ئۇيغۇر يېزىقى ھەققىدە:ئۇيغۇر تىلى ۋە يېزىقى 10 مىليوندىن ئارتۇق ئادەمنىڭ تىل - يېزىقى بولۇپ، ئىشلەتكۈچىلەرنىڭ سانى بويىچە سېلىشتۇرغاندا پۈتۈن دۇنيادىكى 6000 دىن ئارتۇق تىل ئىچىدە ئالدىنقى 70 نىڭ ئىچىگە كىرگەندىن باشقا، جۇڭگودا خەنزۇ (كانتون ۋە باشقا دېيالېكتلارنى ئۆز ئىچىگە ئالىدۇ) تىلىدىن قالسىلا 2- ئورۇندا تۇرىدىغان نوپۇزلۇق تىل-يېزىقتۇر. نۆۋەتتە Windows 8 ۋە گۇگول، ۋوردپرېس، ۋىكىپېدىيە قاتارلىقلارنىڭ ئۇيغۇرچىسى ئىشلەنگەن بولۇپ، IT ساھەسىدە ئۇيغۇر تىل-يېزىقىنىڭ قوللىنىلىشى ئازەرى، تاتار تىللىرى بىلەن بىر قاتاردا تۇرغاندىن باشقا، ئۆزبېك، قازاق، قىرغىز، موڭغۇل، ئوردو، تىبەت ۋە باشقا نۇرغۇن تىل-يېزىقلارنىڭ ئالدىدا تۇرىدۇ. تۇلۇق ئوقۇش »

ئەسسالامۇ ئەلەيكۇم ئەزىز بلوگداشلار، ئالىي مەكتەپ ھاياتىمنىڭ تۆتىنچى يىلىنىڭ تۇنجى مەۋسۇمى ئاخىرلىشىپ، خىزمەت ئىزدەش ۋە پىراكتىكا قىلىش مۇناسىۋىتى بىلەن سەپەردە بولۇپ قالدىم، بۈگۈننى ھېسابقا ئالغاندا كومپىيۇتېر ئالدىغا كەلمەي رېئال دۇنيادا ياشاۋاتقانلىقىمغا بىر ھەپتە بولۇپ قالدى، شۇڭلاشقا بلوگنى نورمال يېڭىلاشقا، بلوگغا چۈشكەن سۇئاللارغا جاۋاب يېزىشقا، شۇنداقلا QQرىمغا قالدۇرۇلغان خەتلەرگە جاۋاب يېزىشقا پۇرسەت چىقمىدى، ئىشلىرىم ھېلىھەم ئورنىغا چۈشمىدى، قاچان چۈشىدۇ ھەم بىلمەيمەن، تەتىل ۋاقتىدا پۇرسەت چىقسا بلوگنى نورمال يېڭىلاپ تۇرغۇسىمەن، چىقمىسا تەتىل توشقاندىن كېيىن مەكتەپكە قايتقاندىن كېيىن يېڭىلىغۇسىمەن، بۇ جەرياندا كەمىنە ئۇيغۇربەگنى ئىزدەش توغرا كەلسە ئېلخەت ئارقىلىق ئالاقە قىلىشىڭلارنى سورايمەن، تەتىل جەريانىدا Windows8 كەسپىي نەشىرىنىڭ ھەقىقىي ئاكتىپلاش ئاچقۇچ كودىنى ئالماقچى بولغان ئەزىزلەرگە ئاچقۇچ كودىنى ئېلىپ بېرىشدىن باشقا،بلوگداشلارغا WordPress ھەققىدە مەسلىھەت بېرىش، ئۇچرىغان مەسىلىلەرگە ياردەم بېرىش، بوشلۇقچىلىق، تور نامچىلىق قاتارلىق ئىشلاردا داۋاملىق مۇلازىمەت قىلغۇسىمەن، جىددىي ئىزدەيدىغانلار ئېلخەت ئارقىلىق تېلىفون نومۇرۇمغا ئېرىشسەڭلار بولىدۇ. ھەممىڭلارنىڭ كۈنىنىڭ مەنىلىك ئۆتۈشىنى تىلەيمەن.
ئالاقە ئۇچۇرلىرىم تۆۋەندىكىدەك:
ئېلخەت: uyghurbeg@yahoo.com
QQ:761250477

