چاۋشيەن ئاخبارات ئاگېنتلىقىنىڭ دوكلاتىغا ئاساسلانغاندا، ئۇلار ئامېرىكىنىڭ چاۋشيەننى «تەھدىت» پەيدا قىلدى دەپ كۆپتۈرمىچىلىك قىلىپ، ئاسىيا تىنچ ئوكيان رايونى ۋە دۇنيا تەۋەسىدە باشقۇرۇلىدىغان بومبىغا قارشى سىستېما قۇرۇشقا يول ھازىرلىقىنى ئەيىبلىگەن.
     باھالاردا دېيىلىشىچە، تۈنۈگۈن ئېچىلغان ئامېرىكا ئاۋام پالاتاسى ھەربىي ئىشلار كومىتېتىنىڭ ئىسپات بېرىش يىغىندا، ئامېرىكا ئارمىيىسى «ئامېرىكا ئارمىيىسىنىڭ ئاسىيادا ئۇچرايدىغان ئەڭ ئاساسلىق خىرىسى چاۋشيەن» «چاۋشيەن يادرو ۋە باشقۇرۇلىدىغان بومبا پىلانى بولسا ئىغۋاگەرچىلىك ۋە تەھدىتنى ئىشقا ئاشۇرۇش» دېگەن ھەمدە چاۋشيەننى كۆپتۈرۈپ «باشقۇرۇلىدىغان بومبىدىن مۇداپىئە كۆرۈش ئىقتىدارىنى ئاشۇرۇش كېرەك»دەپ كۆرسەتكەن.
باھادا قارىلىشىچە، بۇ بىر قىسىم ئىشلاردا ئاشكارلىنىشچە ئامېرىكا چاۋشيەن «تەھدىت» پەيدا قىلدى دېگەننى باھانە قىلىپ، ئاسىيا ۋە پۈتۈن دۇنيا تەۋەسىدە باشقۇرۇلىدىغان بومبىدىن مۇداپىئە كۆرۈش سىستېمىسىنى كېڭەيتمەكچى بولغان ھەمدە ئۆزلىرىنىڭ يوشۇرۇن رەقىبلىرىنى توسۇپ، ئۆزىنىڭ ھەربىي ئىشلاردىكى مەنپەئەتىنى قوغداشقا ئۇرۇنغان.
      باھالاردا يەنە كۆرسىتىلىشىچە، ھازىرقى شارائىتتا ئامېرىكا پۈتۈن دۇنيا تەۋەسىدىكى ئىستراتېگىيىسىنى كېڭەيتىپ، ئاسىيا تىنچ ئوكيان رايونىغا باشقۇرۇلىدىغان بومبىغا قارشى سىستېمىنى ئورۇنلاشتۇرۇش مەقسىتىنى ئەمەلگە ئاشۇرىدىكەن. دېيىلىشىچە، ئامېرىكىنىڭ ھەرىكىتى بولسا پۈتكۈل ياۋرۇ-ئاسىيا قۇرۇقلۇقىغا قارىتىلغان بولۇپ، ئامېرىكا كۈچلۈك بولغان باشقۇرۇلىدىغان بومبىغا زەربە بېرىش سىستېمىسى ئارقىلىق ئۇرۇش قىلىش رايونىنى پۈتۈن دۇنيادىكى ھەر قايسى دۆلەت ۋە رايونلارغىچە كېڭەيتىدىكەن.
      باھالاردا دېيىلىشىچە، ياپونىيە ئامېرىكا تەرىپىدىن ئورتاق تەرەققىي قىلىپ، باشقۇرۇلىدىغان بومبىغا قارشى سىستېما ئىشلەپچىقىرىش ۋە ئۇنى تەرەققىي قىلدۇرۇش ھوقۇقىغا ئېرىشىكەن. كېيىنچە نۇرغۇن يېڭى تىپتىكى باشقۇرۇلىدىغان بومبىلار ياپونىيە قوغدىنىش ۋازارىتىنىڭ بازىسىغا ئورۇنلاشتۇرۇلىدىكەن، ھەمدە يەنە باشقۇرۇلىدىغان بومبىغا قارشى سىستېما يۇسدۇن ھەربىي پاراخوتىغا ئورۇنلاشتۇرۇلۇپ، مەزكۇر پاراخوتنىڭ دېڭىزدىكى سۇ ئۇرۇش قىلىش كۆلىمى ئاساسى ھوقۇقىدىن ئارتىپ كېتىدىكەن.
باھالاردا دېيىلىشىچە، ئامېرىكا چاۋشيەننى «تەھدىت» پەيدا قىلدى دەپ كۆپتۈرۈۋەتكەن. يەنى كورىيە ئامېرىكىنىڭ باشقۇرۇلىدىغان بومبىغا قارشى سىستېمىسىنىڭ سېپىگە قوشۇلغان ھەتتا كورىيە ئاشكارا ھالدا تەشەببۇسكارلىق بولغان «چاۋشيەنگە قارشى كۈچ» بەرپا قىلىپ، ئۇزۇنغا قالماي ناھايىتى تېز باشقۇرۇلىدىغان بومبىغا قارشى سىستېما بەرپا قىلىدىكەن. باھالاردا قارىلىشىچە، ئامېرىكا ئۆزىنىڭ پۈتۈن دۇنيا تەۋەسىدە باشقۇرۇلىدىغان بومبىغا قارشى سىستېما ئورۇنلاشتۇرۇشى ئۈچۈن باھانە ئىزدىگەن، شۇنىڭ بىلەن چاۋشيەن «تەھدىت» سالدى دېگەن كۆز قاراش پەيدا بولغان.
      باھالاردا دېيىلىشىچە، تۈنۈگۈن رۇسىيە دىپلوماتىيە مىنىستىرىنىڭ كۆرسىتىشىچە، رۇسىيە ئامېرىكىنىڭ ئۆز دۆلىتىنىڭ چېگرىسى ئەتراپىغا ئىستراتېگىيىلىك بومباردىمانچى ئايروپىلان ۋە ئاۋىئاماتكا توپىنى ئورۇنلاشتۇرۇشىنى خالىمايدىكەن.
باھالاردا قارىلىشىچە، ئامېرىكا ئاسىيا تىنچ ئوكيان رايونىدا باشقۇرۇلىدىغان بومبىغا قارشى سىستېما بەرپا قىلىپ مەزكۇر رايوننىڭ جىددىيلىكىنى ئاشۇرۇۋەتكەن ھەمدە يېڭىدىن قارشىلىق ۋە ھەربىي ئىشلار مۇسابىقىسىنى كەلتۈرۈپ چىقارغان. قۇشۇمچە قىلىپ ئېيتقاندا، چاۋشيەن ئاخبارات ئاگېنتلىقىنىڭ دوكلاتىغا ئاساسلانغاندا، ئۇلار ئامېرىكىنىڭ چاۋشيەننى «تەھدىت» پەيدا قىلدى دەپ كۆپتۈرمىچىلىك قىلىپ، ئاسىيا تىنچ ئوكيان رايونى ۋە دۇنيا تەۋەسىدە باشقۇرۇلىدىغان بومبىغا قارشى سىستېما قۇرۇشقا يول ھازىرلىقىنى ئەيىبلىگەن.