تېخى ئالدىنقى كۈنى دۇنيادىكى ئەڭ داڭلىق سېھرىگەر David Copperfield نىڭ بوشلۇقتا ئەركىن پەرۋاز قىلىش ماھارىتىدىن ھوزۇرلىنىپ ئۆتكەن ئىدۇق. بۈگۈن كۆپچىلىككە تونۇشتۇرىدىغان بۇ يېڭى سېھرىگەرىمىزنىڭ ئەلۋەتتە David تىن قېلىشقۇچىلىقى يوق، چىراي ئىپادىسى ۋە قول ھەرىكەتلىرىمۇ سېھرىگەرگە خاس سالاپەتكە تولغان…

بىليارت – ئوغۇللار، ھەتتا ئاز بىر قىسىم ساندىكى قىزلارمۇ ناھايىتى ياخشى كۆرۈپ ئوينايدىغان بىر خىل تەنھەرىكەت تۈرلىرىنىڭ بىرى. يېقىندا بولۇپ ئۆتكەن بىر مەيدان بىليارت ماھارەت مۇسابىقىسى تولىمۇ ئۆزگىچە ئېلىپ بېرىلغان بولۇپ، ئادەمنى ھەيران قالدۇرىدىغىنى، بۇ مەيدان مۇسابىقىدىكى ماھارەت كۆرسەتكۈچى مەلۇم يىگىت ياكى قىزچاق بولماستىن، بىر دانە ئىت ئىكەن!!!

يەرشارىدىكى ئىشلەتكۈچىسى %90 تىن ئاشىدىغان Windows مەشغۇلات سېستىمىسى، ھازىر ئاللىقاچان ھەر بىرىمىزنىڭ تۇرمۇشىنىڭ ئايرىلالماس بىر قىسمىغا ئايلىنىپ كەتتى. ئاشۇ 1.0 نەشىرىدىن باشلاپ تا ھازىرغىچە بولغان Windows 7 گىچە بولغان ئارىلىقتا، Windows نىڭ كۆرۈنمە يۈزى، قوزغالما سۈرەت ۋە مۇزىكىسىدا نۇرغۇن يېڭىلىنىشلار بولدى. بۇلارنىڭ بەزىلىرى ھېلىھەم قۇلاق تۈۋىمىزدە ياڭراپ تۇرىدۇ، تۆۋەندىكىسى Windows نىڭ بارلىق نەشىرىنىڭ قوزغالما ئاۋاز ۋە كۆرۈنمە يۈزى بولۇپ، بىرلىكتە ھوزۇرلىنىپ باقايلى، بەلكىم تونۇش ئەسلىمىلەر ئىچىدىن، ئۆزگىچە زوق ئالالىشىمىز مۇمكىن…

پۇتبول – كۆپچىلىك ئەڭ ياخشى كۆرىدىغان تەنھەرىكەت تۈرلىرىنىڭ بىرى. ھەر قېتىملىق دۇنيا پۇتبول لوڭقىسى تالىشىش مۇسابىقىسى بولسا، پۈتكۈل دۇنيا بويىچە كۆرۈلۈش نىسبىتى ئەڭ يۇقىرى بولغان بىر مۇسابىقە بولۇپ ھېسابلىنىدۇ. ئەلۋەتتە دۇنيا پۇتبول مۇسابىقىسىگە قاتنىشالمىغان توپچىلارمۇ نۇرغۇن بولۇشى مۇمكىن. تۆۋەندىكىسى تور ئارىلاپ ئۇچرىتىپ قالغان سىن بولۇپ، پۇتبولنى بىزنىڭ تىلىمىز بويىچە «چېقىۋېتىدىغان» بىرى ئوخشايدۇ، كۆرمىگەنلەر بىر كۆرۈپ باقساڭلار بولغۇدەك…

كىشىلىك تۇرمۇشتا ھەر بىرىمىزنىڭ ئۆزگىچە ئارزۇ-ئارمانلىرى، غايىلىرى بولىدۇ. شۇنداقلا ئىنسان تەبىئىتىدىن چىقىپ تۇرۇپ ئېيتقاندا، ھەممە نەرسىنى بىز ئويلىغاندەك بولسىكەن دەپ ئويلاپ كېتىمىز. ئۇنداقتا كىشىلەرنىڭ ئارزۇسى بىلەن رېئاللىقنىڭ يۇغۇرۇلمىسى قانداق بولىدىغاندۇ؟ قېنى بىرلىكتە كۆرۈپ باقايلى.

