مائارىپ ئىستېمال بېسىمى ئېغىرلاپ كەتتى

 

جۇڭگو ياش-ئۆسمۈرلەر تەتقىقات مەركىزى ئائىلە تەربىيەسى تەتقىقات ئورنىنىڭ ئەڭ يېڭى تەكشۈرۈش نەتىجىسىدىن مەلۇم بولۇشىچە، مەجبۇرىيەت مائارىپى باسقۇچىدا، مەكتەپ مائارىپى ئائىلىلەرنىڭ مائارىپ سۈپىتىگە بولغان ئېھتىياجىنى قاندۇرالمىغان، مائارىپ چىقىمىنىڭ ئېشىش نىسبىتى ئائىلە ئومۇمىي چىقىمىنىڭ ئېشىش نىسبىتىدىن يۇقىرى بولغان. مەجبۇرىيەت مائارىپى باسقۇچىدا، ئېلىمىز شەھەرلىرىدىكى ئائىلە تەربىيەسى ئوتتۇرىچە چىقىمى پەرزەنت بېقىش خىراجىتى ئومۇمىي سوممىسىنىڭ %1.67نى ئىگىلەپ، ئائىلە ئىقتىسادىي ئومۇمىي كىرىمىدە ئىگىلىگەن نىسبىتى %1.03 كە يەتكەن. شەھەرلەردىكى ئادەتتىكى بىر ئائىلىنىڭ %30 كىرىمى پەرزەنت تەربىيەسىگە سەرپ قىلىنغان.

تەكشۈرۈش نەتىجىسىدە يەنە تېخىمۇ كۆپ ئاتا – ئانا پەرزەنتلىرىنى تۈرلۈك كۇرسلارغا قاتناشتۇرۇشتا ئىقتىسادىي جەھەتتە ئېغىر بېسىمغا دۇچ كەلگەن. بىر جەھەتتىن كۇرس تاللاش پەرزەنتلەرنىڭ ئەركىن ۋاقتىنى ئىگىلەپ، بەخت تۇيغۇسىنى تۆۋەنلىتىۋەتكەن. بۇنداق بەختلىك ئۆسمۈرلۈك چاغلار بىلەن كەلگۈسى ئوتتۇرىسىدىكى توقۇنۇش نۇرغۇن ئاتا-ئانىنى گاڭگىرىتىپ قويغان. ھالبۇكى، نۇرغۇن ئاتا-ئانا بۇنداق بېسىم ئالدىدا يەنىلا «مەنپەئەتنى ئاساس قىلىش، ساپانى قوشۇمچە قىلىش» يولىنى تاللىغان.