ئىلاۋە: دوستۇم ئەركىنىڭ بۇ ھېكايىسى مەن ھازىرغىچە ئوقۇغان ھېكايىلەر ئىچىدە سۆيۈپ ئوقۇغان ئەسەرلەرنىڭ بىرىدۇر. 2008- يىلى سابىق بەرقى مۇنبىرىگە يوللىنىپ تورداشلارنىڭ سۆيۈپ ئوقۇشىغا ۋە قىزغىن ئالقىشىغا ئېرشكەن بۇ ھېكايە 2009- يىلى بەرقى تورىنىڭ ۋاپاتى بىلەن ئىز - دېرەكسىز غايىپ بولغاندا دوستۇم ئەركى ئۆزىدە بۇ ھېكايىنىڭ ئورگېنالىنىڭ يوقلىقىنى ئېيتىپ بەكمۇ ئەپسۇسلانغان ئىدى. شۇ ۋاقىتتا مېنىڭمۇ ئىچىم ئېچىشقان ھەم پات-پات ئەركى بىلەن بۇ ھېكايە توغرىسىدا سۆزلىشىپمۇ قوياتتۇق . دوستۇمنىڭ ماڭا بەرگەن يېڭى يىللىق سوۋغىسى « ئادىشىم چايان» نى كۆرگەندىن كېيىن مەنمۇ ئۇنىڭغا يېڭى يىللىق سوۋغا بېرىش ئۈچۈن جىق ئويلاندىم. كاللامغا تۇيۇقسىز بۇ مەرھۇم  ھېكايە كەلدى. بىر كۈن ئىز قوغلاپ ئاختۇرۇش، بوشاشماسلىق نەتىجىسىدە ئۇنىڭ ئاV غا باغلانغان بىر تۈركۈم چاتما ھېكايىلىرىنى قولغا چۈشۈردۈم.

تۇلۇق ئوقۇش »

ئەسسالامۇ ئەلەيكۇم، ئەزىز بلوگداشلار. مانا ھەش-پەش دېگۈچە 2012-يىلىمۇ ئاخىرلىشىپ، 2013-يىلىگە كىرمەكچى بولىۋاتىمىز، ۋاقىت نەقەدەر تىز ئۆتكەن ھە، بىردەمدىلا يېڭى ئوقۇشقا كىرگەن ستۇدېنىتتىن ئەمدى ئوقۇش پۈتتۈرۈش ئالدىدا تۇرغان ستۇدېنىتقا ئايلىنىپتىمەن، قەدىردان ئۇسلۇبچى پرېستانمۇ ئوقۇش پۈتتۈرۈپ ئۆزىنىڭ دەردىگە يېتىۋاتىدۇ. ئۇزۇن بوپتىكەن، بلوگداشتىكى تورداشلار بىلەن ئەھۋاللىشىپ باقمىغىلى، بۈگۈن بىر پاراڭ سوقۇپ باقمامدۇق، پاراڭ تېمىمىز «2012-يىلى نېمە ئىشلارنى قىلدىڭىز؟….»بولسۇن، قانداق؟ خالايدىغانلار ئىنكاسقا مەرھەمەت…

قازاقىستان رېسپۇبلىكىسىدىكى ئۇيغۇر ئانسامبىلىرى ۋە ناخشىچىلىرىنىڭ ناخشىلىرىنى ئاڭلاپ قوياتتىم، ئالدىنقى چاغلاردا مەرھۇم مۇرات ناسىروفنىڭ «قالدىم يالغۇز»، زۇلپىقارنىڭ «ئانا»، دەرۋىش ئانسامبىلىنىڭ «ۋەتىنىم»،«ئايلىناي»(قازاقچە) ناملىق ناخشىلىرىنى خېلى ئاڭلىغان، بۈگۈن مىكرو بلوگدىن دەرۋىش ئانسامبىلىنىڭ ئەڭ يېڭى ناخشىسى «ھەر ئاخشام»نى ئۇچرىتىپ قېلىپ مۇڭ رېتىمى ۋە لىرىك تېكىسىتىنى ئىنتايىن ياقتۇرۇپ قالدىم، ئىمتىھان ھەلەكچىلىكىدە يۈرۈپ يازما يوللىيالماي يۈرگەندە بۇ ناخشا تۇرانىڭ يېڭى يازما باھانىسىگە ئايلاندى، ماڭا ئوخشاش بلوگ يازغۇسى كەلمىگەن بلوگداشلارغا ناخشا يوللاپ بېرىش ئۈلگىسىنى يارىتىپ بېرەي، ئەمىسە ناخشىغا مەرھەمەت!….

