ياۋرونى دوللارغا ئالماشتۇرۇش باھاسى 1.06 غىچە تۆۋەنلەپ كەتتى، بۇنىڭ بىلەن ياۋروپا مەركىزى بانكىسىنىڭ كەڭ پۇل سىياسەت مۆلچەرى يۇقىرى ئۆرلىدى. شۇنداقلا كېلەر ھەپتە ياۋروپا مەركىزى بانكىسى پۇل سىياسىتى يىغىنى ئېچىشتىن ئىلگىرى، بازارنىڭ ياۋروپا مەركىزى بانكىسىنىڭ پۇل سىياسىتىنى يەنىمۇ كېڭەيتىشىگە بولغان مۆلچەرى يۇقىرى ئۆرلىدى، خەۋەر دە دېيىلىشىچە، ياۋروپا مەركىزى بانكىسى كەڭ پۇل سىياسىتى ئۈستىدە ھەر خىل تاللاش تۈرىنى ئويلىشىۋاتىدۇ، بۇ بېسىم تەسىرىدە ياۋرو تۆۋەنلىدى.

      ياۋروپا مەركىزىي بانكىسىنىڭ بانكا باشلىقى دېلاجى ئېنىق قىلىپ، ئۇ ياۋروپا مەركىزىي بانكىسىنىڭ پۇل بېسىش تەدبىرىنى كېڭەيتىشىنى، ھەمدە يەنىمۇ ئىلگىرىلىگەن ھالدا مەنپىي پۇل ئامانەت ئۆسۈمى نىسبىتىنى تۆۋەنلىتىشنى ئۈمىد قىلىدىغانلىقىنى بىلدۈرگەن. نۆۋەتتە ياۋروپا مەركىزىي بانكىسىنىڭ زايوم سېتىۋېلىش تەدبىرى ئاساسلىقى ھۆكۈمەت زايومى سېتىۋېلىشقا ئىشلىتىلىدۇ، ياۋروپا مەركىزى بانكىسى 12-ئاينىڭ 3-كۈنى پۇل سىياسىتى يىغىنى ئۆتكۈزىدۇ.

     ياۋروپا مەركىزىي بانكىسى ئەمەلدارى ھازىر كېلەر ھەپتە ئۆتكۈزۈلىدىغان مەركىزى بانكا يىغىنىدا ئىككى دەرىجىلىك ئامانەت پۇل ئۆسۈم نىسبىتى ۋە زايوم سېتىۋېلىش كۆلىمىنى كېڭەيتىش تۈرنى يولغا قويۇشنى ئويلىشىۋاتىدۇ. نۆۋەتتە، بازار ئومۇميۈزلۈك ياۋروپا مەركىزى بانكىسىنىڭ 12-ئاينىڭ 3-كۈندىكى يىغىنىدا ئامانەت پۇل ئۆسۈم نىسبىتىنى تۆۋەنلىتىدىغانلىقىنى مۆلچەرلىدى، ئۇنىڭ ئۈستىگە مۈلۈك سېتىۋېلىش پىلانى كۆلىمىنى كېڭەيتىشى مۇمكىن، شۇنداقلا پۇل پاخاللىقى يۇقىرى ئۆرلىشى ۋە ياۋروپا رايونى ئىقتىسادى ياخشىلىنىشى مۇمكىن.

     ياۋرونىڭ تۆۋەنلىشى بەلكىم مەبلەغ سالغۇچىلار ئىلگىرى ياۋروپا مەركىزى بانكىسىنىڭ كەسكىن كەڭ پۇل سىياسىتى تەدبىرگە ياخشى تەييارلىق قىلمىغانلىقى سەۋەبىدىن بولىشى مۇمكىن، شۇڭا، بازار كەلگۈسى بىر نەچچە ھەپتە ئىچىدىكى تېخىمۇ زور كۈتۈلمىگەن ئەھۋاللارنى قوبۇل قىلىشى مۇمكىن.