خەۋەرلەردە ئېيتىلىشىچە، ئىران ئىنقىلابى قوغدىنىش قىسىمىنىڭ مۇئاۋىن باش قوماندانى سالام 1- يانۋار ئامېرىكىغا پوپوزا قىلىپ، ئىراننىڭ باشقۇرۇلىدىغان بومبا ئەمەلىي كۈچىنى ئاشكارىلاپ مۇنداق دېگەن: بىزنىڭ باشقۇرۇلىدىغان بومبىلىرىمىز ھەممىلا جايدا مەۋجۇت، بىز نەچچە 100 ئۇزۇن تونىل ياسىدۇق، بۇ تونىللارنىڭ ئىچىدە لىق باشقۇرۇلىدىغان بومبا بار، بۇلار دۆلەتنىڭ زېمىن پۈتۈنلىكى، ئىگىلىك ھوقۇقى ۋە مۇستەقىللىقىنى قوغداشقا ھەر ۋاقىت تەييار تۇرىدۇ.

     2015- يىلى ئىران خەلقئارا جەمئىيەت بىلەن يادرو پىلانى بۇيىچە كېلىشىم ھاسىل قىلدى، شۇنىڭ بىلەن بۇ يىلنىڭ بېشىدىن باشلاپ ئىرانغا قارىتىلغان ئىقتىسادى ئىمبارگۇلارنىڭ بېكار قىلىنىشىدىن ئۈمىد تۇغۇلدى. ئەمما ئامېرىكا ۋول كوچىسى گېزىتىنىڭ 12- ئاينىڭ 30- كۈنىدىكى خەۋىرىگە قارىغاندا، ئامېرىكا ئىراننىڭ باشقۇرۇلىدىغان بومبىنى تەرەققىي قىلدۇرۇش پىلانىنى باھانە قىلىپ، ئىرانغا يېڭى ئىقتىسادى ئىمبارگۇ يۈرگۈزمەكچى بولغان. ئەمما ئامېرىكىنىڭ بۇ قىلىقى ئىراننىڭ كۈچلۈك نارازىلىقىنى قوزغىغان. ئىران ئەمەلدارلىرىنىڭ ئېيتىشىچە، ئىراننىڭ ئەڭ ئالىي رەھبەرى ھامىنەيى ھەر قانداق يېڭى جازالاش تەدبىرىنىڭ ئىران يادرو كېلىشىمىگە خىلاپلىق قىلغانلىق دەپ قارىلىدىغانلىقىنى بىلدۈرگەن ۋە ئەسكەرتىپ بېرىپ: ناۋادا ئامېرىكا داۋاملىق ئۆز ئالدىغا ھەرىكەت قىلماقچى بولسا، ئىران چوقۇم باشقۇرۇلىدىغان بومبا ئىقتىدارىنى ئۆستۈرۈشى كېرەك، دېگەن.