تۇلۇق ئوقۇش »

دېموكراتىزىم: ئىككى ئىنىكىڭىز بولسا قوشنىلىرىڭىز بېلەت تاشلاپ سۈت كىمگە تەۋە، ئاق ئىنەك كىمنىڭ، قارا ئىنەكنى كىم ئالىدۇ… دېگەنلەرنى قارار قىلىدۇ. ناتسىسىزىم: ئىككى ئىنىكىڭىز بولسا، ھۆكۈمەت ئىككىسىنىلا ئېلىۋالىدۇ، سىز ئوق يەيسىز، ئاندىن ئۆيىڭىزدىكىلەر ئوقنىڭ پۇلىنى تۆلەيدۇ…

تۇلۇق ئوقۇش »

«قەيسەر ئات» ناملىق مەزكۇر كارتون فىلىم ناھايىتى ئامېرىكىستان كارتونچىلىرى مەنىلىك قىلىپ ئىشلىگەن نادىر كارتونلارنىڭ بىرى بولۇپ، دۇنيادا خېلى ئالقىشقا ئېرىشكەن. فىلىمدە ئامېرىكىنىڭ غەربىدىكى ئەركىن،  پايانسىز كەتكەن بىر يايلاقتا شۇنداق شاش ۋە ئوماق بىر تايچاق ئاپىرىدە بوپتۇ. ئۇ ئۆز توپىنىڭ ئاتامانىغا ئايلىنىپ، توپىنىڭ كەلگۈسى ۋە ئۈمىدىگە قۇماندانلىق قىلىشنى ئارزۇ قىپتۇ، ئۆزى ھەم ئەركىنلىكنىڭ شۇنداقلا بويسۇنماسلىقنىڭ سىموۋولى بوپتۇ. ئەپسۇسكى، ئۇ شۇنداق يېتىلىۋاتقان مەزگىلدە ئۇنى ئىنسانلار تۇتۇپ ئەكىتىپتۇ ھەمدە زورلۇق بىلەن كۆندۈرمەكچى بوپتۇ، ئەمما ئەركىنلىككە كۆنۈپ قالغان بۇ ئات نۇرغۇن جاپا-مۇشەققەتلەرنى چەكسىمۇ باش ئەگمەي ئۆزىنىڭ ئەركىن دالاسىنى سېغىنىپتۇ ھەمدە ئاشۇ يۇرتىغا قايتىش ئۈچۈن نۇرغۇن ئىسسىق-سوغۇقلارنى باشتىن كەچۈرۈپتۇ. مەزكۇر كارتون فىلىمنى مەكتەپداش ئىنى بۇرادەر ئابدۇكېرەم ئەپەندى ئۇيغۇرچە خەتلىك قىلىپ تەييارلاپ چىقتى ھەمدە كارتوننىڭ سۈزۈك نۇسخىسىنى چۈشۈرۈشكە تەمىنلىدى. ۋاقتىدا چۈشۈرۈۋالغايسىزلەر…

تۇلۇق ئوقۇش »

ئوقۇش باشلاپ سەل ئالدىراش بولۇپ قالغان ئىدىم، كاللامغا تەسىر قىلغۇدەك بىرەر نەرسە كۆرۈپ باقمىغىلى ھەم ئۇزاق بوپتىكەن، كۆكلەم مۇنبىرىنى ئارىلاۋېتىپ، بۇرۇن بىر قېتىم كۆرۈپ ئۆتۈپ كەتكەن، ئەمما ئانچە ئېرەڭشىمىگەن بىر يازما تۇيۇقسىز دىققىتىمنى تارتىپ قالدى، بۇ يازما شۇنداق ئاددىي، شۇنداق چۈشۈنۈشلۈك، ھەمدە شۇنچىلىك راۋان. ئەمما مېنى خېلى-خېلى ئويغا سالدى، مۇنبەر ئوينىمايدىغان بلوگداشلار بوپ قالسا ئوقۇپ قالسىكەن دەپ تۇرايىمىزغا قۇرۇق بولسىمۇ مۇشۇنى ئەپ كەلدىم، قېنى ئوقۇپ بېقىڭ، كۆرۈپ بېقىڭ…

