ئۈرۈمچى مېترو 1-لىنىيەسى 2018-يىلى يىل ئاخىرىدا پۈتۈن لىنىيەدە سىناق تەرىقىسىدە قاتناش باشلاپ، ئەسلىدىكى پىلاندىن بىر يىل بالدۇر قۇرۇلۇش تاماملىنىدۇ. قۇرۇلۇش ۋاقتى قىسقارغانلىقتىن، شەھەرنىڭ جەنۇبىدىكى بۆلەكتە بۇ يىل ئومۇميۈزلۈك قۇرۇلۇش ئېلىپ بېرىلىدۇ. مۆلچەرلىنىشچە، 3-ئايدىن باشلاپ ئۈرۈمچى شىمالىي ئازادلىق يولى، مەدەنىيەت-سەنئەت يوللىرىدىكى قىسمەن يول بۆلەكلىرىدە پۈتۈنلەي يېپىق ھالەتتە قۇرۇلۇش ئېلىپ بېرىلىدىكەن.

      مۇخبىرنىڭ 25-يانۋار ئۈرۈمچى شەھەرلىك رېلىسلىق قاتناش گۇرۇھى چەكلىك شىركىتىدىن ئىگىلىشىچە، ئۈرۈمچىدە شەھەرنىڭ جەنۇبىنى مەركەز قىلغان رايونلاردا قاتناش قىستاڭچىلىق ئەھۋاللىرى بىر قەدەر ئېغىر ئىكەن. بۇ رايوننىڭ قاتناش قىستاڭچىلىق ئەھۋاللىرىنى بالدۇر بىر تەرەپ قىلىپ، شەھەر ئاھالىلىرىغا قولايلىق يارىتىش ئۈچۈن، شەھەرلىك پارتكوم، شەھەرلىك ھۆكۈمەت ئەستايىدىل تەھلىلىي تەتقىقات ئېلىپ بېرىش ئارقىلىق مۇدەتتىن بۇرۇن قاتناش باشلاشنى قارار قىلغان.