ئەسسالامۇ ئەلەيكۇم ئەزىزلەر، ئالدى بىلەن يېڭى يىلىڭلارغا مۇبارەك بولسۇن. كومپىيۇتېر مەشغۇلات سېستىمىسى بولغان Windows8 گە ئۇيغۇر كومپىيۇتېر ئىشلىرىدىكى تۆھپىكارىمىز ئالىم ئەھەتنىڭ كۈچ چىقىرىشى ۋە مىھنەت قىلىشى بىلەن ئۇيغۇرچە تىل بولىقى قوشۇلۇپ ، ئۇيغۇر كومپىيۇتېر ئىشلىرىنىڭ تەرەققىياتى ئۈچۈن يېڭى بىر سەھىپە ئېچىلدى . ئۇزۇندىن بۇيان Windows مەشغۇلات سېستىمىسىنى ئانا تىلىدا ئىشلىتىشنى ئارزۇ قىلىپ كەلگەن بارلىق قېرىنداشلارغا نىسبەتەن ناھايتى زور خۇشاللىق ئىش بولغان بولسىمۇ ، زور كۆپ ساندىكى قېرىنداشلىرىمىزنىڭ تورغا چىقىش شارائىتىنىڭ يوقلىقى ياكى بۇ ئىشقا مۇناسىۋەتلىك ئۇچۇرلارنىڭ تارقىلىش دائىرىسىنىڭ چەكلىكلىكى ، شۇنداقلا پىسخىكىمىزدىكى پەرۋاسىزلىق ، بىخۇتلۇق تۈپەيلىدىن Windows مەشغۇلات سېستىمىسىنىڭ ئۇيغۇرچە بولۇپ كەتكەنلىكىدىن ئىبارەت ئالەمشۇمۇل ئىشلاردىن بىخەۋەر يۈرمەكتە . بىلسىمۇ پەرۋاسىز يۈرمەكتە . مەزكۇر سېتىما كىلەر ئاينىڭ بىرىنچى كۈنىدىن باشلاپ نەچچە مىڭدىن سېتىلىشقا باشلايدۇ، دېمەك ئەڭ ئاخىرقى 30 كۈنلۈك مۆھلەت قالدى…

‏بۇ ئىشلار مۇشۇنداقلا ئۆتۈپ كەتسىمۇ مەيلىتى . بىراق ، مىكروسوفت شېركىتىنىڭ سىتاتسكىلىق سانلىق مەلۇماتىدا ئۇيغۇرلارنىڭ ئۇيغۇرچە تىل بولىقى قوشۇلغان مەشغۇلات سېستىمىسىنى ئىشلىتىش دەرىجىسى تۆۋەن بولۇپ قالسا ، مۇنداقچە ئېيتقاندا ، بىزنىڭ بۇ ئىشقا تۇتقان پوزىتسىيەرىمىز تازا قىزغىن بولمىسا ، شۇنداقلا ، مىكروسوفتنىڭ Windows مەشغۇلات سېستىمىسىغا ئۇيغۇرچە تىل بولىقى كىرگۈزۈش ئۈچۈن سالغان مەبلىغى كىرىمى چېقىمىنى قاپلىيالمىسا كىيىنكى قېتىملىق مەشغۇلات سېستىمىسىنى ئىشلەيدىغان ۋاقىتتا ئۇيغۇر تىلىنى قۇشۇشنى ئويلاشمايدۇ - دە ، شۇنىڭ بىلەن ئۇيغۇر كومپىيۇتېر تەرەققىياتى تىبەت ، موڭغۇل ... قاتارلىق مىللەتلەرنىڭ ئارقىسىدا قېلىش خەۋپى كېلىپ چىقىدۇ . ئەلۋەتتە ، بۇ ھىچقايسىمىز كۆرۈشنى خالىمايدىغان ئاقىۋەت .
‏يەنە بىر جەھەتتىن ، ئىشەنچىلىك مەلۇماتلاردىن قارىغاندا 2013 - يىلى 2 - ئاينىڭ 1 - كۈنىدىن باشلاپ ئۇيغۇرچە تىل بولىقى قوشۇلغان بۇ مەشغۇلات سېستىمىسى تەخمىنەن 1280 يۈەنگە ئۆسۈپ كېتىش ئېھتىماللىقى ئىنتايىن چوڭ . ھالبۇكى ، 2-ئاينىڭ 1-كۈنىگە 30 كۈنلا قالدى!.... ئەمدى ئالدىرىمىسىڭىز كىيىن قانچىلىك پۇشايمان قىلغىنىڭىز بىلەنمۇ ھەرگىز ئورنىغا كەلمەيدۇ . ھەم ، سىزنىڭ بۇ قەدەر پەرۋاسىزلىقىڭىز ئۇيغۇر كومپىيۇتېر تەرەققىياتىنىڭ چېكىنىپ كېتىشىگە سەۋەب بولۇپ قېلىشى مۇمكىن . مىللەتنى سۆيۈش ئېغىزىڭىزدىكى قۇرۇق شۇئار ھالەتتە بولۇپ قالمىسۇن ، ئەمەلى ھەرىكەتكە كېلىش قۇرۇق گەپ ساتقاندىن مىڭ ھەسسە ئەۋزەل !

‏تىزرەك ھەرىكەتكە كېلىڭ ! پۇرسەت تىزلا ئۆتۈپ كەتمەكتە . كىيىنكى پۇشايمان ئۆزۈڭگە دۈشمەن ! ئۇيغۇر تەرەققىياتى ئۈچۈن بىر كىشىلىك ھەسسىڭىزنى قوشۇپ ، ئۇيغۇرچە مەشغۇلات سېستىمىسىدا ئانا تىلىڭىزنىڭ ھوزۇرىنى سۈرۈڭ !

سېتىۋېلىش ئۇسۇلى

Paypal ھېساۋاتىڭىز ياكى ئىناۋەت كارتىڭىز ئارقىلىق ئالالايسىز،  مۇناسىۋەتلىك يازما: http://www.alimahat.com/?p=2027

ناۋادا Paypal ھېساۋاتىڭىز ياكى ئىناۋەت كارتىڭىز يوق بولۇپ، ئېلىشتا قېينالسىڭىز كەمىنە ئۇيغۇربەگ خالىس ياردەم قىلىمەن. مېنىڭ ئالاقە قىلىش ئۇچۇرلىرىم:

ئېلخەت: Uyghurbeg#yahoo.com (# ئورنىنى @غا ئالماشتۇرۇشنى ئۇنۇتماڭ)

QQ: 761250477 ، ئۈندىدار: Uyghurbeg