ئەنگلىيە «كۈندىلىك پوچتا گېزىتى»نىڭ خەۋىرىگە قارىغاندا، بۈگۈنكى كۈندە، ياپونىيەدە تەخمىنەن بىر مىليونغا يېقىن ئەر كىشى ئۆيىدە بېكىنمە ھالەتتە ياشايدىغان بولۇپ، پىنھانلىق تۇرمۇش كەچۈرۈش ئاللىقاچان جەمئىيەتنىڭ ساغلام تەرەققىي قىلىشىغا تەسىر كۆرسىتىدىغان بىر كىرىزىسىغا ئايلانغان. ئۇلار جەمئىيەتتىن ئۆزىنى قاچۇرۇپ، ئۆزىنىڭ ھۇجرىسىغا يوشۇرۇنۇۋالىدۇ، بەزىلەرنىڭ بۇنداق تۇرمۇش كەچۈرىدىغان ۋاقتى ھەتتا نەچچە يىلغىچە داۋام قىلىدۇ. دوختۇرلار پىنھان تۇرمۇش كەچۈردىغانلارنىڭ كىيىنكى دەۋر ئەۋلادلىرىغا ئېغىر تەسىر كۆرسىتىشىدىن ئەنسىرىمەكتە.

         ياپونىيە سەھىيە مىنىستىرلىكى بۇنىڭغا ئېنىقلىما بېرىپ، يېرىم يىلدىن ئارتۇق ۋاقىت جەمئىيەت بىلەن ئۇچراشمايدىغان، ئوقۇمايدىغان، سىرتقى چىقىپ ئىشلىمەيدىكەن، باشقىلار بىلەن ئالاقە قىلمايدىغان، بېكىنمە ھالەتتە ياشايدىغان مۇشۇنداق جەمئىيەت ھادىسىسىنى پىنھانلىق تۇرمۇش كەچۈرۈش دەپ ئاتىغان.

        تاكاھىرو كىتو مەخسۇس پىنھانلىق تۇرمۇش كەچۈرۈش ھادىسىسىنى تەتقىق قىلىدىغان مۇتەخەسسىس بولۇپ، ئوقۇغۇچىلىق ۋاقتىدا ئۇمۇ بىر پىنھان تۇرمۇش كەچۈرگۈچىلەرنىڭ بىرى ئىدى، ئۇ نۆۋەتتە بارلىق كۈچى بىلەن تىرىشىپ بۇ خىلدىكى ھالەتنىڭ كىيىنكى دەۋر كىشىلىرىگە تەسىر كۆرسىتىشىدىن ساقلانماقچى بولۇۋاتىدۇ. ئۇ مۇنداق دېدى: جەمئىيەتتىن ئۆزىنى قاچۇرۇش، ئائىلىسى ۋە دوستلىرى بىلەن ئالاقە قىلىشنى رەت قىلىدىغان پىنھان ياشىغۇچىلار ئادەتتە ھەم ئەقىللىك ھەم قابىلىيەتلىك بولغان ياشلار بولۇپ، بۇنىڭ ئىچىدە ئەرلەر كۆپ سانلىقنى ئىگىلەيدۇ، بۇ ياپونىيەنىڭ ئىقتىسادى ئۈچۈنمۇ زور بىر يوقىتىش ھېسابلىنىدۇ.

       ئالتە ئاينىڭ ئالدىدا 18 ياشلىق يۇتو ئونىشى ئۆزىنىڭ ئەھۋالىغا داۋالاش ئېلىپ بېرىشتىن بورۇن، ئۇ ئۆزىنىڭ شەخسى ھۇجرىسىدا پىنھان ياشاۋاتقىلى ئۈچ يىلدىن كۆپرەك ۋاقىت بولغان. بۇ مەزگىلدە ئۇ كۈندۈزى ئۇخلاپ، ئاخشىمىسى تورغا چىقىپ ئوينىغان، ھەجۋىي كىتاب ئوقۇغان، باشقىلار بىلەن ئالاقە قىلمىغان. ئۇنىڭ قارىشىچە، بۇ دەسلەپتە تۇلۇقسىز ئوتتۇرا مەكتەپكە ئوقۇۋاتقان چېغىدا بىر قېتىملىق ئىمتىھاندىن ئۆتەلمىگەنلىكى سەۋەبىدىن كېلىپ چىققان بولۇپ، ئۇ شۇ چاغدا سىنىپ باشلىقى ئىكەن.

       تاكاھىرو كاتونىڭ قارىشىچە، بۇ خىل يامان ئىللەتنى ئۆزگەرتىش ئۈچۈن ئائىلىسىدىكىلەر بىلەن بىمارلار ئورتاق ماسلىشىشقا توغرا كېلىدىكەن، ئۇ نۆۋەتتە كىيۇشۇ ئۇنىۋېرسىتېتىدىكى مۇتەخەسسىسلەر بىلەن بىرگە پىنھانلىق تۇرمۇش ئادىتىنى كەلتۈرۈپ چىقىرىدىغان ئىجتىمائىي ۋە بىيولوگىيەلىك ئامىللارنى تەتقىق قىلىۋاتقان بولۇپ، بۇنىڭدىن كۆپ تەرەپلىمىلىك دىياگنوز قويۇش ئۇسۇلىنى تېپىپ چىققان. پىنھانلىق تۇرمۇش كەچۈرۈشنى تەتقىق قىلىدىغان نۇرغۇن كىشىلەر پەقەتلا پىسخىكىلىق تەرەپتىنلا كۆڭۈل بۆلىدۇ، ئەمەلىيەتتە پىنھانلىق تۇرمۇش ئادىتىنى پىسخىكىلىق ئامىللا كەلتۈرۈپ چىقارغان ئەمەس. بۇ خىل بىمارلارنى داۋالاش ئۈچۈن ئۇلارنىڭ ئالاقە قىلىش ئىقتىدارىنى قايتىدىن ئەسلىگە كەلتۈرۈشكە توغرا كېلىدۇ، بىر قىسىم بىمارلار بولسا ئائىلىسى بىلەن ئالاقە قىلىشنى خالىمايدۇ، داۋا ئىزدەشنى بولسا ئەسلا خالىمايدۇ.