دۆلەت ئىچىدىكى بېنزىن، دىزېل مېيىنىڭ باھاسى 3-ئاينىڭ ئاخىرىدىن بۇيان تۇنجى قېتىم تۆۋەنلەش مەزگىلىنى كۈتۈۋالدى. دۆلەت ئىچى باھا تەڭشەش مېخانىزمىغا ئاساسلانغاندا، بۇ قېتىمقى تەييار ماي باھا كۆزنىكى 8-ئىيۇن ئېچىلغان بولۇپ، بۇ قېتىمقى باھا تەڭشەش مەزگىلىدە خەلقئارادىكى خام نېفىتنىڭ باھاسى ئومۇميۈزلۈك چۈشكەنلىكتىن دۆلەت ئىچىدىكى بېنزىن ۋە دىزېل مېيىنىڭ باھاسى ئۇدا ئۈچ قېتىم ئۆسۈپ، بىر مەزگىل توختاپ كەينىدىن يەنە تۆۋەنلەش مەزگىلىنى كۈتۈۋالغان. باھا تەڭشەلگەندىن كېيىن ئۈرۈمچىدىكى جۇڭگو نېفىتلىكى ۋە جۇڭگو نېفىت خىمىيە گۇرۇھى قارىمىقىدىكى ھەر قايسى ماي قاچىلاش پونكىتلىرىدا دىزېل مېيىنىڭ ھەر لېتىرىنىڭ پارچە سېتىلىش باھاسى ئوتتۇرا ھېساب بىلەن 0.09 يۈەن چۈشكەن. 93-نومۇرلۇق بېنزىننىڭ ھەر لېتىرىنىڭ پارچە سېتىلىش باھاسى 6.27 يۈەندىن 6.18 يۈەنگە؛ 97-نومۇرلۇق بېنزىننىڭ ھەر لېتىرىنىڭ پارچە سېتىلىش باھاسى 6.75 يۈەندىن 6.66 يۈەنگە؛ 0-نومۇرلۇق دىزېلنىڭ ھەر لېتىرىنىڭ پارچە سېتىلىش باھاسى 5.91 يۈەندىن 5.82 يۈەنگە چۈشكەن.
ئىگىلىنىشىچە، يېڭى بىر نۆۋەتلىك دۆلەتلىك تەرەققىيات ۋە ئىسلاھات كومىتېتى باھا تەڭشەش كۆزنىكى 23-ئىيۇن سائەت 24:00 دە ئېچىلىپ، دۆلەت ئىچىدىكى تەييار ماينىڭ پارچە سېتىلىش باھاسىغا چەك قويۇلۇپ ياكى چۈشۈش مەزگىلىنى كۈتۈۋالىدىكەن.