12- ئاينىڭ1- كۈنى سەيشەنبە ياۋرۇپا بازىرىدا،خەلقئارا نېفىت باھاسى ئۆستى، سەۋەبى دوللار كىچىك دائىرىدە چۈشكەن،لېكىن تەمىنلەش ئېشىپ كېتىش ئەندىشىسى يەنىلا مەۋجۈت، نېفىت ئېكىسپورت قىلغۇچى دۆلەتلەر تەشكىلاتى (OPEC) جۈمە كۈندىكى يىغىندا مەھسۇلات مىقدارى نىشانىنى ئۆزگەرتمەي ساقلاپ قالدىغانلىقى مۆلچەرلەندى.

CMC Markets باش بازار تەھلىلچىسى Ric Spooner نىڭ ئېيتىشىچە ، " ھازىر ياۋروپا مەركىزىي بانكىسىنىڭ قارارى ئېنىق ئەمەس" بازار ئومۇميۈزلۈك ھالدا ياۋرۇپا مەركىزىي بانكىسى پەيشەنبە كۈنىدىكى يىغىندا ياۋرۇ ئامانەت پۇل ئۆسۈم نىسبىتىنى تۆۋەنلىتىدۇ، ھەمدە مىقدارلاشتۇرۇش پۇل سىياسىتىنى ئۇزاتىدۇ دەپ مۆلچەرلىدى.

كىشىلەر ئومۇميۈزلۈك ھالدا OPEC نىڭ ئەڭ چوڭ نېفىت ئىشلەپچىقارغۇچى دۆلەت سەئۇدى ئەرەبىستان مەھسۇلات مىقدارىنى ئۆزگەرتمەي ساقلاپ قالسا، نېفىت باھاسىنىڭ چۈشۈش تەسىرىگە ئۇچرىماسلىقى مۇمكىن دەپ پەرەز قىلدى. سەيشەنبە ئاۋسترالىيە - يېڭى زېلاندىيە بانكىسىنىڭ ئېيتىشىچە" بازارنىڭ بۇ ھەپتىدىكى دىققەت نۇقتىسى جۈمە كۈنى ئېچىلدىغان 168- نۆۋەتلىك OPEC يىغىن قارارى ۋە ئامېرىكا زاپاس مىقدارىغا مەركەزلىشىدۇ. بازار نۆۋەتتە يىل ئاخىرىدىكى بۇ ۋاقىتتا نېفىت زاپاس مىقدارى تۆۋەنلىشى مۇمكىن دەپ پەرەز قىلدى. ئەگەر ئەھۋال بۇنداق بولمىسا، ئۇنداقتا غەربىي تېكساس ئوتتۇرا سۈپەتلىك ماي (WTI) كەلگۈسى بىر قانچە ھەپتىدە ھەر تۇڭى 40 دوللاردىكى باھادىن چۈشۈپ كېتىشى مۇمكىن." دەپ كۆرسەتتى.

بېيجىڭ ۋاقتى 16:40 دە ، بۇلۇنتې قەرەللىك نېفىت باھاسى 0.18% ئۆسۈپ، 44.69 دوللار/باك بولدى؛ ئامېرىكا قەرەللىك نېفىت باھاسى 0.38% ئۆسۈپ، 41.81 دوللار/باك بولدى.