13-نۆۋەتلىك مەملىكەتلىك قىشلىق تەنھەرىكەت مۇسابىقىسىنى كۈتۈۋېلىش ئۈچۈن ئومۇمىي خەلق سەپەرۋەر قىلىندى. 13-نۆۋەتلىك مەملىكەتلىك قىشلىق تەنھەرىكەت مۇسابىقىسىگە يەنە 26 كۈن قالدى. بۇ نۆۋەتلىك مۇسابىقىنىڭ شىنجاڭدا ئۆتكۈزۈلىدىغانلىقىنى تەبرىكلەش ئۈچۈن، جىمىسار ناھىيەلىك 1-ئوتتۇرا مەكتەپتە قار-مۇز مەدەنىيەت بايرىمى باشلاندى، مەكتەپتىكى ئوقۇغۇچىلار قاردىن پايدىلىنىپ يېڭى ئۇسلۇبلارنى بارلىققا كەلتۈردى. ئۇيۇشتۇرغۇچى تەرەپنىڭ بىلدۈرۈشىچە، بۇ قېتىملىق پائالىيەتتە قىشلىق تەنھەرىكەت مۇسابىقىسىدىن ئىبارەت پۇرسەت چىڭ تۇتۇلغان بولۇپ، پائالىيەت ئۆزگىچە مەكتەپ ھويلىسىنى بەرپا قىلىپ، قىيىنچىلىقتىن قورقمايدىغان، رىقابەتلىشىشكە دادىل بولۇشتەك تەنتەربىيە روھىنى جارىي قىلدۇرۇپ، تەشۋىقات خىزمىتىنى ئاكتىپلىق بىلەن ياخشى ئىشلەپ، ‹‹ياخشى ساھىبخان بولۇپ، قىشلىق تەنھەرىكەت مۇسابىقىسىنى ياخشى ئۆتكۈزۈش›› تىن ئىبارەت قۇيۇق ئىجتىمائىي كەيپىيات يارىتىشنى مەقسەت قىلغان ئىكەن.

     بۇ قېتىملىق قار ھەيكەل مۇسابىقىسىدە ئوقۇغۇچىلار جىددىي ئۆگىنىش ھالىتىدىن قۇتۇلۇپ، تەبىئەتكە يېقىنلىشىپ، قىش خۇشاللىقىدىن ھۇزۇرلانغان، شۇنىڭ بىلەن بىرگە بالىلارنىڭ ئىجادچانلىقى قوزغىتىلغان بولۇپ، ئەھمىيىتى زور بولغان. نەچچە ئون مۇنەۋۋەر قار ھەيكەل ئەسىرى جىمىسار ناھىيەلىك 1-ئوتتۇرا مەكتەپكە گۈزەل قىش مەنزىرىسى ئاتا قىلغان، شۇنداقلا 13-نۆۋەتلىك مەملىكەتلىك قىشلىق تەنھەرىكەت مۇسابىقىسىنى كۈتۈۋېلىش ئۈچۈن قۇيۇق كەيپىيات يارىتىلغان، ئوقۇتقۇچى-ئوقۇغۇچىلار مۇسابىقىنىڭ شىنجاڭدا ئوڭۇشلۇق ئۆتۈزۈلۈشىگە تىلەكداشلىق بىلدۈرگەن.