دىيارىمىزدىكى ئەركىن بوكس ماھىرى، شىر كەبى پالۋىنىمىز ئابدۇرەشىدخان كەسپىي ھاياتىنى ئاخىرلاشتۇردى 2015-يىلى 12-ئاينىڭ 20-كۈنى چۈشتىن بۇرۇن ئۈرۈمچى شەھىرىنىڭ ئاۋات رەستىسىگە جايلاشقان دۆڭكۆۋرۈك تىياتىرخانىسىدا پالۋان ئابدۇرەشىدخاننىڭ ئەركىن مۇشلىشىش مەيدان ھاياتىنى ئاخىرلاشتۇرۇپ مەشقاۋۇللۇق سېپىگە كىرگەنلىكىنى ئاخبارات ئېلان قىلىش يىغىنى ئۆتكۈزۈلدى. بۇ قېتىملىق ئاخبارات ئېلان قىلىش يىغىنىغا جەمئىيىتىمىزنىڭ ھەر قايسى ساھەسىدىكى ئۇستازلار، كارخانىچىلار ۋە ھەر قايسى تاراتقۇلارنىڭ ۋەكىلىرى بولۇپ 500 دىن ئارتۇق مېھمان قاتناشتى، پائالىيەتكە شىنجاڭ تېلېۋىزىيە ئىستانسىسىنىڭ دېكتور رىياسەتچىسى جۇشقۇن جۈمە رىياسەتچىلىك قىلدى.

پالۋان ئابدۇرەشىدخان

1983-يىلى 12-ئاينىڭ 3-كۈنى تۇغۇلغان. باشلانغۇچ، تولۇقسىز، تولۇق ئوتتۇرىنى ئۆز يۇرتى قاغىلىق ناھىيەسىدە ئەلا نەتىجىدە تاماملىغان. 2000-يىلى شىنجاڭ ئۇيغۇر ئاپتونوم رايونلۇق ياپونچە چېلىشىش، جۇڭگوچە چېلىشىش، ھەرىكىتىنى باشقۇرۇش جەمئىيىتى ئەركىن مۇشتلىشىش كوماندىسىغا تاللانغان. 2007-يىلى كوماندىدىكى توختامى ئاخىرلىشىپ كوماندىدىن چېكىنىپ چىققان. تاكى ھازىرغىچە ئۆزئالدىغا ئايرىم كوماندا تەشكىللەپ ئەركىن مۇشتلىشىش ساھەسىدە بەلگىلىك قىممەت يارتىپ كەلمەكتە.

ئۇتۇق قازانغان نەتىجىلىرى:

2000-يىلى شىنجاڭ ئۇيغۇر ئاپتونوم رايونلۇق ئەركىن مۇشتلىشىش لەۋھە تالىشىش مۇسابىقىسىدە 52 كىلوگىراملىقلار بويىچە ئالتۇن مېدال.

2001-يىلى شىنجاڭ ئۇيغۇر ئاپتونوم رايونلۇق ئەركىن مۇشتلىشىش لەۋھە تالىشىش مۇسابىقىسىدە 56 كىلوگىراملىقلار بويىچە ئالتۇن مېدال.

2002-يىلى شىنجاڭ ئۇيغۇر ئاپتونوم رايونلۇق ئەركىن مۇشتلىشىش لەۋھە تالىشىش مۇسابىقىسىدە 56 كىلوگىراملىقلار بويىچە ئالتۇن مېدال.

2003-يىلى شىنجاڭ ئۇيغۇر ئاپتونوم رايونلۇق 10-نۆۋەتلىك تەنھەرىكەت يىغىنىنىڭ  ئەركىن مۇشتلىشىش لەۋھە تالىشىش مۇسابىقىسىدە 56 كىلوگىراملىقلار بويىچە ئالتۇن مېدال.

