لەگلەك تورى خەۋىرى: سىز ئۈرۈمچىدىن قۇمۇلغا بارىدىغان تېز سۈرئەتلىك پويىزىغا ئولتۇرۇپ باققان بولىشىڭىز مومكىن. كۆپىنچە كىشىلەر « نېمىشقا جۇڭگودىكى تېز سۈرئەتلىك تۆمۈر يول كۆپىنچە كۆۋرۈك ئۈستىگە ياسىلىدۇ؟ بۇنداق بولغاندا قۇرۇلۇش تەننەرخىنى بەك كۆپ ئاشۇرۋەتمەمدۇ؟ »دەپ سورىشى مۇمكىن.
ھەقىقەت: جۇڭگو تېز سۈرئەتلىك تۆمۈريولنىڭ كۆۋرۈك ئۈستىگە ياسىلىشىدا، تېخنىكا،ئىقتىساد قاتارلىق ئامىللار بار. ئەمما يىغىنچاقلاپ ئېيتقاندا يەنىلا تېخنىكا ئۆلچەم مەسىلىسى. بۇنىڭدىكى مەقسەت بولسا تېز سۈرئەتلىك پويىزنىڭ سىلىق ھەم تېز سۈرئەت يۈرۈشىگە كاپالەتلىك قىلىش ئۈچۈن . بۇنىڭدىكى ئاساسلىق سەۋەپلەرنى تۆۋەندىكى تۆت نوقتىغا يىغىنچاقلاشقا بولىدۇ.
بىرىنچى، رېلىسنىڭ تۈز ھەم تەكشى بولۇش ئۈچۈن.تۈز دېگىنىمىز،ئىمكان بار تۈز سىزىقلىق ياكى چوڭ رادىئۇسلۇق يەككە ئەگرى سىزىقلىق رېلىس ئىشلىتىش. ھەم كۆپ ھەم جىددىي ئەگرى يول بولۇشقا بولمايدۇ.مەسىلەن سائەتلىك سۈرئىتى 350 كىلومېتىر بولغان تېز سۈرئەتلىك پويىزنىڭ ئەگرى سىزىقلىق رېلىسنىڭ رادىئۇسى 7000 مېتىردىن ئاز بولسا بولمايدۇ.تەكشى دېگىنىمىز، ھەم كۆپ ھەم چوڭ بىر كۆتۈرۈلۈپ بىر تۆۋەنلەيدىغان رېلىس بولسا بولمايدۇ. بۇ ئاساسلىق يانتۇلۇق مەسىلىسىنى كۆزدە تۇتقان.
ئىككىنىچى، تىز سۈرئەتلىك يولنىڭ ئولتۇرۇشۇپ كىتىشىدىن ساقلىنىش ئۈچۈن. دۆلىتىمىزنىڭ تۆمۈر يولىنىڭ ياسىلىشىنىڭ تېز بولۇشىدىكى ئەڭ مۇھىم سەۋەب بولسا رېلىسنىڭ كۆپىنچىسى كۆۋرۈك ئۈستىگە قۇرۇلىدۇ.ئادەتتە يول ئۇلى ئالاھىدە تولدۇرۇلما ماتېرىيال (سېغىز توپا،شېغىل)نى تىندۇرۇشتىن ياسىلىدۇ. بۇ تولدۇرۇلما ماتېرىياللارنى تىندۇرغاندا بوش بولۇپ قىلىشتىن ساقلىنىش ئۈچۈن چىڭداش ماشىنا سايمانلىرى بىلەن چىڭداش كېرەك. توپا يولغا ياسىغان يول ئۇلى چىڭداش ماشىنا سايمانلىرى بىلەن چىڭىدىغان تەقدىردىمۇ ئولتۇرشۇپ كېتىدىغان ئەھۋاللار يۈز بېرىدۇ. كۆۋرۈككە ياسىغان ئۇل ئولتۇرۇشۇپ كەتمەيدۇ.
ئۈچىنچى، يەرنى تىجەيدۇ .سانلىق مەلۇماتنى دېسەملا چۈشۈنىسىلەر. بېيجىڭ-شاڭخەي تېز سۈرئەتلىك تۆمۈر يولىدىكى كۆۋرۈكنىڭ نىسبىتى 80% يىتىدۇ. ئادەتتىكى يولغا قارىغاندا 30 مىڭ مو يەرنى ئاز ئىشلەتكەن.گەرچە كۆۋرۈك ياساشنىڭ تەننەرخى كۆپ بولسىمۇ، چېقىش-كۆچۈرۈشنىڭ تەننەرخىنىڭ تىجىلىشىنى كۆزدە تۇتقاندا، كۆپ چىققان سان چەكلىك بولىدۇ.
تۆتىنچى، باشقا سەۋەبلەر. مەسىلەن يول ئاسرىماق تەننەرخ ئازايتىش،رېلىسنىڭ بىخەتەرلىكىنى يۇقىرى كۆتۈرۈش،پىيادىلەرنىڭ يولدىن ئۆتۈش مەسىلىسىنى ھەل قىلىش، باشقۇرۇش خەۋپ-خەتەرىنى ئازايتىش دىگەندەك.