جۇڭگو رادىيو تورى 1-ماي بېيجىڭ خەۋىرى:
ئېفىئوپىيەلىكلەرنىڭ پۇشتىدىن بولغان ئىسرائىلىيەلىكلەر 30-ئاپرېل ئېرۇسالىمدا نامايىش ۋە يىغىلىش ئۆتكۈزۈپ، ئىسرائىلىيە ساقچىلىرىنىڭ ئېفىئوپىيەلىكلەرنىڭ پۇشتىدىن بولغان ئىسرائىلىيەلىكلەرنى كەمسىتكەنلىكىگە ۋە زوراۋانلىق ھەرىكەتلەرنى قوللانغانلىقىغا ئېتىراز بىلدۈردى.
بۇندىن بىر قانچە كۈن ئىلگىرى، ئىسرائىلىيەلىك ئىككى ساقچى ئېفىئوپىيەلىكلەرنىڭ پۇشتىدىن بولغان ئىسرائىلىيەنىڭ بىر ئەسكىرىنى ئۇرغانلىقى ئىجتىمائىي تور بېكىتىدە تارقىتىلغاندىن كىيىن، ئېفىئوپىيەلىكلەرنىڭ پۇشتىدىن بولغان يەھۇدىيلار رايونىدىكىلەرنىڭ غەزىپىنى قوزغىغان. 30-ئاپرېلدىكى نامايىشتا، نامايىشچىلار ئىسرائىلىيە ھۆكۈمىتىنىڭ دەرھال ئالاھىدە كومىتېت قۇرۇپ، بۇ ۋەقەنى تەكشۈرۈشىنى، ھەمدە زوراۋانلىق قىلغۇچىنى قانۇن تورىغا ئېلىشنى تەلەپ قىلغان.
ئىسرائىلىيە زۇڭلىسى نېيتانىياخۇ شۇ كۈنى كەچتە بايانات ئېلان قىلىپ، ساقچىلارنىڭ زوراۋانلىق ھەرىكەتلىرىنى كۈچلۈك ئەيىبلىدى، ھەمدە نامايىشچىلارنىڭ سوغۇق قان بولۇشنى مۇراجىئەت قىلدى. ئۇ شۇنىڭ بىلەن بىر ۋاقىتتا، ئىسرائىلىيە ھۆكۈمىتىنىڭ تەدبىر قوللىنىپ، ئېفىئوپىيەلىكلەرنىڭ پۇشتىدىن بولغان يەھۇدىيلارنىڭ ئىسرائىلىيە جەمئىيىتىگە قوشۇلۇشىغا ياردەم بېرىدىغانلىقى توغرىسىدا ۋەدە بەردى.