جاھان ئاگېنتلىقى 14-ماي خەۋىرى؛ لەگلەك تورى تەرجىمىسى: ئىسرائىلىيەدە يېڭىدىن تەشكىللەنگەن بىرلەشمە ھۆكۈمەت بۈگۈن مۇراسىم ئۆتكۈزۈپ رەسمى ۋەزىپە ئۆتەشكە باشلىدى. پارلامېنتتىن ئېلان قىلىنغان باياناتتا، ئىسرائىلىيە باش مىنىستىرى بۇنيامىن نىتانىياخۇ رەھبەرلىكىدىكى 34-نۆۋەتلىك ھۆكۈمەت بۈگۈن كەچ قەسەم بېرىپ ۋەزىپىگە ئولتۇرىدۇ، دېيىلگەن. ئىسرائىلىيەنىڭ يېڭىدىن تەشكىللەنگەن بىرلەشمە ھۆكۈمىتىدە، نىتانىياخۇ رەھبەرلىكىدىكى لىكۇد پارتىيىسى، ئىقتىساد مىنىستىرى نافتالى رەھبەرلىكىدىكى ئاشقۇن ئوڭچىل يەھۇدى ئۆيى پارتىيسى، مەركىزى ئوڭچىل «كۇلانۇ» پارتىيىسى ۋە رادىكال يەھۇدىي قىساسچىلىرى پارتىيسى دەپ تونۇلغان بىرلەشمە تەۋرات يەھۇدىيلىقى ۋە شاس «تەۋرات مۇھاپىزەتچىلىرى» پارتىيىسى بار. نىتانياخۇ رەھبەرلىكىدىكى بىرلەشمە ھۆكۈمەت 20 مىنىستىرلىكتىن تەشكىل تاپىدۇ. يېڭى ھۆكۈمەتتە، لىكۇد پارتىيىسىدىن زىېۋ ئىلكىن كۆچمەنلەر مىنىستىرى، يارىۋ لىۋىن ساياھەت مىنىستىرى، مىرى رىگىۋ مەدەنىيەت ۋە تەنتەربىيە مىنىستىرى، ئوفىر ئاكۇنىس ئالاقە مىنىستىرلىكىگە تەيىنلىنىشى مۇمكىن. تۈنۈگۈن سابىق قاتناش مىنىستىرى يىسرېل كاتز يېڭى مىنىستىر بولۇپ تەيىنلەنگەن ئىدى، شاس پارتىيىسى رەھبىرى ئاريىھ دىرىنىڭ ئىقتىساد مىنىستىرى بولۇشى كۈتۈلمەكتە.