گوۋۇيۈەن مائارىپ نازارەتچىلىك كومىتېتى قۇرۇلدى

　　2012-يىل 10-ئاينىڭ 1-كۈنى، يېڭى جۇڭگۇ قۇرۇلغاندىن بۇيانقى مائارىپ نازارەتچىلىكىگە دائىر تۇنجى مەخسۇس نىزام «مائارىپ نازارەتچىلىك نىزامى» رەسمىي يولغا قويۇلدى. 10-ئاينىڭ 11-كۈنى، يېڭى جۇڭگو قۇرۇلغاندىن بۇيانقى ئالىي ئۆلچەملىك مائارىپ نازارەتچىلىك ئاپپاراتى __ گوۋۇيۈەن مائارىپ نازارەتچىلىك كومىتېتى قۇرۇلدى ھەمدە دەسلەپكى تۈركۈمدە 171 خادىم نازارەتچلىككە تەكلىپ قىلىندى. بۇ «دۆلەتنىڭ ئوتتۇرا ۋە ئۇزاق مەزگىللىك مائارىپ ئىسلاھاتى ۋە تەرەققىياتى يىرىك پىلان پىروگراممىسى (2010-2020)» ئېلان قىلىنغاندىن كېيىن، مائارىپ ئىسلاھاتى ۋە تەرەققىياتى مۇساپىسىدىكى يەنە بىر مۇھىم ئابىدە.

پارتىيە مەركىزىي كومىتېتى، گوۋۇيۈەننىڭ يۈكسەك ئەھمىيەت بېرىشى ئاستىدا، «مائارىپ نازارەتچىلىكى نىزامى»دا مائارىپ نازارەتچىلىكىنىڭ تەدبىقلىنىش دائىرىسى، پىرىنسىپى، ئاپپاراتلار، قوشۇنلار، يولغا قويۇش ۋە قانۇنىي جاۋابكارلىق توغرىسىدا ئېنىق بەلگىلىمىلەر چىقىرىلدى. شۇنىڭدىن ئېتىبارەن مائارىپ نازارەتچىلىكىدە ئاساسلىنىدىغان قانۇن بار بولۇپ، مائارىپ ئىسلاھاتى ۋە تەرەققىيات ئىشلىرىغا يېڭى ھەرىكەتلەندۈرگۈچ كۈچ قوشۇلدى.