يېقىندا لېيىخشىتىندىكى nanoFLOWCELL يېڭى ئېنىرگىيەلىك ماشىنا شىركىتى سىرتقا قارىتا بۇ يىل 3-ئاينىڭ 1-كۈنى ئۆتكۈزۈلىدىغان جەنۋە ئاپتوموبىل كۆرگەزمىسىدە يېڭى نۇسخا Quantino ئۇقۇم ئاپتوموبىلىنى ئېلان قىلىدىغانلىقىنى جاكارلىدى، يېڭى نۇسخا ماشىنا تىپى ئالدىنقى يىلى ئېلان قىلىنغان كونا نۇسخا ئۇقۇم ئاپتوموبىلىغا ئوخشايدۇ، يېڭى ماشىنا تۈركۈملەپ ئىشلەپچىقىرىش يۆنىلىشىگە تېخىمۇ يېقىنلاشقان.

       nanoFLOWCELL يېڭى ئېنىرگىيەلىك ماشىنا شىركىتى ئوخشاشلا بىر پارچە يېڭى نۇسخا Quantino ئۇقۇم ئاپتوموبىلىنىڭ ئورگان سۈرىتىنى ئېلان قىلغان، يېڭى ماشىنىنى كونا نۇسخا ماشىنا تىپىنىڭ سىرتقى كۆرۈنىشىگە سېلىشتۇرغاندا ھېچقانداق ئۆزگىرىش يوق، پەقەت ماشىنا سىرىدىلا پۈتۈنلەي يېڭى بولغان سېرىق رەڭلىق سىر ئىشلەتكەن.

      بىراق ئورگان تەرەپنىڭ ئاشكارلىشىچە، پات ئارىدا پەيدا بولىدىغان بۇ نۇسخا ئۇقۇم ئاپتوموبىلى كونا نۇسخا ماشىنا تىپىغا قارىتا زور مىقداردا ئۆزگەرتىش كىرگۈزگەن ھەمدە 2016-يىلى ئالدىنقى يېرىم يىلدا ئىشلەپچىقىرىلىدۇ. بىراق ئورگان تەرەپ كونكىرت ئەلالاشتۇرۇش تەرەپتىكى تەپسىلاتىنى ئاشكارلىمىدى.

      كونا نۇسخا Quantino ئۇقۇم ئاپتوموبىلى بولسا بىر نۇسخا 2+2 لاھىيە قوللىنىلغان ساپ توكلۇق ماشىنا تىپى ھەمدە سۇيۇقلۇق باتارىيە تېخنىكىسى ئىشلەتكەن. ھەرىكەتلەندۈرگۈچ كۈچ سىستېمىسى تەرەپتە، بۇ ماشىنىنىڭ ئۇنۋېرسال ئەڭ چوڭ قۇۋىتى 136 ئات كۈچى ھەمدە تۆت چاقى قوزغىلىشنى ئەمەلگە ئاشۇرغان، يېڭى ماشىنىنىڭ ئۇدا يول يۈرۈش مۇساپىسى 1000km دىن يۇقىرى.