بۈگۈنكى تىمىنىڭ مەزكۇر بلوگىمىزنىڭ خاراكتىرى بىلەن تازا مۇناسىۋىتى يوق، ئەمما بىر نەچچە كۈن مۇقەددەم ئىشلىتىپ كېلىۋاتقان ئامېرىكىلىق Iphone 4 تېلىفونۇمنى ئىشلىتىش داۋامىدا بىر ئاز بىلىمگە ئىگە بولىۋالغان ئىدىم. مەزكۇر يازمىنى ئەسلى پاسىبان كۇلۇبى ئۈچۈن يازغان، قەدىناس تۇرايىمىزنىڭ يېڭىلانماي تاشلىنىپ قالماسلىقى ئۈچۈن بۇ تېمىنى ھەم بۇ يەرگە تەڭ يوللىدىم. ئايفونچى بلوگگېرلار مۇنداقلا قاراپ قويسا بولىدۇ.

بۈگۈن مەكتىپىمىزدىكى ئوقۇش پۈتتۈرىدىغانلار بالىلار بىلەن بىرگە خاتىرە سۈرەتكە چۈشكەن ئىدۇق، ياتاققا قايتىپ تارتقان سۈرەتلەرنى رەتلەۋېتىپ، ئەينى چاغ، بۇنىڭدىن 4 يىل مۇقەددەم، يەنى 2009-يىلى، مەن جىياڭسۇ ئۆلكىلىك خەنجىياڭ ئوتتۇرا مەكتىپى(گورۇھى)دە شىنجاڭ سىنىپىنى پۈتتۈرگەندە ئۆزۈم باش بولۇپ رېژىسسور، ئوپىراتور، مۇنتاژ بولۇپ ئىشلىگەن فىلىمىم «ئۇنتۇش ئۈچۈن ئەسلەش» قولۇمغا چىقىپ قالدى، ۋاقىت نەقەدەر تىز ئۆتكەن ھە، نەقەدەر تىز ئۆتكەن. بۇ فىلىمنى بىر يىل بۇرۇن كەپەمگە ھەم يوللىغان ئىدىم، قاراپ ئولتۇرۇپ تولۇق ئوتتۇرىدىكى نۇرغۇن ئىشلار يادىمغا يەتتى، بۈگۈن تۇرادىمۇ بىر يوللاپ تۇراي…

يېقىندىن بۇيان مەن ناھايىتى ياخشى كۆرىدىغان Youku فىلىم تورىنىڭ ئېلانلىرى تېتىقسىزلىشىۋاتقانلىقىنى كۆرۈپ ئىچىم پۇشۇۋاتقانتى، بۇنى ئازدەپ ۋاقتىمۇ ھەدەپ ئۇزىراپ كەتتى، خەپ دېدىم، ئامالىنى قىلىش ئۈچۈن تىركىشىپ باقمىدىم. بۈگۈن ئالماس دەپ بىر تور قۇرتى مەكتەپدىشىم بار ئىدى، ھەدەپ فىلىم كۆرۈۋاتسام «ئىدىش، ئاۋۇ ئۇزۇن ئېلانلاردىن زىرىكمىدىڭلىما؟» دەيدا، زىرىكمەمدىكى دېدىم، شۇنىڭ بىلەن «خىروم ئىشلىتەمسىلە؟» دەيدۇ، «Chromeما» دېدىم، بىلىسىلە، بلوگگېرلار Chromeنى «كېرەمجان» دەيتۇققۇ، باللا «خىروم»(خۇرۇم) دەيدىكەن، مۇشۇ كېرەمجاننىڭ بىر قىستۇرمىسى باركەن، ئېلان چەكلەيمىزكەن…

ئالدىنقى قېتىملىق يازمىمىز «WordPressنىڭ مۇقىم ئۇلانما ئىقتىدارى ۋە كۆرسەتمە كودلار»نىڭ ئاساسىي مەزمۇنى ئەمەلىيەتتە ساختا تىنچ بەت(伪静态) ھاسىل قىلىشنىڭ تەدبىرى بولۇپ، بۇ تەدبىر ئادەتتە Linux مۇھىتىدا شۇنداق ساز ئىشلەيتى. يېقىندا بىر قىسىم بلوگداشلار ئېلخېتىمگە خەت يوللاپ، ئۆزلىرىنىڭ بۇ تەدبىرنى قوللىنالمىغانلىقىنى ئېيتىشتى. بىلسەم Windows بوشلۇقى ئىكەن، مەنمۇ بۇرۇن Windows بوشلۇقى ئىشلەتكەن ئىدىم، شۇڭا بۇ مەسىلىنىڭ ھەل قىلىش ئۇسۇلىنى ئىزدىدىم. بۇرۇن بادام بلوگىدا مۇشۇ خىلدىكى يازمىنى ئۇچراتقان، بۇ قېتىم مەنمۇ يەنە بىر قېتىم توختىلىپ ئۆتەي. ھە راست، WordPress سېستىمىسىنى ياخشى ئىشلىتىمەن دېسىڭىز Windows بوشلۇقىدىن ئۇزاق تۇرۇڭ، يازمىغا مەرھەمەت…

