دۆلەت رەئىسى شى جىنپىڭ 16-سېنتەبىر كولومبودا سىرىلانكا زۇڭتۇڭى راجاپاكسا بىلەن سۆھبەت ئۆتكۈزدى.

شىنخۇا تورى ، كولومبو ، 16-سېنتەبىر تېلېگراممىسى : سىرىلانكا زۇڭتۇڭ راجاپاكسا 16-سېنتەبىر كولومبودا رەئىس شى جىنپىڭ قارشى ئېلىش مۇراسىمى ئۆتكۈزدى . ئىككى دۆلەت باشلىقلىرى قىزغىن ، دوستانە كەيپىياتتا سۆھبەت ئۆتكۈزۈپ ، جۇڭگو-سىرىلانكا ئىككى دۆلەتنىڭ دوستلۇقىغا يۇقىرى باھا بەردى ، ئىككى دۆلەتنىڭ ھەمكارلىقىنى ئورتاق پىلانلىدى ، جۇڭگو-سىرىلانكا ئەركىن سودا سۆھبىتىنى باشلاپ ، جۇڭگو بىلىن سىرىلانكىنىڭ ئىستراتېگىيەلىك ھەمكارلىق ، شېرىكلىك مۇناسىۋىتىنىڭ چوڭقۇر تەرەققىياتىغا تۈرتكە بولۇشنى جاكارلىدى .
شى جىنپىڭ مۇنداق دە

پ كۆرسەتتى : بىز سىرىلانكىغا يېتىپ كەلگەندىن كېيىن سىرىلانكا ھۆكۈمىتى ۋە خەلقىنىڭ قىزغىن قارشى ئېلىشىغا مۇيەسسەر بولدۇق . ئايرودۇرۇمدىن مېھمانسارايغىچە يولنىڭ ئىككى قاسنىقىدا سىرىلانكا خەلقى ناخشا ئېيتىپ ، ئۇسسۇل ئويناپ بىزنى خۇشال-خۇرام قارشى ئالدى . باياتىن زۇڭتۇڭ راجاپاكسا مېنى قارشى ئېلىش مۇراسىمى ئۆتكۈزدى ، بىز بۇنىڭدىن چوڭقۇر تەسىرلەندۇق .

شى جىنپىڭ مۇنداق تەكىتلىدى : جۇڭگو تىنچ تەرەققىيات يولىدا قەتئىي ماڭىدۇ ، يېقىن ، سەمىمىي ، نەپ يەتكۈزۈش ، كەڭ قورساق بولۇشتەك ئەتراپ دىپلوماتىيە ئىدىيەسىگە ئەمەل قىلىپ ، ئەتراپتىكى دۆلەتلەر بىلەن دوستانە ئۆتۈپ، سەمىمىيلىك بىلەن ئىشەنچكە ئېرىشىپ ، ئىناق ، دوستانە ئۆتۈپ ، ئورتاق تەرەققىي قىلىدۇ . جۇڭگو-سىرىلانكا ئىككى دۆلەت ئۆزئارا ئىشىنىشكە ، تايىنىشقا بولىدىغان دوستلاردىن ، شېرىكلەردىن . ئىككى دۆلەت مۇناسىۋىتى ۋاقىتنىڭ ۋە خەلقئارا بوران-چاپقۇنلارنىڭ سىناقلىرىدىن ئۆتۈپ ، چوڭ-كىچىك دۆلەتلەر دوستانە ، ئىناق ئۆتۈش ، ئۆزئارا نەپ يەتكۈزۈش ، ھەمكارلىشىشنىڭ نەمۇنىسىگە ئايلاندى . بىز سىرىلانكىنىڭ مۇستەقىللىق ، ئىگىلىك چوقۇقى ، زېمىن پۈتۈنلۈكىنى قەتئىي قوللايمىز ، سىرىلانكا خەلقىنىڭ تاللىغان تەرەققىيات يولىنى قوللايمىز .

شى جىنپىڭ مۇنداق تەكىتلىدى : نۆۋەتتە ، جۇڭگو خەلقى جۇڭخۇا مىللەتلىرىنىڭ ئۇلۇغ گۈللىنىشىدىن ئىبارەت ‹‹ جۇڭگو ئارزۇسى›› نى ئەمەلگە ئاشۇرۇش يولىدا تىرىشىۋاتىدۇ ، سىرىلانكا دۆلەتنى گۈللەندۈرۈپ تەرەققىي قىلدۇرىدىغان ‹‹ماھىندا ئارزۇسى ››نى ئوتتۇرىغا قويدى . ئىككى تەرەپ بۇ كۈرەش نىشانلىرى ئۈچۈن ئۆزئارا ماسلىشىدۇ . جۇڭگو تەرەپ سىرىلانكا تەرەپ بىلەن بىرلىكتە پۇرسەتنى چىڭ تۇتۇپ ، ھەمكارلىقنى پىلانلاپ ، جۇڭگو بىلەن سىرىلانكىنىڭ ئىستراتېگىيەلىك ھەمكارلىق ، شېرىكلىك مۇناسىۋىتىنىڭ تېخىمۇ چوڭقۇر تەرەققىي قىلىپ ئىككى دۆلەت خەلقىگە تېخىمۇ كۆپ نەپ ئېلىپ كېلىشىنى خالايدۇ .