تەشنا تېخنىكا كۇلۇبى

ئەسسالام ئەلەيكۇم،

دەرىسلەر خۇشياقمىغاندا كىتابىمنى ئېلىپ ئوقۇشقا ئادەتلىنىۋالدىم. ھەم ئوقۇغان نەرسىلىرىمنى كۆپچىلىك بىلەن بەھىرلىنىپ مېڭىش قارارىغا كەلدىم.
كىتاب ئوقۇش مەن ئۈچۈن شەرەپ ئەمەس، لىكىن ئوقۇماسلىق مەن ئۈچۈن نۇمۇستۇر ! - ھەسەنجان قاسىم

قۇتادغۇبىلىك

...
ئەي، ھەممىنى بىلگۈچى، مەۋجۇداتنىڭ ھەقىقىتى،
كۆزۈمدىن يىراقسەن، ئەمما كۆڭۈلگە يېقىنسەن.
...
بۇ ئاسماندىكى يۇلتۇزلارنىڭ بىر قىسىمى بىزەك،
بىر قىسىمى يول كۆرسەتكۈچى، بىر قىسىمى كۆزەتكۈچىلەر.
...
كىشىنىڭ كۆڭلى گويا تۈپسىز دېڭىزغا ئوخشايدۇ،
بىلىم بولسا ئۇنىڭ تېگىدە ياتقان ئۈنچىدۇر.
...
كىشىلەرنىڭ يامىنى ئەقىل تاپسا تۈزىلىدۇ،
خەلىق ئىچىدىكى قالايمىقانچىلىق بىلىم بىلەن بېسىقىدۇ.
بۇ ئىككىسى كار قىلمىسا، بىلىمنى قوي -دە،
ئاندىن قولۇڭنى قىلىچقا ئۇزاتقىن.
...
يىگىتلىك ئۆتۈپ كېتىدۇ، تىرىكلىكمۇ تۈگەيدۇ،
سەن بۇ چۈش كەبى دۇنيادىن تېزلا ئۆتۈپ كېتىسەن. D231
...
دۇنيادا بىلىمدىن ئەزىز يەنە نىمە بولسۇن،
بىلىمسىز دېگەنلىك ئەر ئۈچۈن سەت،ھاقارەتتۇر. 260D
...
جاھان سوراش ئۈچۈن مىڭ پەزىلەت كېرەك،
قۇلاننى بېسىش ئۈچۈن ئارسلان كېرەك. D284
...
بۇ تۇراقسىز، بىۋاپا، قېرى دۇنيانىڭ
مىجەزى قىزغا ئوخشايدۇ، سەپسالساڭ، يېشى چوڭدۇر...
سۆيگەننى سۆيمەيدۇ، كېيىكتەك قاچىدۇ،
قاچقانغا يېپىشىدۇ، ئايىغىنى قۇچاقلايدۇ. D401
...
ئۇ زاماندا بۆرە بىلەن قوي بىللە سۇ ئىچتى...
...
غېرىبلىق دېگەن ناھايىتى قاتتىق نەرسە،
نى-نى ئەرلەرنىڭ غېرىبلىقتىن بېشى قايغان. D478
...
كىشى قەدىرلىك ئەمەس ، بەلكى كىشىلىك قەدىرلىكتۇر،
...
بەخىت ئىشەنچسىز، ۋاپاسىز، تۇراقسىزدۇر،
كەتكەندە تېز ئۇچىدۇ، ئايىغى تايغاق. D670
...
بۇ بەخىتكە مەغرۇرلانما، ئۇ كېلىدۇ ۋە يەنە كېتىدۇ،
بۇ دۆلەتكە ئىشەنمە، ئۇ بېرىدۇ ھەم ئالىدۇ. D694
...
بىلىمسىزنىڭ كۆڭلى قۇمدەك بولىدۇ،
دەريا كىرسىمۇ تولمايدۇ، ئوت-چۆپ ئۈنمەيدۇ. D975
...
بۇ دۇنيا مېلى گويا تۇزلۇق سۇغا ئوخشاشتۇر،
قانچە ئىچسىمۇ كىشى قانمايدۇ، تىلىمۇ نەم بولمايدۇ. D1408
...
ئەي بەختىيار ئەلىگ، ساراي ، قەسىر قۇرما،
ساڭا قارا يەر ئاستىدىن ئۆي تەييارلاندى. D1418
...
ئادەم بالىسىنى بىچارە دېيىشكە توغرا كېلىدۇ،
كۈن بويى دۇنيا يىغىدۇ، يېيىشكە نېسىپ بولمايدۇ. D1732
...
ئاڭلاش قۇلاق ئۈچۈن لەززەتتۇر. D1915
...
ھەر قانداق ئىشتا تەمكىنلىكنى تاللا،
پەقەت تائەت-ئىبادەتكىلا ئالدىراپ يۈگۈ. D1999
......