جاھان ئاگېنتلىقى 19-ماي خەۋىرى؛ لەگلەك تورى تەرجىمىسى: سەئۇدى ئەرەبىستان پايتەختى رىيادتا يەمەندى ھۇسي قۇراللىق تەشكىلاتىدىن باشقا بارلىق تەرەپلەرنىڭ ۋەكىللىرى قاتناشقان «يەمەن يىغىنى» دا پرېزىدېنت ھادى ھۆكۈمىتىگە ياردەم بېرىش قارارى چىقىرىلدى، ھۇسىيلەرنىڭ ئىسيان كۆتۈرۈپ كېڭىيىشى ھەربىي ئۆزگىرىش دەپ قارالدى. سەئۇدى ئەرەبىستان پايتەختى رىيادتتا« يەمەننىڭ قۇتقۇزۇلىشى ۋە فېدرال دۆلەتنىڭ يېڭىدىن ئىنشا قىلىنىشى» ناملىق يىغىننىڭ ئاخىرقى باياناتنامىسىدە، يەمەندە تىنچلىق كاپالەتكە ئىگە بولۇشى ئۈچۈن ھۇسىيلەر ھەربىي ئۆزگىرىش ئۇرۇنىشىدىن توختىشى، قولغا كىرگۈزىۋالغان رايۇنلاردىن چېكىنىشى ۋە ئارمىيەدىن تارتىۋالغان قۇراللارنى تاپشۇرۇپ بېرىشى كىرەكلىكى بىلدۈرۈلدى. باياناتنامىدە جىنايەتچىلەرنىڭ جازالىنىشى، قانۇنلۇق ئورگانلارنىڭ دۆلەت ئىچىدە قايتىدىن ۋەزىپە ئىجرا قىلىشى ۋە يەمەن مىللىي ئارمىيىسىنىڭ قۇرۇلۇش خىزمەتلىرى تىلغا ئېلىندى. بىخەتەرلىك ۋە مۇقىملىقنى ساقلاش مەقسىتىدە بارلىق ۋىلايەتلەردە ساقچىخانا تەشكىللەش كىرەكلىكى بىلدۈرۈلدى.
يىغىن ئاخىرىدا يەمەن پرېزىدېنتى مەنسۇر ھادى سۆز قىلىپ، دۇنيادىكى بارلىق يەمەنلىكلەرنىڭ ھەربىي ئۆزگىرىشكە قارشى بىر تەن بولۇشى، يەمەندىكى بارلىق تەرەپلەرنىڭ يىغىندا ماقۇللانغان قارارلارغا رىئايە قىلىشى كىرەكلىكىنى تەكىتلىدى. ھادى ھۇسى ئەنسارۇللاھ ھەرىكىتىنىڭ يەمەندىكى نۇپۇس نىسبىتى ھەققىدە سۆز قىلىپ، ھۇسىيلەرنىڭ نۇپۇس نىسبىتى ئىنتايىن ئاز، سادا رايۇنىدا يۈزدە 10% نى تەشكىل قىلىدۇ. دېدى.