Phenomenal Woman

by Maya Angelou

ئەپسانىۋىي ئايال

مايا ئانگېلو ( ئامېرىكا)

چىرايلىق ئاياللارنىڭ مەخپىيەتلىكىمنىڭ نەدىلىلكىنى بىلگۈسى كېلىدۇ.

مەن ئوماق ياكى مودېل بولالىغۇدەك قاملاشقان ئەمەس

لېكىن گەپلىرىمنى باشلا- باشلىمايلا،

ئۇلارغا يالغانچىدەك تۇيىلىمەن.

دەيمەن،

ئۇ  -  قۇچاقلىرىمدا

ساغرىلىرىمدا،

مەغرۇر قەدەملىرىمدە،

لەۋلىرىمنىڭ ئەگىملىرىدە.

ئەپسانىۋىي ھالەتتە.

ئەپسانىۋىي ئايال،

ئۇ – مەندۇرمەن.

بىر ئۆيگە كىرسەم

سېنى خۇش قىلغان پەيزى ھالەتتە،

بىر ئادەم ئۈچۈن،

ئادەملىرى سەپراس تۇرۇشتى ياكى

تىزلىنىشتى.

ئاندىن ماڭا يوپۇرۇلۇشتى،

بىر توپ ھەسەل ھەرىلىرى.

دەيمەن.

ئۇ ـ كۆزلىرىمدىكى ئوتتۇر،

ھەم چىشىمنىڭ يالتىراشلىرى،

بەللىرىمنىڭ تولغىنىشلىرى،

پۇتلىرىمنىڭ شاد –يايراشلىرى.

ئايالمەن،

ئەپسانىۋىي ھالەتتە.

ئەپسانىۋىي ئايال،

ئۇ – مەندۇرمەن.

ئەرلەر قالىدۇ  ھەيرانۇ – ھەستە

ئۆزلىرى مەندە كۆرگەنلىرىگە.

قىلمىغانلىرى ئاز قېلىشسىمۇ

ئەسلا يېتەلمەس

ئىچكى سىرىمگە.

كۆرسىتەي دېسەم ئۇلارغا ئۆزۈم

ئۇلار دېيىشەر كۆرمىدى كۆزۈم.

دەيمەن،

ئۇ – دۈمبەمدىكى ئويماندا،

كۈلكەمدىكى قۇياشتا،

قوش كۆكسۈمنىڭ ئۆركەشلىرىدە،

لاتاپەتلىك كۆرك- خۇلقىمدا.

ئايالمەن

ئەپسانىۋىي ھالەتتە.

ئەپسانىۋىي ئايال،

ئۇ – مەندۇرمەن.

ئەمدىغۇ چۈشەنگەنسەن

مەن نېمىشقا باشىم ئەگمىدىم.

قىيا – چىيا ياكى تىپچەكلەشلەردىن

ياكى داۋراڭ سېلىشلاردىن خالىمەن.

كۆزۈڭ چۈشسە ئۆتۈۋاتقان چېغىمدا

بېشىڭ بولۇر تاقاشقاندەك ئاسمانغا.

دەيمەن،

ئۇ ـ پاشنامنىڭ تاس- تاسلىرىدا،

ساچلىرىمنىڭ ئويناشلىرىدا،

قوللىرىمنىڭ ئالقانلىرىدا،

كۆيۈمگە بولغان مۇھتاجلىقىمدا،

چۈنكى ئايالمەن

ئەپسانىۋىي ھالەتتە.

ئەپسانىۋىي ئايال،

ئۇ – مەندۇرمەن.

ئىنگلىزچىدىن ئايپالتا تەرجىمە قىلدى.