ئەسسالامۇ ئەلەيكۇم ئەزىز بلوگگېر دوستلار، ئۇيغۇربەگ تور تۇرايىنىڭ ئەزىز مېھمانلىرى، ئەڭ ئالدىدا ھەرقايسىڭىزلارنىڭ يېڭى يىلىغا مۇبارەك بولسۇن! يېڭى يىلدا ئىشلىرىڭىزنىڭ روناق تېپىشىغا تىلەكداشمەن.

شۇنداق قىلىپ، كەمىنە ئۇيغۇربەگنىڭ بىر مەزگىللىك پىلانلىشى ئاستىدا، «2011-يىلىدىكى ئۇيغۇرلاردىكى 10 چوڭ بلوگ» پائالىيىتى ئۈچۈن ئىشلەنگەن 2012-يىللىق ئەڭ يېڭى كومىدىيىلىك جەڭ فىلىمى «بىلكانپەد ئىشقىدا»نى تورداشلارنىڭ ھۇزۇرىغا سۇنىمەن، تورداشلارنىڭ تەنقىدىي پوزىتسىيە ھەمدە چاقچاق سۈپىتىدە مەزكۇر فىلىمنى زوق بىلەن كۆرۈشۈڭىزلارغا تىلەكداشمەن! ئەمىسە…فىلىمخانىغا مەرھەمەت!

قايسى كۈنى تېخى گۈدۈكنى تاقالدى دەپ جاكارلانغان ئىدى، ئارىدىن ئۇزاق ئۆتمەي ئەلكۈيى تورىغا قاراشلىق بولغان ئەلكۈيى مىكروبلوگى كۆزگە كۆرۈنگەن ھەر قايسى ساھە زاتلىرىنى تەكلىپ قىلىپ، خېلى داغدۇغىلىق ھالدا ئېلان قىلىندى. دەسلەپتە مەن سىناق سۈپىتىدە ئەزا بولغان بولساممۇ، بۈگۈن رەسىمىي ھالدا ئولتۇرۇپ چىقىپ ئەلكۈيى مىكروبلوگىنى بىر قۇر كۈزۈتۈپ چىقتىم. كۈزۈتۈپ چىقىشىمدىكى ئاساسلىق ھەرىكەتلەندۈرگۈچ كۈچ-ئەلكۈيى مىكروبلوگىنىڭ ئېلان قىلىنىش مۇراسىمىنىڭ تەنتەنىلىك بۇلىشى، شۇنداقلا مەن ھۆرمەت قىلىدىغان يازغۇچىمىز ئابدۇقادىر جالالىدىننىڭ مەزكۇر مۇراسىمغا قاتنىشىشى، شۇنداقلا مەن قىزىقىدىغان مۆمىنجان ئابلىكىم، ئابدۇكېرىم ئابلىز، ئابدۇللا ئابدۇرېھىم، مۇنىرە غۇپۇر، مەمەتجان رۇزى سايىت قاتارلىقلارنى ئۆز ئىچىگە ئالغان خېلى مەشھۇر بولغان سەنئەتكارلىرىمىزنىڭ مۇراسىمدا نەق مەيداندا ياكى باشقا جايدا تۇرۇپ ئەلكۈيىدىن مىكروبلوگ ئېچىشى بولدى. كەمىنە گۈدۈك مىكروبلوگىنى خېلى بىر مەزگىل ئوينىغان بولغاچ، ئۇيغۇرچە مىكروبلوگ ھەققىدە ئازراق ساۋاققا ئىگە بولغان ئىدىم. بۈگۈنكى بۇ يازمامدا مەن ئەلكۈيى مىكروبلوگى ھەققىدى تۇنجى سىناقتىن كېيىنكى تەسىراتىمنى سۆزلەپ ئۆتمەكچى.

ئالدىنقى قېتىملىق لېكسىيەرىمىز «[بلوگگېرلار چايخانىسى] يېڭى بلوگگېرلارغا تۆت دەرس»نى ئاڭلاپ بولغان بولساڭلار ھەمدە ئازراق چۈشەنچىگە ئىگە بولغان بولساڭلار مەن ناھايىتى خۇرسەن. بۈگۈنمۇ ئۆزەمنىڭ بىر قانچە يىللىق بلوگگېرلىق ھاياتىمدا يەكۈنلەپ چىقارغان بىر قانچە ئويلىرىمنى «بلوگىڭىزدا نېمىشقا ئادەم يوق؟ ئۇيغۇربەگنىڭ 10 تەھلىلى ۋە 10 تەدبىرى» سەرلەۋھە ئاستىدا تەپسىلىي بايان قىلغۇسىمەن! ئوقۇغۇچىلار دەرسخانىغا كىرىپ دىققەت قىلىپ ئاڭلىغايسىلەر!…

تۆنۈگۈن، ئورگان تەرەپنىڭ باياناتى بۇيىچە ئېيتقاندا WordPress 3.3 رەسىمىي نەشىرى ئېلان قىلىنغان ئىدى. مۇرشىدى ئەپەندىمنىڭ تىرىشچانلىقى بىلەن، ىككى سوتكا ئۆتكەندە ئۇيغۇرچە نەشرى ئورگان تورىدا رەسمىي تارقىتىلدى. بۇ نەشىرنىڭ ئەركىلەتمە نامى «Sonny»دەپ قويۇلۇپ، داڭلىك روك ساكىس ئارتىسى  Sonny Stitt غا ئاتالغانمىش.

