11-ئاينىڭ 23-كۈنى سەھەردە، يېڭى پەسىللىك ئىتالىيە ئا دەرىجىلىك پۇتبول بىرلەشمىسىنىڭ 13-ئايلانما مۇسابىقىسى داۋاملىق ئېلىپ بېرىلىپ، خەلقئارا مىلان كوماندىسى ئۆز مەيدانىدا فروسىنونى كوماندىسى بىلەن مۇسابىقىلەشتى. مۇسابىقىدە خەلقئارا مىلان كوماندىسىنىڭ ھۇجۇمى كۈچلۈك بولدى. ساھىبخان مەيدان ئەۋزەللىكىدىن پايدىلىنىپ رەقىبىگە كەينى-كەينىدىن ھۇجۇم قوزغىدى. ئالدىنقى يېرىم مەيدان مۇسابىقە باشلىنىپ 29-مىنۇتتا، بىئابىئانبىي توپ كىرگۈزۈپ خەلقئارا مىلان كوماندىسى ۋاقىتلىق ئۈستۈنلۈككە ئۆتتى. كېيىنكى يېرىم مەيدان مۇسابىقە داۋاملىشىپ ئۇزۇن ئۆتمەي كوماندىنىڭ ئاساسلىق نومۇر ئالغۇچىسى يىكاردى توپ كىرگۈزدى. مۇسابىقە 87-مىنۇتتا، خەلقئارا مىلان كوماندىسىدىن مۇرىلو توپ كىرگۈزۈپ غەلبىنى مۇقىملاشتۇردى. مۇسابىقىنىڭ ئاخىرقى ۋاقىتلىردا بىروزوۋىچ توپ كىرگۈزدى. ئاخىردا خەلقئارا مىلان كوماندىسى 4 : 0 نەتىجە بىلەن رەقىبىنى مەغلۇپ قىلدى. خەلقئارا مىلان كوماندىسى ئۇدا تۆت ئايلانما مۇسابىقىدە يەڭدى. بۇ بوغماق يىلاننىڭ بۇ پەسىلدە تۇنجى قېتىم رەقىبىنى چوڭ نومۇر بىلەن يېڭىشى ھېسابلىنىدۇ. ھازىر خەلقئارا مىلان كوماندىسى بىرلەشمە رەت-تەرتىپتە بىرىنچى ئورۇندا تۇرىۋاتىدۇ. نومۇرى 30 غا يېتىپ ئىككىنچى ئورۇندىكى ناپولى كوماندىسىدىن ئىككى نومۇر ئېشىپ كەتتى.