IE توركۆرگۈمنىڭ باشبېتى داۋاملىق بىرقىسىم قارا نىيەتلىك تور بېكەت ياكى يۇمشاق دېتاللارنى قاچىلاش تەسىرىدىن ئۆزگىرىپ كېتىدۇ، مەن يەنە ئۆزەم ياخشى كۆرگەن بەتكە ئۆزگەرتىمەن، يەنە مەلۇم ۋاقىت ئۆتۈپ ئۆزگىرىپ كېتىدۇ، مەن يەنە ئۆزگەرتىمەن. ئۆزگىرىپ كېتىپ ھېرىپ قالمىدىم، مەنمۇ ئۆزگەرتىپ ھېرىپ قالمىدىم، بۈگۈن ئاخىر ئاچچىقىمغا پايلىماي باشبەتنى مىخلىۋېتىش قارارىغا كېلىپ، توردىن ئىزدەپ باقسام ئامالى چىقىپ قالدى. بەزىلەر بۇنى 360 قوغداش قورالى ياكى QQ قوغدا قورالى ئارقىلىق ھەل قىلغان، ئەمما مەندەك بۇ ئىككى قاراۋۇلدىن بىرىنىمۇ قاچىلىمىغانلار ئۈچۈن تۆۋەندىكى ئۇسۇل ئەڭ ئەپلىك، ئۇنىڭ ئۈستىگە بۇخىل ئۇسۇل ھېچقانداق يۇمشاق دېتال تەلەپ قىلمايدۇ.

بۇرۇن باشقا ئۇسلۇب ئىشلىتىپ، يېڭىدىن Prestan Simple 2 ئۇسلۇبىنى قاچىلاپ ئىشلەتكەن دوستلار ماڭا ئۇسلۇبنى قاچىلاپ بولغاندىن كېيىن مۇنداق بىر قانچە جاينىڭ نورمال سىز ئىكەنلىكىنى ئېيتتى، مەن تۆۋەندە قانداق ھەل قىلىش ھەققىدە تەپسىلى توختىلىپ ئۆتەي.

ئېسىمدە قېلىشىچە، بىر زامانلاردا تۇرايىمىزنىڭ قازناقلىرىدا ئىنكاس يازغاندا چىراي ئىپادىسى قوشۇشنىڭ بىر قانچە تەدبىرلىرىنى سۆزلەپ ئۆتكەن ئىدۇق، زامانلار ئۆتتى، WordPressنىڭ 3.0 نەشىرى ئېلان قىلىنغانلىقىغىمۇ مانچە يىل بولدى. بۈگۈن ئولتۇرۇۋېلىپ پرېستاننىڭ ئۆز ئۇسلۇبىدا، تارقاتقان ئۇسلۇبىدا، شۇنداقلا بلوگىمىز ۋە ئۇيغۇربەگ تور تۇرايىدىكى ئىنكاس ئورنىدا ئىشلىتىلگەن «WordPressدە ئىنكاس يازغاندا چىراي ئىپادىسى قوشۇشنىڭ غەيرىي رەسىمىي تەدبىرى»نى ئورتاقلىشىپ ئۆتۈش قارارىغا كېلىپ قالدىم، بىلمىدىم، يەنە قانچىلىغان بلوگگېر بۇ تەدبىرنى سىناش ئۈچۈن بلوگلىرىنىڭ ئۆپكىلىرىنى چۇۋۇپ تاشلايدىكىن، شۇنداق قىلىشقا جۈرئىتى بارمىكىن…

