تەيۋەن «جۇڭگۇاڭ خەۋەرلىرى تورى»نىڭ خەۋىرىگە قارىغاندا، مالايسىيا ساقچى تەرەپ كېلەر ھەپتىدىن باشلاپ يېڭى يىلدىكى تۇنجى مەشىق پىلانىنى يولغا قويۇپ، بودەك ساقچىلارنى مەجبۇرىي ئورۇقلىتىدىكەن. خەۋەرلەرگە قارىغاندا، مالايسىيادىكى 124 مىڭ ساقچى ئىچىدە مۆلچەرلىنىشىچە، تەخمىنەن 11 مىڭ ئادەمنىڭ بەدەن ئېغىرلىقى ئېشىپ كەتكەن، خەۋەردە ئېيتىلىشىچە، كېلەر ھەپتە باشلىنىدىغان ئورۇقلاش ۋەزىپىسىنىڭ ۋاقتى ئالتە ئاي بولۇپ، نىشان بەش پىرسەنتتىن ئون پىرسەنتكىچە ئورۇقلاش ئىكەن. ئىگىلىنىشىچە، ساقچىلارنىڭ ئۇرۇقلاش پىلانىغا سەھىيە مىنىستىرلىقى ئادەم ئەۋەتىپ نازارەتچىلىك قىلىدىكەن، ئورۇقلاش تەلەپ قىلىنغان ساقچىلار بىر ھەپتىدە چوقۇم بەش كۈن ھەرىكەت قىلىدىكەن، شۇنىڭ بىلەن بىرگە يېمەك-ئىچمەك جەھەتتە يېتەكچىلىك قىلىنىدىكەن.