تۇلۇق ئوقۇش »

مەنغۇ تور نامى سودىگەرى ئەمەس، شۇنداقتىمۇ قولۇمدا بىر قانچە تور نامى بار ئىدى، تۇتۇپ سېسىتىۋەتكەندىن  ئەرزان باھادىلا سېتىۋېتەي دەپ مەزكۇر تېمىنى يوللاپ ئولتۇردۇم. تور نامىغا قىزىقمايدىغانلار ئەگىپ ئۆتۈپ كەتسەڭلارلارمۇ بولىدۇ.

تۇلۇق ئوقۇش »

بۈگۈن بېكەت ئارىلاۋېتىپ دائىم كىرىپ تۇرىدىغان بىر بېكەتنىڭ رەڭ قۇرۇلمىسى يېقىپ قالغان ئىدى، شۇنىڭ بىلەن Prestan_Uzhal ئاساسىدا مەشىق ھېسابىدا بۇ يېڭى ئۇسلۇب «UzhalPro»نى پۈتتۈرۈپ چىقتىم. بىلمىدىم، يېڭى رەڭدىكى ئۇسلۇبلارنى ياقتۇرىدىغانلار بارمىكىن؟…

تۇلۇق ئوقۇش »

ئەسسالامۇ ئەلەيكۇم، كەپەمنىڭ شۇنداقلا پرېستان ئىككىمىزنىڭ چاڭگىسى – ئۇيغۇربەگ تور تۇرايىنىڭ ئەزىز مېھمانلىرى، ئەسسالامۇ ئەلەيكۇم مەزكۇر مۇنبىرىمىزنىڭ ئىخلاسمەنلىرى:
شۇنداق قىلىپ 11-ئىيۇل كۈنى ئىمتىھان تۈگەپ ياتاقداشلىرىم ۋە مەكتەپداشلىرىمدىن تەركىپ تاپقان «ئۆيىگە قايتىش ئەترىتى»گە باش بولۇپ، گۇئاڭجۇدىن ئۈرۈمچىگە بىۋاستە قاتنايدىغان پويىزدا ئۈچ كېچە، ئىككى كۈندۈزنى ئۆتكۈزۈپ ئۈرۈمچىگە 14-ئىيۇل قەدەم باستىم. 15-ئىيۇل كۈنى سەھەردە بولسا ئۆيۈمگە چۈشۈپ، ئىككى كېچە ئۇخلىۋەتكەندىن كېيىن ھازىر تورغا چىققۇدەك پۇرسەت بولۇپ مەزكۇر يازمامنى يېزىپ تۇرۇپتىمەن.
تۇلۇق ئوقۇش »

بۈگۈنكى تىمىنىڭ مەزكۇر بلوگىمىزنىڭ خاراكتىرى بىلەن تازا مۇناسىۋىتى يوق، ئەمما بىر نەچچە كۈن مۇقەددەم ئىشلىتىپ كېلىۋاتقان ئامېرىكىلىق Iphone 4 تېلىفونۇمنى ئىشلىتىش داۋامىدا بىر ئاز بىلىمگە ئىگە بولىۋالغان ئىدىم. مەزكۇر يازمىنى ئەسلى پاسىبان كۇلۇبى ئۈچۈن يازغان، قەدىناس تۇرايىمىزنىڭ يېڭىلانماي تاشلىنىپ قالماسلىقى ئۈچۈن بۇ تېمىنى ھەم بۇ يەرگە تەڭ يوللىدىم. ئايفونچى بلوگگېرلار مۇنداقلا قاراپ قويسا بولىدۇ.

تۇلۇق ئوقۇش »