«يەكچەشمىنىڭ يېڭى ماشىنىسى» بولسا، Pixar شىركىتى «غەلىتە مەخلۇقلار شىركىتى(Monster Inc)»غا ئەگىشىپ چىقارغان بىر تۈرلۈك ۋەكىل خاراكتېرلىك قىسقا كارتون فىلىمى بولۇپ، ئەسلى فىلىمدىكى پېرسوناژلارنىڭ ئالاھىدىلىكى ئاساسىدا يېڭى ۋەقەلىك بىلەن يۇغۇرۇلۇپ ئىشلەنگەن، ئاشۇرما قىلىپ ئىپادىلەنگەن چىراي ئىپادىلىرى ئادەمنى تولىمۇ ئۆزىگە مەپتۇن قىلىدۇ. ناۋادا سىز Monster Inc نى كۆرۈپ بولغان بولسىڭىز، ئىشىنىمەنكى رەسىمگە بىر قاراپلا ئەسلىيەلەيسىز، تەۋسىيە دەرىجىلىك نادىر كارتونلارنىڭ بىرى!!!

يوغان كۆزلۈك يەكچەشمە پۇل يىغىپ يۈرۈپ ئاخىرى بىر دانە ماشىنا سېتىۋالىدۇ ۋە بۇنى ئەڭ يېقىن دوستىغا كۆرسىتىپ ئۇنىڭغا ئۆزىنى بىر كۆرسىتىپ قويماقچى بولىدۇ، ئەلۋەتتە يېڭى ماشىنا بولغاندىن كېيىن، ھەيدەپ بېرىپ شامالداپ كېلىشمۇ كۆڭۈلدىكى بىر تاللاش، بىراق يېڭى ماشىنىنى ھەيدەشنىڭ ئۇنچە ئاسان ئەمەسلىكىنى كىم بىلسۇن دەيسىز؟

ئەلۋەتتە بىر قىسىم سۈزۈك فىلىم ساقلايدىغان ھەۋەسكارلىرىمىز ئۈچۈن، 720P لىق يۇقىرى ئېنىقلىتىكى چۈشۈرۈش ئادرېسىنىمۇ قالدۇرۇپ قوياي، ياقتۇرغانلار ساقلاپ قويساڭلار بولىدۇ. بۇندىن كېيىن يەنە پۇرسەت بولسا، Pixar نىڭ بىر قانچە نادىر كارتون فىلىمىنى تونۇشتۇرۇشۇم مۇمكىن.

يەكچەشمىنىڭ يېڭى ماشىنىسى 720P لىق نۇسخىسى | مەنبەسى: torhumar.com