تېلېۋىزور، تور ۋە ئىجتىمائىي ئالاقە تورى ئاللىقاچان بىزنى ئالەم ئۇچقۇچىلىرىنىڭ بوشلۇقتىكى تۇرمۇشى بىلەن تولۇق تونۇشۇش پۇرسىتىگە ئىگە قىلدى، لېكىن ئۇلارنىڭ يەر شارىغا قايتىپ كەلگەندىن كېيىن قانداق قىلىپ ئېغىرلىق مەسىلىسىنى ھەل قىلغانلىقىمۇ ناھايىتى قىزىقارلىق مەسىلە. ئۆتكەن بىر نەچچە كۈندە خەلقئارا ئالەم بوشلۇقى پونكىتىنىڭ 43 ئۇچقۇچىسى يەرشارىغا قايتىپ كەلدى، بىز ئۇلارنىڭ قانداق قىلىپ يەر يۈزىگە قونغانلىقىنى كۆرۈپ قالماستىن يەنە ئۇلارنىڭ قانداق قىلىپ بۇ يەرشارىدىكى مەنزىرە ۋە ئاۋازلارغا قايتا كۆنگەنلىكىنى كۆرەلەيمىز.

       ئىتالىيلىك سامانسا كرىسفورېتى ۋە ئامېرىكىلىق تېررىي ۋىرتس ئىزچىل تۋىتېر ئارقىلىق كەچۈرمىشلىرىنى خاتىرىلىگەن. بىز بۇ ئۇچۇرلاردىن ئۆزگىرىشلەرنى كۆرەلەيمىز. ئىلگىرى ئۇلار بىزگە ناھايىتى يات لېكىن ئۆزلىرى ئۈچۈن ناھايىتى نورمال ئالەم تۇرمۇشىنى كۆز كۆز قىلغان( قاراڭغۇ ئالەم، نۆل ئېغىرلىق قاتارلىق) ھازىر بولسا ئۇلار بىز ئۈچۈن ناھايىتى نورمال لېكىن ئۇلار ئۈچۈن ناھايىتى ھەيران قالارلىق ئىشلارنى خاتىرلىگەن. (ياڭاقنىڭ تەمى، يامغۇر يېغىش، ئېغىرلىق)

«خيۇستوندىكى ئۆيۈمدە ئورنۇمدىن تۇرغان تۇنجى كۈنى يەرشارىدىكى ئاۋاز، پۇراق، تەمدىن ھۇزۇرلاندىم. بۇ ھېسسىيات ناھايىتى قالتىس، لېكىن ئېغىرلىق كۈچى بەك كۈچلۈك ئىكەن»

« يەر شارىغا قايتىپ كەلگەندىن كېينكى تۇنجى يامغۇر، قارىماققا تاشقى پلانېتا ئادىمىگە ئوخشايدۇ، لېكىن ناھايىتى ياخشى تۇيۇلىدۇ.»

ئۇزۇن يىللاردىن بۇيان ئالەم ئۇچقۇچىلىرى بۇنداق ئۆزگىرىشلەرنى باشتىن ئۆتكۈزۈپ كەلدى. ئۇلارنىڭ ئارىسىدىكى كۆپىنچىسىدە  ئۇزۇن مەزگىل ئېغىرلىق كۈچى يوق شارائىتتا تۇرغانلىقى ئۈچۈن مۇسكۇللىرى يىگىلەش، سۆڭەكلىرى چۈرۈكلىشىش، ھەمدە غەلىتە كۆرۈش توسالغۇسى قاتارلىق ئەھۋاللار پەيدا بولغان. كرىس خادفىئېل 2013-يىلى يەرشارىغا قايتىپ كەلگەندىن كېيىن زىيارەت قوبۇل قىلغاندا:« قۇرۇقلۇققا قايتىپ كەلگەندىن كېيىن مەن ئېغىزىم ۋە تىلىمنىڭ ئېغىرلىقىنى ھېس قىلدىم، مەن چوقۇم گەپ قىلىش ئۇسۇلىمنى ئۆزگەرتىشىم كېرەك ئىدى» دېگەن.

فىزىئولوگىيلىك ۋە پىسخىكىلىك ئۆزگىرىشلەردىن باشقا ئالەم ئۇچقۇچىلىرىدا يەنە دۇنيا قاراش جەھەتتە ئۆزگىرىش پەيدا بولىدۇ. ناسانىڭ ئالەم ئۇچقۇچىسى ئېدۋارد گىبسون :« سىز تۇرمۇشتىكى ھەممە نەرسىنى شۇنچە ئەرزىمەستەك ھېس قىلىسىز، ئىختىيارسىز بۇنى ئالەمدىكى ھەممە نەرسە بىلەن سېلىشتۇرىسىز. نەتىجىدە بۇنىڭ بىلەن سىز تۇرمۇشتىن تېخىمۇ ھۇزۇرلىنىسىز، كۆڭلىڭىز تېخىمۇ تىنچلىنىدۇ »دېگەن.