جاھان كىزەر تورىنىڭ تۈنۈگۈنكى خەۋرىگە ئاساسلانغاندا، جۇڭگولۇق قانۇنسىز كۆچمەنلەر بىلەن ۋېيتنام چېگرا قىسىم ساقچىلىرى ئارىسدا ۋېيتنامنىڭ گۇاڭنىڭ ئۆلكىسىدە بىر قېتىملىق قوراللىق ئېتشىش يۈز بەرگەن بۇلۇپ، ئاللىقاچان 5 نەپەر جۇڭگولۇق بىلەن 2 نەپەر ۋېيتنام ساقچىسنىڭ ئۆلشىنى كەلتۈرۈپ چىقارغان.

نۆۋەتتە ، ۋېيتنام  گۇاڭنىڭ ئۆلكىسى تەرەپ بۇ ئىشنىڭ تېرورلۇق بىلەن مۇناسىۋەتلىك ئىكەنلىكىنى ئىنكار قىلدى، جۇڭگو -ۋېيتنام ئىككى تەرەپنىڭ بىلدۈرىشىچە، ئىككى تەرەپ ھازىر مۇشۇ ئىشقا قارىتا بىرلەشمە تەكشۈرۈش ئېلىپ بېرۋېتىپتۇ. 

خەۋەر قىلنىشىچە، ۋېيتنام گۇاڭنىڭ ئۆلكىلىك ھۆكىمەت ئۆزىنىڭ تور بېتىدە يۇقارقى ئىشقا مۇناسىۋەتلىك بايانات قىلغان . باياناتتا دىيلىشىچە، گۇاڭنىڭ ئۆلكىسى ئاللىقاچان مەزكۇر ۋەقەنى ۋېيتنام مەركىزى ھۆكمىتىگە دوكلات قىلغان ھەمدە جىددى يىغىن چاقىرغان. 

تۈنۈگۈن سەل بۇرۇنقى ۋاقىتتا ، 16 نەپەر  جۇڭگولۇق پۇقرا جۇڭگو -ۋېيتنام چېگراسدىكى كىرىش ئېغزىدا ۋېيتنام ساقچىلىرى تەرپىدىن تۇتۇپ قېلىنغان، بۇلارنىڭ ئىچىدە تۆت نەپەر ئايال ۋە ئىككى كىچىك بالا بار . بۇندىن بۇرۇن ۋېيتنام تەرەپ   جۇڭگو چېگرا مۇداپىئە ئەمەلدارىنىڭ بۇ بىر توپ قانۇنسىز چېگرادىن ئۆتكۈچلەرنىڭ ۋېيتنام تەرەپكە قانۇنسىز ئۆتۈپ كەتمەكچى بولغانلىقى توغرىسىدا ئۇقتۇرۇش تاپشۇرۋالغان. 

ۋېيتنام ئاخبارات ۋاستىللىرنىڭ خەۋەر قىلشىچە، ئاشۇ كۈنى چۈشتە، ۋېيتنام تەرەپ  بۇ بىر توپ قانۇنسىز كۆچمەنلەرنى چېگردىن قوغلاپ چىقىرىپ جۇڭگو تەرەپكە قايتۇرۇپ بەرمەكچى بولغان.  بىر قىسىم ۋېيتنام خادىملىرى قايتۇرۋېتىشقا مۇناسىۋەتلىك بولغان بەزى زۆرۈر خەت-چەكلەرنى تولدۇرۋاتقاندا، قىسمەن جۇڭگولۇق قانۇنسىز كۆچمەنلەر ۋېيتناملىق خادىمنىڭ قولىدىكى AK-47قورالىنى تارتىۋېلىپ ئۇلارغا قارىتىپ ئوق چىقارغان. بىر نەپەر  ۋېيتناملىق خادىم نەخ مەيداندا ھاياتىدىن  ئايرىلغان يەنە بىر يارىسى ئېغىر  خادىم قۇتقۇزۇش ئۈنۈم بەرمەي ئۆلۈپ كەتكەن بۇندىن باشقا يەنە تۆت ئادەمنىڭ يارىسى ئېغىر ئىكەن. ۋېيتنام تەرەپ جۇڭگولۇق قانۇنسىز كۆچمەنلەرنى قورال تاپشۇرۇشقا دەۋەت قىلغان بۇلۇپ ئاياللارنىڭ قولدىكى پىچاق قاتارلىق قوراللارنىمۇ ئۆز ئىچىگە ئالىدۇ. لىكىن ئۇلار داۋاملىق قارشى تۇرۇپ تىركەشكەن.

