شىنخۇا تورى ئۈرۈمچى 12-ئاينىڭ 7-كۈنىدىكى خەۋىرى، 7-چىسلا تاجىكىستاندىكى يەر تەۋرەش تەسىرىدىن شىنجاڭ تۆمۈر يول تارمىقى تەۋرىنىش سېزىمى بولغان رايونلاردىكى تۆمۈر يول بۆلىكىنى قامال قىلغان بولۇپ، نۆۋەتتە ئۈچ يولۇچىلار پويىزى يول بويىدا توختاپ قالغان.

       پويىزلارنىڭ بىخەتەر قاتنىشىغا كاپالەتلىك قىلىش ئۈچۈن، ئۈرۈمچى تۆمۈر يول ئىدارىسى يەر تەۋرەشتىن كېيىن دەرھال جىددىي لايىھە تۈزۈپ، جەنۇبىي شىنجاڭ تۆمۈر يولى مارالبېشى بېكىتىدىن قەشقەر بېكىتى، قەشقەر بېكىتىدىن يېڭىسار بېكىتى ئارىلىقىنى قامال قىلىۋەتتى . توختاپ قالغان ئۈچ يولۇچىلار پويىزى ئارىسىدىكى قەشقەردىن ئۈرۈمچى جەنۇبىي ۋوگزالغا يېتىپ بارىدىغان ７５５８ قېتىملىق، Ｋ９７８８ قېتىملىق يولۇچىلار پويىزى قوزغىلىش بېكىتى بولغان قەشقەر بېكىتىدە توختاپ قالدى. خوتەندىن ئۈرۈمچى جەنۇبىي ۋوگزالىغا يېتىپ بارىدىغان ７５６４قېتىملىق يولۇچىلار پويىزى يول بويىدىكى ۋوگزالدا توختىتىپ قويۇلدى.

      ئۈرۈمچى تۆمۈر يول ئىدارىسى نۆۋەتتە تۆمۈر يول تارماقلىرىنىڭ ئادەم كۈچى تەشكىللەپ تەۋرەش سېزىمى بولغان يول بۆلەكلىرىدىكى كۆۋرۈك، تونېل، سېگنال قاتارلىق ئەسلىھەلەرنى تەكشۈرۈۋاتقانلىقى، ئۈسكۈنە ۋە ئەسلىھەلەرنىڭ ياخشىلىقىنى مۇقىملاشتۇرغاندىن كېيىن پويىزنىڭ نورمال يۈرۈشىنى ئەسلىگە كەلتۈرۈدىغانلىقىنى بىلدۈرگەن.

      تۆمۈر يول تارماقلىرى ئەسكەرتىپ مۇنداق دېدى:« يەر تەۋرەش سەۋەبىدىن يۇقىرىدا ئېيتىلغان پويىزلار كېچىكىشى مۇمكىن. يولۇچىلار ھەر ۋاقىت بېكەتتىكى ئۇچۇرلارغا دىققەت قىلسا ياكى مۇلازىمەت تېلېفونى 12306 غا تېلېفون قىلىپ مۇناسىۋەتلىك ئەھۋاللارنى ئىگەللىسە بولىدۇ».