بۇ بولسا، بىر تۈرلۈك ئەقلىي ئىقتىدارنى سىنايدىغان ۋە كىشىدىن كۈچلۈك زېرەكلىك تەلەپ قىلىدىغان سۇ تۇرۇبىسى ئۇلاش ئويۇنى بولۇپ، نامى – Steam And Brass. گەرچە ئويۇن Flash تا تۈزۈلگەن بولسىمۇ، سىز ئويۇننىڭ كۆرۈنمە يۈزىدىن بىر تۈرلۈك 3D ئويۇندا بولۇشقا تېگىشلىك تۇيغۇنى ھېس قىلالايسىز، ئويۇن مول تەسەۋۋۇر ۋە ئاجايىپ ئۆزگىچە بولغان رىقابەت تۇيغۇسى ئاساسىدا تۈزۈلگەن.

بەلكىم بىر قىسىم تورداشلار ئىلگىرى مەلۇم تور بېكەتتە بۇ خىل ناھايىتى كۆركەم بولغان ئۈنۈمنى بايقىغان بولۇشى مۇمكىن. ئەمەلىيەتتە بۇ خىل ئۈنۈمنى Photoshop تا ئۆزىمىز قول سېلىپ ئىشلەش ئانچە تەس ئەمەس. بىراق كۆپ قىسىم ھورۇن ساۋاقداشلارغا نىسبەتەن، ناۋادا تەييار ئۈنۈم بولغان بولسا نەقەدەر ياخشى بولاتتى ھە؟

Pixar نىڭ داڭلىق ئەسەرلىرىدىن ئالدىنقى قېتىم «يەكچەشمىنىڭ يېڭى ماشىنىسى» بىلەن تونۇشۇپ ئۆتكەن ئىدۇق، بۇدا ئېلىپ كەلگىنىم 79-قېتىملىق ئوسكار مۇپاكاتىغا ئېرىشكەن نادىر كارتون فىلىمى – تۇتقۇن قىلىش دەرسى.

ئادەتتە بىز ياقتۇرۇپ ئوينايدىغان موگو، 魂斗罗 دېگەندەك ئويۇنلارنىڭ قىيىنلىق دەرىجىسى خېلىلا يۇقىرى، ئارىمىزدا تېخى 魂斗罗 نىڭ جان سانىنى ئۈچ كىشىلىك قىلىپ قويۇپ تۈگىتىۋېتەلەيدىغان تورداشلار ئانچە كۆپ ئەمەسقۇ دەيمەن. ناۋادا بۇ ئويۇنلارنىڭ قىيىنلىق دەرىجىسى غايەت زور دەرىجىدە تۆۋەنلىتىۋېتىلسە، ياكى بىزگە شۇنداق بىر ئالاھىدە ئىمتىياز بېرىلسە، بىر تىنىقتىلا ئويۇننى ئاخىرلاشتۇرىۋېتەلىسەك….

مىكروسوفت VS2010 نى ئېلان قىلغىلى خېلى ئۇزۇن بولدى، بەلكىم پروگرامما ھەۋەسكارلىرى تورداشلار ئاللىبۇرۇن چۈشۈرۈپ ئىشلىتىشكە باشلىغان بولۇشىمۇ مۇمكىن. بۈگۈن ئېلىپ كەلگىنىم Visual Studio 2010 نىڭ MSDN دىن تارقىتىلغان ئەسلى ھەقىقى نەشىرى بولۇپ، ھېچقانداق ئارتۇق ئەخلەت ياكى پروگراممىلار قوشۇلمىغان پاكىز نۇسخىسى. پروگراممېر ھەۋەسكارلىرى دوستلارنىڭ ساقلاپ قويۇشى ئۈچۈن ياخشى تاللاش بولالايدۇ.