Adın Bahardı
Yılmaz Erdoğan
ئىسمىڭ باھار ئىدى
يىلماز ئەردوغان ( تۈركىيە)
شەھەرنى يالغۇزلۇق باساتتى ئۇخلاپ قالساڭ
يۈزۈمدە پەسىللەر ئالمىشاتتى ئويغانغىنىڭدا
بىلمەيتتىڭ سېنى يوشۇرۇنچە سۆيگىنىمنى
سۆيگۈڭ ئىچىمدە ياشايتى، ئىسمىڭ باھار ئىدى.
مەھەللىمىزدىن ئۆتۈپ قالساڭ ناۋادا
پۈتۈن كوچا جىم بولاتتى، ساڭا باقاتتى
بىلمەيتتىڭ يوشۇرۇنچە كۈزەتكىنىمنى
كۆزلىرىم كۆزلىرىڭدىن قورقاتتى
ئېىسىمدە تېخىچە، ئىسمىڭ باھار ئىدى.
كوچىدا بايرام ئىدى بېكەتتە ساقلىشىڭ
مەڭگۈلۈك ئايرىلىشتەك بىلىنەتتى مەكتەپكە كېتىشىڭ
بىلمەيتتىڭ، سېنى ھەر سەھەر ئۇزىتىپ قوياتتىم
يۈرىكىم يول بويى ئارقىڭدىن يىغلايتتى
ئېسىمدە تېخىچە، ئىسمىڭ باھار ئىدى.
تۈركچىدىن ئەنۋەر ھامىت( ئايپالتا) ئۇيغۇرچىلاشتۇردى.
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.