خوش، ئالدىنقى بىر چاغدا «WordPressدە يازمىلارغا فىلەش ۋە مۇزىكىلارنى كود ئارقىلىق قىستۇرۇشنىڭ تەدبىرى»نى يوللىغاندىن كېيىن، بەزى بلوگ ئەزىمەتلىرى بۇ ئۇسۇلنىڭ بەزى بلوگلاردا قاملاشمايۋاتقانلىقلىرىنى ئىنكاس قىلىشتى. بەزى بلوگگېرلار ھەتتا بۇ ئىقتىدارنى قىستۇرما ئارقىلىق، ھەتتا پۇلغا قوشتۇرۇۋاتىدۇ. خوش، بۈگۈن ئۇيغۇربەگ سىلەرگە بۇ ئىقتىدارنى قانداق قوشۇشنى بىر ئۆگۈتۈپ قوياي، ئېپى كەلسە سىزمۇ باشقىلارغا پۇلغا قىلىپ بىرەرسىز. ئەمىسە، يازمىنىڭ داۋامىغا مەرھەمەت! پرېستان ئېيتىدۇلەركى : بۇ ئىقتىدارنى ئۆگەنمىگەن بلوگگېر ياخشى بلوگگېر ئەمەس!…

تىزىملىك ئىقتىدارى (Menus) بولسا wordpress نىڭ ئالاھىدە تىلغا ئېلىشقا ئەرزىيدىغان ئىقتىدارى، بۇ ئارقىلىق سىز ئۆزىڭىز باشلىغۇچى تىزىملىكنى ئىختىيارىڭىزچە قوشالايسىز ياكى ئېلىپ تاشلىيالايسىز. مەلۇم سەھىپىنى، ئىچكى-تاشقى ئۇلانمىنى ياكى مەلۇم بەتنى تىزىملىككە ئۇلاپ قويالايسىز، ئۇسلۇبىڭىزدا بۇنداق ئىقتىدار بولسا سىزگە ئاز بولمىغان قولايلىق ئېلىپ كېلىدۇ، مەسىلەن مەن يېزىپ چىققان Prestan Simple 2 ئۇسلۇبىدا تۇغ ئۈستى ۋە ئاستى ئايرىم-ئايرىم ئىككى خىل تىزىملىك بار. سىز پەقەت تۆۋەندىكى 2 قەدەمنى ئوڭۇشلۇق باسسىڭىز تىزىملىك ئىقتىدارى ئۇسلۇبىڭىزدا پەيدا بولىدۇ.

ئەسسالامۇ ئەلەيكۇم، ئۇيغۇربەگ تور تۇرايىغا دائىم كېلىپ تۇرىدىغان ياكى ئۇقۇشماي كىرىپ قالغان بلوگداشلار، نورۇز ئۆتكۈزىدىغانلارنىڭ نورۇزىغا مۇبارەك بولسۇن، ئۆتكۈزمەيدىغانلارنىڭ يېڭى كۈنىگە مۇبارەك بولسۇن. بۈگۈن تۇرايىمىزدا شۇنداق بىر ئىش بار، قايسى كۈنى بىرلەشكەن بلوگلار تەشكىلاتىنىڭ تەشۋىقات بۆلۈم مۇدىرى ئۇيغۇربەگ ‹‹Prestan Simple 2.0››ھەققىدە مەلۇمات بەرگەن ئىدى، بۈگۈن كەمىنە توققۇز كۈن ئۇخلىماي، تاماق ئورنىغا سۇ ئىچىپ جاپالىق ئىشلەپ-تەتقىپ قىلىپ ئاخىرى بۇ ئۇسلۇبنى پۈتتۈردۈم. خاتالىقلىرىمۇ ئاساسەن ھەل بولدى، ئۇسلۇبنى ئەينى چاغ ئاكتىپ ئىنكاس يازغانلار بىمالال چۈشۈرسەڭلار بولىدۇ، ئۇ چاغدا خاتالىق كۆرسەتمىگەن بلوگگېرلار مەزكۇر ئۇسلۇبنى چۈشەرگەندە ‹‹پرېستان ئالىيلىرى ياشىغايلا!››دەپ قويغايسىزلەر، ناۋادا زىيادە چارچاپ كېتىپ ئاغرىپ قالسام ئاشۇ شۇئارلىرىڭلارنى ئاڭلاپ بولسىمۇ بالدۇرراق ئەسلىگە كىلىۋالغۇسىمەن، شۇئار توۋلايدىغان جاي مەزكۇر يازمىنىڭ ئاستىدىكى ئىنكاس ئورنىدا، باللا،  ئەمىسە ئۇسلۇبنى چۈشۈرۈشكە قاراپ : ئالغا!....

