پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى 1-ئاينىڭ 14-كۈنى چۈشتىن كېيىن سائەت 17 دە ئاسىيا لوڭقىسىنى تالىشىش پۇتبول مۇسابىقىسىنىڭ كىچىك گۇرۇپپا مۇسابىقىسى ئىككىنچى ئايلانمىسى B  گۇرۇپپىدىكى جۇڭگۇ كوماندىسى بىلەن ئۆزبىكىستان كوماندىسىنىڭ مۇسابىقىسى بۇرسبون توپ مەيدانىدا ئېلىپ بېرىلدى. ئەخمەتوفنىڭ يىراقتىن ئۇرغان توپى جۇڭگۇ كوماندىسىنىڭ مۇداپىئە توپچىسىنىڭ بەدىنىگە تېگىپ ۋاراتارغا كىردى. ۋۇ شى جۇڭگۇ كوماندىسى ئۈچۈن نەتىجىنى تەڭلەشتۈرگەن بىر توپنى كىرگۈزدى. سۈن كې يەنە بىر توپ كىرگۈزۈپ نەتىجىنى 2-1 بىر قىلىپ ئۆزگەرتتى. ئاخىردا جۇڭگۇ كوماندىسى ئۆزبىكىستان كوماندىسىنى مەغلۇپ قىلىپ كىچىك گۇرۇپپىنىڭ بىرىنچىسى بولدى.

مۇسابىقە باشلىنىپ 22 مىنۇت بولغاندا ئۆزبىكىستان كوماندىسى ئۈستۈنلۈككە ئېرىشتى. ئەخمەتوف سولدىن توپ ئېلىپ ئازراق تەڭشىگەندىن كېيىن ۋاراتارغا ئۇردى. توپ جۇڭگۇ كوماندىسىنىڭ مۇداپىئە توپچىسىنىڭ بەدىنىگە تېگىپ كېتىپ ۋاراتارغا كىردى. ئوزبىكىستان كوماندىسى 1-0 نەتىجە بىلەن ۋاقتىنچە جۇڭگۇ كوماندىسىنىڭ ئالدىغا ئۆتۈپ كەتتى. ئالدىنقى يېرىم مەيدان 1-0 نەتىجە بىلەن ئاخىرلاشتى. 

كېيىنكى يېرىم مەيداندا ھەر ئىككى تەرەپ تەڭشەش ئېلىپ باردى. خاۋ جۈنمىن مەيدانغا چىقىپ يۈ خەي مەيداندىن چۈشتى. تۇرايىف مەيدانغا چىقىپ مۇراگانوف مەيداندىن چۈشتى. 

55 مىنۇت بولغاندا جۇڭگۇ كوماندىسى نەتىجىنى تەڭلەشتۈردى. جىياڭ جىپېڭ سولدىن يانتۇ پاس بەردى. ۋۇ لېي توپنى ۋاراتار ئالدىغا تاشلىدى. خاۋ لىن چەكلەنگەن رايۇن ئىچىدە توپنى يان تەرىپىدىن نۇقتا توپ تېپىدىغان جايغا بەردى. ۋۇ شى ئەگىشىپ توپنى ۋاراتارغا كىرگۈزدى. جۇڭگۇ كوماندىسى 1-1 نەتىجە بىلەن مۇسابىقە نەتىجىسىنى تەڭلەشتۈردى.

68 مىنۇت بولغاندا جۇڭگۇ كوماندىسى نەتىجىدە ئېشىپ كەتتى. تېخى ئەمدىلا مەيدانغا چىققان سۈن كې سەپدىشى ئوتتۇرا مەيداندىن بەرگەن پاسنى ئېلىپلا چەكلەنگەن رايۇن ئالدىدا ۋاراتارغا تېپىپ كىرگۈزدى. جۇڭگۇ كوماندىسى 2-1 نەتىجە بىلەن ئۈستۈنلۈككە ئېرىشتى. مۇسابىقە ئاخىرلاشقۇچە ھېچكىم توپ كىرگۈزەلمىدى. ئاخىرىدا جۇڭگۇ كوماندىسى 2-1 نەتىجە بىلەن ئۆزبىكىستان كوماندىسىنى مەغلۇپ قىلدى. بۇ جۇڭگۇ كوماندىسىنىڭ 14 يىلدىن بۇيان ئۆزبىكىستان كوماندىسىنى تۇنجى قېتىم مەغلۇپ قىلىشى ھېسابلىنىدۇ. 

جۇڭگۇ كوماندىسىدىن ئاساسلىق ئەزا سۈپىتىدە مەيدانغا چىققان توپچىلار : 23-نومۇر ۋاڭ دالېي. 3-نومۇر مېي فاڭ. 5-جاڭ لىنپېڭ. 2-نومۇر رېن خاڭ. 4-نومۇر جىياڭ جىپېڭ.  15-نومۇر ۋۇ شى. 10-نومۇر جېڭ جى. 17-نومۇر جاڭ چېڭدوڭ. ( 81 مىنۇت بولغاندا لىيۇ بىن بىن ئورنىغا چىقتى. 7-نومۇر ۋۇ لېي. 21-نومۇر يۈ خەي ( 46 مىنۇت بولغاندا خاۋ جۈنمىن ئورنىغا چىقتى.) 18-نومۇر خاۋ لىن ( 66 مىنۇت بولغاندا سۈن كې ئورنىغا چىقتى.)

مەيدانغا چىقمىغان زاپاس ئەزالار : 1-نومۇر زېڭ چېڭ. 6-نومۇر لى ئاڭ. 8-نومۇر سەي خۇيكاڭ. 9-نومۇر ياڭ شۈ. 12-نومۇر يەن جۈنلىڭ. 13-نومۇر لىيۇ جىيەنيې. 14-ئومۇر جى شىياڭ. 20-نومۇر يۈ خەنچاۋ. 22-نومۇر مىيۇ لىشېڭ.

ئۆزبىكىستان كوماندىسىدىن ئاساسلىق ئەزا سۈپىتىدە مەيدانغا چىققان توپچىلار: نېستىلوف. مۇراگانوف. ئىسمىروف. ھىلداروف. گىپاروف. ئەھمەتوف. سېرگىيوف. تۇرسۇنوف. كالپاز. دېرنىسۇف. سۇرامىدۇف.