بىرلەشكەن دۆلەتلەر تەشكىلاتى خەۋپسىزلىك كېڭىشى 24-سېنتەبىر بىردەك قارار ماقۇللاپ، چەتئەللىك تېررورچىلارنىڭ ئۇرۇشقا قاتناشقان خادىملىرى كەلتۈرگەن تەھدىتنىڭ كۈنسېرى ئېغىرلىشىۋاتقانلىقىدىن ئەندىشە قىلىدىغانلىقىنى بىلدۈردى ھەمدە ھەر قايسى دۆلەتلەرنىڭ چېگرىنى باشقۇرۇش، ئاخباراتتىن تەڭ بەھرىمەن بولۇش ۋە قانۇن تۇرغۇزۇش ئارقىلىق ئۇلارنىڭ يۆتكىلىشى ۋە تېررورلۇق ھەرىكەتلىرى بىلەن شۇغۇللىنىشنى توسۇشىنى تەلەپ قىلدى.

خەۋپسىزلىك كېڭىشى بىرلەشكەن دۆلەتلەر تەشكىلاتىغا ئەزا دۆلەتلەرنىڭ ئالاقىدار خەلقئارا قانۇنىغا ئاساسەن خادىملارنى باشقا دۆلەتلەرگە بېرىشقا قوبۇل قىلىش، تەشكىللەش، يۆتكەش ۋە قۇراللىق خادىملارنى قوبۇل قىلىش ئارقىلىق تېررورلۇق ھەرىكەتلىرىگە قاتناشتۇرۇش ۋە تېررورلۇق ھەرىكەتلىرىنى مەشىق قىلدۇرۇشنىڭ ئالدىنى ئېلىش ۋە توسۇشنى قارار قىلدى.

قاراردا، ھەر قايسى دۆلەتلەر ئۈنۈملۈك چېگرا ۋە كىنىشكىنى باشقۇرۇش تۈزۈمى ئارقىلىق تېررورچى ئۇنسۇرلارنىڭ ۋە تەشكىلاتلارنىڭ يۆتكىلىشىنى توسۇپ، ئاخبارات ئالماشتۇرۇشىنى كۈچەيتىشى، ھەر قايسى دۆلەتلەر تېررورلۇققا ياردەم بەرگەن، بىر تۇتاش پىلانلىغان ۋە تېررورلۇقنى يولغا قويغانلارنى قانۇن تورىغا ئېلىپ، ئۆز دۆلىتىنىڭ قانۇن بەلگىلىمىلىرى ئارقىلىق بۇ خىلدىكى ھەرىكەتلەرنى ئېغىر جىنايى ھەرىكەت، دەپ بېكىتىشىنى تەلەپ قىلدى.