ئۇزۇن بوپتىكەن، تۇرمۇش خاراكتىدىكى بىر نېمىلەرنى يېزىپ باقمىغىلى. ئالدىنقى قېتىم، ئۆزقانى بلوگىنىڭ ئاتامانى ئۈچۈن Iphone 4Sنى سېتىۋېلىپ كەلگەن ئىدىم. ئەمەلىيەتتىغۇ Iphone 4S ئېلىش ئۇنچىۋالا يوغان ئىشمۇ ئەمەس، شۇنداقلا بۇ خاتىرىنى يېزىشتىكى مەقسىدىم قانداقتۇر بىر ئىشنى كۆز-كۆز قىلىش ئەمەس، بەلكى، مۇشۇ Iphone 4S نامىدىكى تېلىفوننى سېتىۋېلىش جەريانىدا كۆرگەن-ئويلىغانلىرىمنى ئورتاقلىشىپ ئۆتۈشتىن ئىبارەت. شۇنداق قىلىپ، ئازراق كۆپۈك چاچرىتىپ قويغاندىن كېيىن يازمامنى باشلىۋېتەي.

ئەي خالايىق، ئەي ئاۋام خاس، بلوگ ئۇسلۇبىغا زار بولغان، ئۇسلۇب تاپالماي خار بولغان، بلوگلىرى قانغا تولغان ئەزىمەتلەر، ئاڭلىمىدىم دېمەڭلاركى، ئۇسلۇب قاتىلى، تۇرايىمىزدىكى داڭلىق قاسساپ پرېستاننىڭ بىر قوللۇق پىلانلىشى، بلوگ ئىچى-سىرتىدىكى ئۇنسۇرلارنىڭ تىل بۈرۈكتىرىشى بىلەن ياسالغان ئۇسلۇب Prestan Simple رەسىمىي تۈردە يېڭىلاندى. بۇ قېتىملىق يېڭىلىنىشتا ئۆزگىرىشلەر ناھايىتى كۆپ، ئېنىقكى، خاتالىقلارمۇ ناھايىتى كۆپ، ئالدىنقى قېتىم تۇرايىمىزنىڭ ئۇسلۇبىدىكى خاتالىق-يېڭىلىقلىرىنى كۆرسۈتۈپ بەرگەنلەرگە شۇنداقلا بۇ قېتىملىق خاتالىقنى كۆرسۈتۈپ ياكى تېپىشىپ بەرگەنلەرگە مەزكۇر ئۇسلۇب ئالدىدىن سوۋغا قىلىنىدۇ، پۇرسەت غەنىيمەن، شۇ ھامان مەزكۇر جاكارنامىنى ئىجرا قىلىپ ئالتۇن ئۇسلۇبنى قولغا چۈشۈرگەيسىزلەر! بۇ قېتىملىق پائالىيەتنىڭ راستلىقىغا بىرلەشكەن بلوگلار تەشكىلاتى باش نازارەتتە، بىرلەشمىگەن بلوگلار تەشكىلاتى خالىسانە نازارەتتە بولغۇسى! پائالىيەت باشلاندى، خاتالىق تېپىشقا قاراپ ھۇررا!…

خاتالىق تېپىش بېتى :  http://simple.prestan.net

ئىزاھات: خاتالىقلارنى مەلۇم قىلغاندا تور كۆرگۈچ، تور كۆرگۈچنىڭ نەشىرى، ئىشلەتكەن سېستىمىڭىز قاتارلىقلارنى ئۇنۇتماڭ، زۆرۈر بولسا سۆرەتكە تارتىپ prestan@qq.com غا ئەۋەتىپ بىرىشىڭىزنى ئۈمىد قىلىمىز! مەزكۇر ئۇسلۇبدىكى مەسىلىلەر ھەل قىلىنغاندىن كېيىن تارقىتىلغۇسى!