ئەڭ ئاخىردا بەش نەپەر جۇڭگولۇق تۇقۇنۇشتا ئۆلۈپ كەتكەن  ، ھازىرچە ئۆلگۈچلەرنىڭ ئىچىدە ئاياللار ۋە بالىلار بارمۇ يوق بۇنىسى تېخى ئېنىق ئەمەس . ئۆلگۈچلەرنىڭ ئىچىدە بەزىلەر دېرىزىدىن سەكرەپ ئۆلگەن يەنە بەزىلەر ۋېيتناملىق ساقچىلار تەرپىدىن ئېتىپ ئۆلتۈرۈلگەن . 

خەۋەر قىلنىشىچە ، بۇ قېتىمقى تۇقۇنۇشتىكى قانۇنسىز كۆچمەنلەرنىڭ جەسىتى ۋە ئامان قاالغۇچىلار شۇ كۈنى كەچكە يېقىش جۇڭگو ھەربىي تەرەپكە ئۆتكۈزۈپ بېرىلگەن. تۈنۈگۈن چۈشتىن كىيىن سائەت ئۈچ ئەتراپىدا ۋەقە يۈز بەرگەن جاي ئەسلى ھالىتىگە قايتقان. 

گۇاڭنىڭ ئۆلكىلىك ھۆكىمەت باياناتىدا دىيشىچە، ۋېيتنام  مۇھاپىزەتخانىسدىكى ئىشخانا پۈتۈنلەي بۇزغۇنچىلققا ئۇچرىغان بۇلۇپ ، ۋېيتنام تەرەپ بۇ جايغا ئامانلىق ساقلاش خادىملىرىنى كۆپەيتكەن. 

تۈنۈگۈن كەچتە ، جۇڭگو دىپلوماتىيە مىنىستىرلىكى  ئاممىۋى تاشقى ئىشلار ئىشخانىسنىڭ ھۆكىمەت مىكرو بىلوگىدا ئېلان قىلنىشىچە، جۇڭگو تەرەپ ئاللىقاچان جۇڭگو - ۋېيتنام چېگراسىدا يۈز بەرگەن زوراۋانلىق ۋەقەسى توغرىسىدىكى خەۋەرگە دىققەت قىلغان، ھازىر ئالاقىدار تارماقلار بىلەن چىڭ تۇتۇپ دەلىللەپ ، ۋەقەنىڭ ھەقىقى قىياپىتىنى چۈشەنمەكتە .

جۇڭگونىڭ ۋېيتنامدا تۇرۇشلۇق باش ئەلچىخانىسنىڭ سىياسى ئىشلار باشقارمىسىدىكى خادىمنىڭ بىلدۈرىشىچە، جۇڭگو تەرەپ بۇ ئىشنى بىر تەرەپ قىلىۋاتقان بۇلۇپ ، كونكىرىتنى تەپسىلاتنى ئاشكارلاشقا تېخى يوليۇرۇق بېرىلمىگەن . 

گۇاڭشى نەننىڭ چېگرا مۇداپىئە  تەكشۈرۈش نوقتىسدىكى خىزمەتچى خادىمنىڭ ئاشكارلىشىچە، بۇ ۋەقە ئالدى بىلەن ۋېيتنام تەرپىدىن ئاشكارلانغان بۇلۇپ ، جۇڭگو  تەرەپ ھازىر  بۇ ئىشقا دىققەت قىلماقتا.