يەر شارى خەۋەر تورى 22-ئاپرېل خەۋىرى؛ لەگلەك تورى تەرجىمىسى: تالىبان ھەرىكتىى باياناتچىسى زەبىھۇللاھ مۇجاھىد ئېلان قىلغان يازما باياناتىدا، ھۆكۈمەتكە قارشى بۇ يىللىق باھار ھەرىكىتى «كەسكىن ئىرادە» ناملىق ھۇجۇمىنى جۈمە كۈنى سائەت 05:00 دە باشلايدىغانلىقىنى جاكارلىدى. مۇجاھىد يەنە، ئافغانىستاندىكى بارلىق چەتئەللىك كۈچلەر ئافغانىستاندىن چېكىنگەنگە قەدەر قۇراللىق كۈرەشنى داۋاملاشتۇرىدىغانلىقىنى تەكىتلىدى.
باياناتچى مۇجاھىد، شىمالى ئاتلانتىك ئەھدى تەشكىلاتىنىڭ ئافغانىستاندىكى ۋەزىپىسى ئاياغلاشقان بولىسمۇ، ئامېرىكا قىسىملىرىنىڭ دۆلەتنىڭ بىر قىسىم رايۇنلىرىدا ھاۋا ۋە قۇرۇقلۇقتىن ھەرىكەت ئېلىپ بېرىۋاتقانلىقىنى ئىلگىرى سۈرۈپ، ئامېرىكىنىڭ ئافغانىستان بىلەن ئىمزالىغان ئىككى تەرەپلىك بىخەتەرلىك كېلىشىمى دائىرىسىدە ھازىرغا قەدەر دۆلەتنىڭ ھاۋا ۋە قۇرۇقلۇق ساھەسىنى كونترول قىلىۋاتقانلىقىنى بىلدۈردى. مۇجاھىد يەنە، ئامېرىكىنىڭ تالىباننىڭ قارشىلىق كۈرىشى نەتىجىسىدە كۆپ سانلىق ھەربىي قىسملىرىنى ئافغانىستاندىن چېكىندۈرۈپ مەغلۇب بولغانلىقىنى ئېيتتى.
ھەر يىلى ھاۋا ئىسسىشى ۋە باھار پەسلىدە باشلىنىدىغان «باھار ھۇجۇم ھەرىكتى» گە بۇ يىل «كەسكىن ئىرادە» دەپ نام بېرىلدى. ش ئا ئە ت نىڭ ئافغانىستاندىكى مۇددىتى ئۆتكەن يىلى ئاياغلاشقاندىن كېيىن بۇ يىل ئافغانستان بىخەتەرلىك قىسىملىرى تالىبانغا قارشى يالغۇز كۈرەش قىلىدىغان تۇنجى يىل بولىدۇ. ئافغانىستان قىسىملىرىنىڭ ھاۋا كۈچى يوق بولۇپ، ئېغىر تىپتىكى قۇراللارغا ئىگە، بۇ يىل قىيىن كۈنلەرنى باشتىن كەچۈرۈشى مۆلچەرلەنمەكتە. يەنە بىر تەرەپتىن شىمالى قىسىمدا تالىباننىڭ ھۇجۇملىرى كۆپىيۋاتىدۇ، شىمالدىكى سامانگان رايۇنىدا تۈنۈگۈن ئاخشام تالىبان ئەزالىرى جايلاشقان بىر ئۆي ئافغانىستان قىسىملىرى تەرىپىدىن ھۇجۇمغا ئۇچراپ تۇقۇنۇش يۈز بەرگەن نەتىجىدە 6 قۇراللىق ۋە بىر ساقچى ئۆلگەن، يەنە بىر ساقچى يارىلانغان.