بېيجىڭ ئاممىۋى قاتناش گۇروھى 2-ئاينىڭ 1-كۈنى (بۈگۈن) 2016-يىلى مايمۇن مۈچىلىدىكى چاغاننى خاتىرلەش ئۈچۈن بېلەت تارقاتقان. بۇ بېلەت: «مايمۇن يىلى خەيرىلىك بولسۇن» ۋە «چېچەن مايمۇننىڭ چاغاننى قىزىتىشى» تېما قىلىنغان، بىر يۈرۈشى ئىككى تال، ھەر تېلىنىڭ باھاسى ئىككى يۈەندىن بولۇپ، ئاممىۋى قاتناش گۇروھى تەۋەسىدىكى، ئادەم بېلەت ساتىدىغان يول لىنىيەلىرىدە سېتىلغان. بۇ بېلەتنى سېتىۋېلىش ئادەتتىكى كۈندىكى بېلەت سېتىۋېلىشقا ئوخشاش ۋە يولۇچىلار ئۆزى چىققان لىنىيەنىڭ بېلەت باھاسىغا ئاساسەن سېتىۋالسا بولىدىغان بولۇپ، شۇ كۈنى شۇ قېتىملىق ئاپتوموبىلدىلا كۈچكە ئىگە بولىدىكەن.