2004-يىلى شىنجاڭ ئۇيغۇر ئاپتونوم رايونلۇق ئەركىن مۇشتلىشىش لەۋھە تالىشىش مۇسابىقىسىدە 60 كىلوگىراملىقلار بويىچە ئالتۇن مېدال.

2005-يىلى شىنجاڭ ئۇيغۇر ئاپتونوم رايونلۇق ئەركىن مۇشتلىشىش لەۋھە تالىشىش مۇسابىقىسىدە 60 كىلوگىراملىقلار بويىچە ئالتۇن مېدال.

2006-يىلى شىنجاڭ ئۇيغۇر ئاپتونوم رايونلۇق 11-نۆۋەتلىك تەنھەرىكەت يىغىنىنىڭ  ئەركىن مۇشتلىشىش لەۋھە تالىشىش مۇسابىقىسىدە 70 كىلوگىراملىقلار بويىچە ئالتۇن مېدال.

2007-يىلىدىن باشلاپ ۋۇلىن فېڭ خەلقئارالىق ئالتۇن كەمەر تالىشىش مۇسابىقىسى بويىچە 18 قېتىم قاتنىشىپ 2 مەيدان تەڭلەشكەن 12 قېتىم ئۇدا ئايلاندۇرۇۋەتكەن 4 مەيدان ئۇتقان.ھازىرغىچە چوڭ-كىچىك قاتناشقان مۇسابىقىلىرى 73 مەيدان بولۇپ 2 مەيدان يېڭىلگەن.

لەقىمى: تەڭرىتاغ يىلپىزى

بوي ئېگىزلىكى : 173 سانتىمېتىر

ئېغىرلىقى : 120 كىلوگىرام

بېرىلگەن نامى : تەڭرىتاغ پالۋىنى

قىزىقشى : سۇ ئۈزۈش، ئات مىنىش، ساياھەت، نەسر يېزىش، خاتىرە قالدۇرۇش.

ئوقۇغان بىلىم يۇرتلىرى:

بېيجىڭ تەنتەربىيە ئۇنىۋېرسىتېتى

شىئەن تەنتەربىيە ئۇنىۋېرسىتېتى

شاۋلىن ئىبادەتخانىسى

جاڭسۇ ئەركىن مۇشتلىشىش جەمئىيىتى

شىنجاڭ تەنتەربىيە ئىنستىتۇتى

شىنجاڭ پېداگوگىكا ئۇنىۋېرسىتېتى

خېنەن ئەركىن مۇشتلىشىش جەمئىيىتى

چىڭخۇا ئۇنىۋېرسىتېتى

ئۆزى تەشكىللىگەن كۇلۇبلار:

قىران بۈركۈت چېنىقىش كۇلۇبى

بەتتال خەلقئارا جانبازلار بازىسى  

پالۋان تەنتەربىيە كۇلۇبى

يەڭگۈر تەنتەربىيە كۇلۇبى

يىۋۇ جىڭۋۇ سارىيى

قاپلان تەنتەربىيە كۇلۇبى

قۇرغان شىركەتلىرى:

شىنجاڭ بەتتال تەنتەربىيە تەرەققىيات چەكلىك شىركىتى

شىنجاڭ پالۋان ئابدۇرەشىدخان يېمەك-ئىچمەك چەكلىك شىركىتى

يىۋۇ پالۋان ئابدۇرەشىدخان يېمەك-ئىچمەك چەكلىك شىركىتى تارماق شىركىتى

ھەمكارلىشىپ قۇرغان شىركەتلىرى:

شىنجاڭ ئەلا باي سودا مەسئۇلىيەت چەكلىك شىركىتى

شىنجاڭ ساۋۇت يېمەكلىك پىششىقلاپ ئىشلەش زاۋۇتى  

سۈلمىي ماروژنى زاۋۇتى

پىچان ناھىيە يېشىل زېمىن مېۋىچىلىك كەسپىي ھەمكارلىق كوپىراتىپى