خوش، بىر نەچچە كۈندىن بىرى كىنو-لەتىپە ئاڭلاپ ئارام ئالدۇق، ئەمدى تەنەپپۇسنى تۈگۈتۈپ دەرس ئۆگىنەيلۇق. قىسمەن بلوگگېرلار دىققەت قىلغان بولىشى مۇمكىن، تۇرايىمىزنىڭ شۇنداقلا بىر قىسىم بلوگگېرلارنىڭ يازما ئادرېسىدا .html دېگەن خەت بار. يەنە دىققەت قىلدىڭلارمىكىن، يازما تەھرىرلەش-يوللاش كۆزنىكىدە، ئارقا سۇپىدىكى بىر قىسىم تەڭشەكلەردە «مۇقىم ئۇلانما» دېگەن ئاجايىب بىرخىل سىرلىق سۆز بار. بۈگۈن بىز مۇشۇ سىرلىق سۆز بىلەن تونۇشۇپ چىققاچ، بلوگىمىزنىڭ مۇقىم ئۇلانمىسىنى باشقىچەرەك تەڭشەپ باقايلى.

دەرس ۋاقتى ھاڭۋىقىپ ئولتۇرسام، خىيال قۇشلىرىم پەرۋاز قىلىپ بۇنىڭدىن 8 يىل بۇرۇنقى ئاشۇ سەبى، غەمسىز تولۇقسىز ئوتتۇرا ھايات مەزگىلىم ئېسىمگە كەلدى. كېيىن، ئىچكىرىگە ئاتلاندۇق، ئوقۇدۇق، جاپا چەكتۇق، غەم كۆپەيدى. ھەر قېتىم ئىچكىرىدىن يۇرتقا ماڭىدىغان چاغدا، ھەر بىر ۋاگۇننىڭ بېشىدا « سوتسىيالىستىك مەدەنىيەت قۇرۇلۇشى ئۆلچىمى : سەككىز شەرەپ، سەككىز نومۇس» دېگەن سۆزلەر يېزىلغان تاختايغا كۆزۈم چۈشەتتى، شۇ ھامان دەرس ۋاقتىدىكى خىيال قۇشۇم تۇرايىمىز ئۈچۈن بىر ئىلھام بۈركۈتىگە ئايلاندى، شۇ ھامان مەزكۇر يازمىنى پۈتتۈرۈپ چىقاردىم، كۆرۈپ بېقىڭلار، قوشۇلامدىكەنسىلەركىن؟ قوشۇلمىغانلار ئايىقىڭلارنى ئاتارسىلەر، قوشۇلىدىغانلار چاۋاكلارنى چالارسىلەر، تولۇقلايدىغانلار بولسا ئىلھام قۇشۇڭلارنى قويۇۋەتكەيسىزلەر…

ئۇيغۇر مىكروبلوگچىلىقىنىڭ باشلامچىسى، قەدىناس بلوگگېرلارنىڭ ھەقەمسايىسى، شۇنداقلا بىر مەزگىل جاھاننى تىترەتكەن، دۇنيادا بىرىنچى دەرىجىلىك مىكروبلوگ سۇپىسى دەپ باھالانغان(چاقچاق چە!) «گۈدۈك» مىكروبلوگى قايتىدىن ئېچىلىپتۇ. قېنى، قەدىناس «گۈدۈك»داشلار، غەززەب بىلەن ئالغا!…

مەنزىل: http://www.guduk.com

كەمىنە ئۇيغۇربەگنىڭ كىنونى تاللاپ كۆرىدىغانلىقىنى، بولۇپمۇ ئېسىل كىنولارنى كۆرۈپ بلوگداشلار بىلەن ئورتاقلىشىدىغانلىقىنى سىزدىن باشقا ھەممەيلەن بىلىدۇ. شۇنداق، مەن كىنو كۆرمەيدىغىنى، كۆرۈپ قالسام تاللاپ تۇرۇپ ئەڭ ئېسىلىنى، ئەڭ پەچەتلىرىنى كۆرىدىغىنى. بۈگۈنمۇ بىر كىنو كۆردۈم، سىزچۇ؟ ھېلىقى مەشھۇر ۋە قىزىقارلىق كارتون فىلىم «سۇمبۇل چاچ مەلىكە»نى كۆرگەنمۇ؟ قۇلىقىدىن تۇتۇپ سۆيگەنمۇ؟….

