سامساق ھەر خىل يۇقۇچان كېسەللىكلەرگە داۋا بولسىمۇ، لېكىن ئۇ جىگەر، ئاشقازان، ئۆپكە ۋە كۆز كېسەللىكلىرىگە ئەكس تەسىر كۆرسىتىدۇ. ئاشقازان كېسىلى بارلار سامساق يېسە، سامساق ئاشقازاننى غىدىقلاپ، ئاغرىقنى تېخىمۇ كۈچەيتىۋېتىدۇ. ئىسسىق ئۈتۈپ قالغان ۋە جىگەر كېسەللىكىگە گىرىپتار بولغانلار يېسە، خۇددى ئوت ئۈستىگە ياغ چاچقاندەك ئىش بولىدۇ؛ كاناي ياللۇغى، ئۆپكە ياللۇغى ۋە زىققا كېسىلى بارلار يېسە، بەلغەم كۆپىيىپ يۆتەل كۈچىيىدۇ، نەپەس سىقىلىدۇ؛ كۆز كېسىلىگە گىرىپتار بولغانلار يېسە، كۆز خىرەلىشىدۇ، قىچىشىدۇ، قىزىرىپ ئىششىيدۇ، شۇڭا ساغلام كىشىلەرمۇ سامساقنى ئەمەلىي ئەھۋالىغا بېقىپ مۇۋاپىق يېگىنى ياخشى.