سىنا تەنتەربىيىسى خەۋىرى لەگلەك تورى تەرجىمىسى

بېيجىڭ ۋاقتى 2-ئاينىڭ 1-كۈنى 2014-2015 مۇسابىقە پەسلى جۇڭگۇ ئەرلەر ۋاسكىتبول كەسپىي بىرلەشمە مۇسابقىسىنىڭ پەسىلدىن بۇرۇنقى ئەڭ ئاخىرقى بىر ئايلانما ( 38-ئايلانما ) مۇسابىقىسى ئېلىپ بېرىلدى. فۇشەن كوماندىسى ئۆز مەيدانىدا شىنجاڭ كوماندىسىنى كۈتۈۋالدى. شىنجاڭ كوماندىسىدىن بىلاچىر 35 نومۇر ئالدى. 13 قېتىم گاردىن قايتقان توپ ئالدى. 5 نەپەر توپچى قوش خانىلىق نومۇر ئالدى. ئاخىرىدا شىنجاڭ كوماندىسى 129-103 نەتىجە بىلەن فۇشەن كوماندىسىنى مەغلۇپ قىلدى. بىراق يەنە بىر مەيدان مۇسابىقىدە دوڭگۈەن كوماندىسى بېيجىڭ كوماندىسىنى يەڭگەنلىكى ئۈچۈن شىنجاڭ كوماندىسى كىچىك پەرقلەر سەۋەبىدىن پەسىلدىن كېيىنكى مۇسابىقىگە قاتنىشىش سالاھىيىتىگە ئېرىشەلمىدى. بۇ شىنجاڭ كوماندىسىنىڭ يېقىنقى 7 مۇسابىقە پەسلىدىن بۇيان تۇنجى قېتىم پەسىلدىن كېيىنكى مۇسابىقىگە قاتنىشىش سالاھىيىتىگە ئېرىشەلمەسلىكى ھېسابلىنىدۇ.

ئىككى كوماندا تارىختا جەمئىي 31 قېتىم مۇسابىقىلەشكەن. شىنجاڭ كوماندىسى 24 مەيدان ئۇتۇپ 7 مەيدان ئۇتتۇرۇشتەك نەتىجە بىلەن مۇتلەق ئۈستۈنلۈكنى ئىگەللەپ كەلگەن. بۇ مۇھابىقە پەسلىنىڭ تۇنجى قېتىملىق ئۇچرىشىشدا شىنجاڭ كوماندىسى 101-116 نەتىجە بىلەن فۇشەن كوماندىسىغا ئۇتتۇرۇپ قويغانىدى. بۈگۈن ئىنتىقامىنى ئالدى، بىراق سەككىز كۈچلۈككە كىرەلمىدى.

فۇشەن كوماندىسىدىن ئاساسلىق ئەزا سۈپىتىدە مەيدانغا چىققان توپچىلار: زوڭ زەن . جۈ مىڭ شىن . يوش. رېن جۈن ۋېي. جېڭ جۈن.

شىنجاڭ كوماندىسىدىن ئاسالسىق ئەزا سۈپىتىدە مەيدانغا چىققان توپچىلار : بىلاچىر. شىرئەلىجان. قىرانبېك. جوۋ چى. لىيۇ ۋېي.