كەمىنە ئۇيغۇربەگنىڭ قانداق ئۇيغۇرچە بلوگ ياكى بېكەتكە بارسا ئەڭ ئاۋۋال ئېلانلىرىنى مارىلايدىغان ئادىتى بارتى، شۇڭلاشقىمۇ قەيەرگە بارسام شۇ يەردە ئېلان چىكىپلا يۈردۈم. بۈگۈن دەرس ۋاقتى دەرس ئاڭلاۋېتىپ، بلوگگېرلارنىڭ كىرىمىنىڭ شۇ قەدەر ئازلىقىغا ئېچىنغاچ، بلوگگېر ئۈچۈن ئېلان چىكىشىگە ئون باھانە تېپىپ چىقتىم، تۈگەشتىڭىز، ئەمدى ئېلان چەكمىگىنىڭىزنى بىر كۆرەي!

بلوگىڭىزنىڭ پارولىنى ئۇنتۇپ قالسىڭىز قانداق قىلىسىز؟ ئېلخەت ئەۋەتىشىڭىز مۇمكىن، ئەگەر ئېلخەت ئادرېسىڭىزنى ئۇنتۇپ قالسىڭىز قانداق قىلىسىز؟ ياكى ئېلخەت ئادرېسىڭىزنى خاتا تولدۇرۇپ قويغان بولسىڭىز ۋە ياكى ئىسمىڭىزنى ئۇنتۇپ قالسىڭىزچۇ؟ ئۇنداقتا نەزىرىڭىز تۆۋەندىكى يازمىدا بولسۇن.

ئەسىرلەر ئۆتتى ، يىللار ئۆتتى ، ئاينى قوغلاپ ، ئاي كەينىدىن كۈنلەر ئۆتتى . مانا شۇنداق قىلىپ ، بىز ئىنسانلار سۇدا ياشايدىغان بىلىق بولمىساقمۇ ، مۇشۇ ئىنتىرنىتتىن ئىبارەت تور دۇنياسى بارلىققا كېلىشى بىلەن ، تورغا چۈشكەن بىلىقلاردەك تورغا باغلىنىپ قالدۇق . تورغا چۈشكەن بىلىقلار جان قايغۇسىدا قىينالسا ، ئەكسىچە بۇ "تور"بىزلەرگە مەنىۋى ئوزۇق ، ئۆز ئىقتىدارىمىزنى جارى قىلدۇردىغان ، ئۆزىمىزنى تونۇتىدىغان سەھنە شۇنداقلا بەيگە مەيدانى بولۇپ قالدى. يۇقىرىقى قۇرلارنى مەن يازدىممۇ ياكى بۇ قۇرلار مېنى يېزىۋاتامدۇ بىلمىدىم ، توساتتىن قۇلىقىمغا "ساز بىلوگ".......قۇرۇلۇپتۇ دېگەن پاراڭلار ئاڭلىنىپ دىققىتىم چىچىلىپ كەتتى .

مانچە كۈن ئالدا تۇرايىمىزغا jQuery ئارقىلىق يۆتكىلىشچان ۋىجىت ياساپ، ئېلاندىن بىرنى قوندۇرۇپ قويۇپ شۇنچە تاما بىلەن بىرەر ھەۋەسكارنىڭ ئۆگىنىۋېلىش تەلىپىنى كۈتسەم، يا بايقىمىڭلارمۇ ياكى قىزىقمىدىڭلارمۇ بىلمىدىم، ھېچكىم سوراپمۇ قويمىدى. بوپتۇ، مەن ئۆگىتەي، ئاۋۋال بەگلىكنىڭ باش بېتىگە قايتىپ بەتنىڭ ئاستىغا لىفىت بىلەن چۈشۈپ سول تەرەپكە قاراڭلار، ئېلان بار، ئۈستىگە چىقىڭلار، ئېلان بار، بۇ قېلىن ئېلان نەگە بارسىڭىز شۇ يەرگە بارىدۇ، بۇ دەل بۈگۈنكى مەخپىي رېتسىپنىڭ ئۈنۈمى. ئېلاننى چىكىۋەتكەندىن كېيىن ماۋۇ يازمىغا قايتىپ كېلىپ، تېخنىكىنىڭ داۋامىغا قۇلاق سالغايسىزلەر…