغان چاغدا دېرىزە سىرتىغا قارىغىلى بولىدۇ – دە، كۆرۈش قۇۋۋىتىنى ئاشۇرۇشقا پايدىسى بولىدۇ. ئەگەر كومپيۇتېرنى تامغا يۆلەپ قويۇش زۆرۈر بولسا، ئۇ ھالدا كومپيۇتېرنىڭ ئارقىسىغا بىر پارچە يېشىللىق ياكى كۆكۈچ مەنزىرە تەسۋىرلەنگەن رەسىمنى چاپلاپ قويۇڭ. مەسىلەن: يېشىل ئورمانلىق ياكى كۆك دېڭىز سۈرەتلىرىنى چاپلاڭ. بۇنداق سوغۇق خاراكتېرلىك رەسىملەر كۆز چارچاشنى ئۈنۈملۈك ھالدا يېنىكلىتىدۇ.
