مۇخبىرنىڭ ئۈرۈمچى يۇقىرى سۈرئەتلىك تۆمۈريولى يېڭى بېكەت قۇرۇلۇش مەيدانىدىن ئىگىلىشىچە، يېڭى يۇقىرى سۈرئەتلىك تۆمۈريول بېكىتىگە نۆۋەتتە ئەينەك تام قويۇلۇۋاتقان بولۇپ، ياندىكى تاشيول-تۆمۈريول بىرلەشمە يولۇچى توشۇش بېكىتى قۇرۇلۇشى ئاساسەن شەكىللەنگەن.ۋاھالەنكى يېقىندا تارقىتىلغان خەۋەرگە قارىغاندا، يېڭى بېكەتنىڭ شىمالىي مەيدان يول كۆۋرۈك قۇرۇلۇشىدىكى ئەڭ ئاخىرقى باسقۇچ تاماملانغان بولۇپ، بۇ يولۇچىلارنىڭ يۇقىرى سۈرئەتلىك تۆمۈريول شىمالىي بېكىتىگە كىرىپ-چىقىشىدىكى يولنىڭ تۇتاشتۇرۇلغانلىقىدىن دېرەك بېرىدىكەن، ئۆكتەبىرنىڭ ئاخىرىدا بېكەتكە كىرىپ-چىقىدىغان يول پۈتۈنلەي پۈتىدىكەن.

  تونۇشتۇرۇلۇشىچە، ئۈرۈمچى يۇقىرى سۈرئەتلىك تۆمۈريول بېكىتى ئۆيى ئىچى قىسمىنىڭ ئاساسىي قۇرۇلما قۇرۇلۇشى ئىيۇلنىڭ ئاخىرىدا تاماملانغان بولۇپ، 1-قارارلىق قۇرۇلۇشتىكى شىمالىي تەرەپ ئۆي ئىچى بېكەت قۇرۇلۇشى 2015-يىلىنىڭ ئاخىرىدا ئىشلىتىشكە تاپشۇرۇلىدىكەن، بۇ ۋاقىتتا شىنجاڭدا تۇنجى ئەڭ چوڭ رېلىسلىق قاتناش تۈگۈنى مەيدانغا كېلىدىكەن.