جۇڭگو خەۋەر تورى 8-ئاينىڭ 4-كۈنى خەۋەر قىلىدۇ: ئامېرىكا تورلىرىنىڭ خەۋىرىگە ئاساسلانغاندا، سۈننىي مەزھىپىدىكى ئاشقۇن قوراللىق ئۇنسۇرلار 8-ئاينىڭ 3-كۈنى ئىراق كۇرد بىخەتەرلىك قىسىملىرى بىلەن كەسكىن ئېتىشقاندىن كېيىن، يەنە ئىراقنىڭ شىمالىدىكى ئۈچ شەھەر بازارنى تارتىۋالغان، نۇرغۇن ئاممىنىڭ يېقىندىكى

تاغلىق رايونغا قېچىپ كېتىشىنى كەلتۈرۈپ چىقارغان، ئۇلارنىڭ ئىچىدە نۇرغۇن ئىراق تۈركمەنلىرى بار. يەنە ئىراقتىكى ئەڭ چوڭ سۇ توسمىسىغا تەھدىت سالغان. ب د ت نىڭ دېيىشىچە، 200 مىڭ پۇقرا قېچىپ كەتكەن.

8-ئاينىڭ 3-كۈنى سەھەردە، سۈننىي مەزھىپىدىكى قوراللىق ئۇنسۇرلار سانجار بازىرىنى تېزلىكە ئىشغال قىلىۋېلىپ، ئۆزىنىڭ ياۋايى بويسۇندۇرۇش ۋاسىتىسىنى يۈرگۈزۈشكە باشلىدى: ئۇلار شىئە مەزھىپىدىكىلەرنىڭ مۇقەددەر مەسچىتىنى ۋەيران قىلىۋەتتى، قارشىلىق كۆرسەتكۈچىلەرنى ئېتىپ تاشلىدى، يەرلىك بىخەتەرلىك قىسىملىرىنى بىتچىت قىلدى، «ئىراق ۋە شام ئىسلام دۆلىتى» نىڭ قارا بايرىقىنى ھۆكۈمەت بىناسىنىڭ ئۆگزىسىدە لەپىلدەتتى.
نەچچە سائەتتىن كېيىن، قوراللىق ئۇنسۇرلار بۇ بازاردىكى ئاممىنى ئىسلام دۆلىتىگە سادىق بولۇشىنى تەلەپ قىلدى، بولمىسا پەقەت ئۆلۈمدىن ئىبارەت بىرلا يول بار. بۇنىڭ بىلەن بىرگە، مەزكۇر تەشكىلات ئىجتىمائىي مېدىيە تورىدا تەشۋىقات ھۇجۇم قىلىپ، توردا قوراللىق ئۇنسۇرلارنىڭ شەھەرنى چارلاۋاتقان سۈرىتنى ئېلان قىلدى.