يەرشارى تورى ئۇنىۋېرسال خەۋىرى لەگلەك تورى تەرجىمىسى ، ئەنگلىيە « ئەينەك گېزىتى » نىڭ 10 - دېكابىر خەۋىرىگە قارىغاندا ، يېقىنىدا ھىندىستاندىكى بىر تۈرمىدە تۈرمىدىن قېچىش ۋەقەسى يۈز بەرگەن . جىنايەتچىلەر تۈرمە ساقچىلرىنىڭ كۆزىگە ئۇۋاق لازا چېچىپ پۇرسەتتىن پايدىلىنىپ قاچقان . تۈرمە ساقچىلىرى ئىنكاسىنى تىز قىلىپ نەخ مەيداندا 2 نەپەر جىنايەتچىنى ئېتىپ تاشلىغان ، ئۇنىڭ سىرىت يەنە 13 ئادەم قېچىپ كەتكەن .

ئىگىلىنىشچە بۇ ۋەقە ھىندىستاننىڭ شىمالىدىكى بىر يەردە يۈز بەرگەن . ۋەقە يۈز بەرگەندە تۈرمە ساقچىلىرى 54 نەپەر سوت ئېچىلىپ بولغان جىنايەتچىلەرنى ئېلىپ تۈرمىگە قايتىۋاتقان چاغدا جىنايەتچىلەر ساقچىلارغا ئۇۋاق لازا چېچىپ تۈرمە ساقچىلىرىغا ھۇجۇم قىلغان . ساقچىلار ئوق ئېتىپ قايتۇرما ھۇجۇمغا ئۆتۈپ ئككى ئادەمنى ئۆلتۈرگەن ، ئۈچ ئادەمنى يارىلاندۇرغان . لېكىن يەنىلا 13 نەپەر جىنايەتچى قېچىپ كەتكەن .

شۇ يەردىكى ساقچىلارنىڭ ئېلان قىلىشچە ئېتىپ ئۆلتۈرۈلگەن ئككى جىنايەتچى سول قانات ھۆكۈمەتكە قارشى قۇراللىق ئۇنسۇرلارنىڭ ئەزاسى ئىكەن . بارلىق قاچقان جىنايەتچىلەرنىڭ سالاھىتى ئېنىقلىنىپ بولغان . بىر جىنايەتچى ھۆكۈمەتكە قارشى قۇراللىق كۈچنىڭ ئەزاسى ئىكەن . باشقىلارنىڭ ھەممىسى جىنايىتى يىنىك ئادەتتكى جىنايەتچىلەر ئىكەن . شۇ يەردىكى ساقچى تەرەپنىڭ باياناتچىسى خەۋەر ئېلان قىلىپ ساقچى تەرەپنىڭ ئۇلارغا قارتا تۇتۇش بۇيرۇقى ئېلان قىلغانلىقىنى ئېيتتى .