بلوگىڭىزغا تىز سۈرئەتتە بلوگ ئاستىغا چۈشۈش، ئۈستىگە قايتىش ۋە ئىنكاس يېزىش رايۇنىغا بېرىش كونۇپكىسىنى قوشۇپ قويسىڭىز زىيارەتچىلەرگە ئاز بولمىغان قولايلىقلارنى ئېلىپ كېلەلەيسىز. زىيارەتچىلەر بىرلا بېسىپ بلوگنىڭ ئەڭ ئاستىغا، يەنە بىرلا بېسىپ ئەڭ ئۈستىگە قايتالايدۇ، ئەڭ مۇھىم يازما بېتىدە بىر كونۇپكا بىلەن ئىنكاس رايونىغا بارالايدۇدە سىزنىڭ يازمىڭىزغا ئۈماق باھادىن بىرنى قالدۇرۇپ كېتىپ قالىدۇ، ئۈنىمىنى مەزكۇر بلوگنىڭ ئوڭ تەرىپىدىن كۆرۈۋېلىڭ، ئۇنداقتا بىز ئىشنى باشلايلى.

بلوگىڭىزدىكى زىيارەتچىلەرنىڭ باھاسىغا سىز جاۋاب قايتۇرسىڭىز، ئاپتوماتلىق ئېلىكترونلۇق خەت ئەۋەتىدۇ، زىيارەتچىلەر بۇ خىل ئىقتىدار ئارقىلىق ئۆزىگە قايتقان جاۋابنى دەل ۋاقتىدا كۆرەلەيدۇ، ھەمدە بلوگىڭىزغا ئاز بولمىغان ئېقىم ئېلىپ كېلىدۇ.

ئامېرىكا جەڭ فىلىملىرىنى تولا كۆردۈم، جۇڭگو جەڭ فىلىملىرىنى بولسا كۆرمەي دېسەكمۇ كۆرۈشكە مەجبۇر بولدۇق، بەزىدە ئولتۇرۇپ جاھاننى سوراي دەپ قالغان نېمىس ئەسكەرلىرىنىڭ باتۇرلارچە قىلغان جەڭلىرىنى كۆرۈپ، ئامېرىكا فىلىملىگە ھەيران قالدۇق، نېمىشقا ئامېرىكا فىلىملىرىدە دۈشمەنلەرمۇ شۇنداق يامان، شۇنداق باتۇر، نېمىشقا جۇڭگو فىلىملىرىدە ياپۇن ئەسكەرلىرى شۇنداق دۆت، شۇنداق ھاماقەت، شۇنداق كالامپاي دېيىشتۇق. خوش، بۈگۈن يەنە ئامېرىكا جەڭ فىلىملىرى بىلەن جۇڭگو جەڭ فىلىملىرىدىكى باشقا بىر قىسىم پەرقلەرنى ئۆگۈنۈپ ئۆتەيلى، قانچىسىنى سىز بىلىسىزكىن!…

ئۇيغۇربەگنىڭ ئۇسلۇبىنى ئۆزگەرتىش جەريانىدا ئاكتىپ ئىنكاسچىلارنىڭ باش سۈرئىتىنىڭ ئاستىغا دەرىجىسىنى كۆرسىتىدىغان تاياقچە ئورۇنلاشۇرغان ئىدۇق، بىر قانچە دوستلار بۇنداق ئىقتىدارنى قانداق چىقارغانلىقىمىزنى، ئۆزىنىڭمۇ بۇنداق ئىقتىدارنى قوشقۇسىنىڭ بارلىقىنى ئېيىتتى، بۇ يازمىدا مۇشۇ ئىقتىدارنى قوشۇش ھەققىدە توختىلىمەن.