خەۋەرلەرگە كۆرە، 3.0 نەشىرىدىن تارتىپ، wordpressسېستىمىسى 65مىليون قېتىمدىن ئارتۇق چۈشۈرۈلگەن بولۇپ، 3-نەشىر يۈرۈشلۈك سېستىمىنىڭ ئۈچۈنچى قېتىملىق تۈزىتىلگەن نۇسخىسىنى بولغان WordPress 3.3 بلوگگېرلارنىڭ ئىشلىتىشىگە قولايلىق يارىتىشقا تىرىشقان.

خوش، ئالدىنقى قېتىملىق ھەقسىز لېكسىيىمىزدىن ئىلھاملانغان بلوگگېرلار ھەدەپ Google Adsenseغا ئۆتۈپ ئاز تولا بولسىمۇ كىرىم قىلىشقا كىرىشىشتى. ئەپسۇسلىنارلىقى شۇكى، بىر قىسىم بلوگگېرلار تېخى تاپقان دوللىرىنىڭ راھىتىنى كۆرۈشكە ئۈلگۈرمەستىن، ھېساباتىنىڭ مۇسىبىتىگە ئۈلگۈردى. تېخىمۇ ئەپسۇسلىنارلىقى شۇكى، ئۆركەش بلوگىدەك بىر بلوگگېرنىڭ ھېساباتى 100$غا تۇشاي دېگەندە قەتلىئام قىلىندى. ئەپسۇس، مىڭ قاقشىغان بىلەن ئۆلگەن ھېساباتنىڭ ئەسلىگە كېلىش نىسپىتى يوقنىڭ ئورنىدا. ئۇنىڭ ئورنىغا، ھېساباتىمىزنىڭ قانداق قەتلىئام قىلىنغانلىقى ھەققىدە تەپەككۇر قىلىپ باقساق، كېلەر قېتىملىق ھېساباتىمىزنىڭ تېخىمۇ ئۇزۇن <<ئۆمۈر كۆرۈش>>ىگە ئاساس سالالايمىز دەپ ئويلايمەن، چۈنكى، گۇگېل قارى كۆز يېشىغا ئىشەنمەيدۇ. ئۇنىڭغا خەقلەر ئىشىنىپ پۇل تاپشۇرغان ئىكەن، ئۇمۇ پۇل تاپشۇرغانلارنىڭ ئۈنۈم كۆرۈشى ئۈچۈن چوقۇم ئادىل ھەمدە سەزگۈر بولۇشى كېرەك. قىسقىسى، بىز تاش سانىغۇچە، گۇگېل قۇم سانايدۇ، بولمىسا ئاشۇنچىۋالا پۇلنى قانداق تاپىدۇ(كۈلكە)، خوش، بۇ قېتىملىق يازمىمىزدا مەن بىر قىسىم تەجرىبىلىرىم ۋە ئاڭلىغانلىرىم ئاساسىدا Google Adsense ھېساباتىمىزنىڭ قانداق ئۆلىدىغانلىقى ھەققىدە قىسقىچە بىر مۇلاھىزە يۈرگۈزمەكچى بولىمەن، ئالاھىدە ئەسكەرتەيكى بۇ يازما پەقەت ئوقۇپ، ئويلىنىشقىلا بولىدۇ، Google Adsenseنىڭ ھەقىقىي پىرىنسىپى ياكى قائىدىسى ئەمەس. خوش، ئەمىسە دەرسخانىغا كىرىپ يازمىنىڭ داۋامىغا دىققىتىڭىزنى ئاغدۇرغايسىز…

شۇنداق قىلىپ گۇگېل ئەۋەتكەن 500 دوللار(جۇڭگو دوللىرى)نى يولداش ئەلشات تەرىپىدىن تاپشۇرۇپ ئالدىم، بۇ مېنىڭ، شۇنداقلا پرېستان ئىككىمىزنىڭ تۇنجى قېتىم ئالغان ئېلان كىرىمى بولدى. تۆۋەندىكى يازمامدا مېنىڭ مۇشۇ 500 جۇڭگو دوللىرىنى ئېلىشتىكى كەچۈرمىشلىرىمنى بايان قىلىمەن…

شۇنداق قىلىپ، ئۇ سەۋەب ياكى بۇ سەۋەب تۈپەيلى، قىزىقىش ياكى ئۆزىڭىزنىڭ ئىھتىياجى تۈپەيلى بىر بلوگ يېزىش قارارىغا كەلدىڭىز. ئەڭ ئاۋۋال شۇنداق قارارغا كېلىپ بىزنىڭ، يەنى ئۇيغۇر بلوگگېرلار توپىغا قوشۇلغانلىقىڭىزغا ناھايىتى خۇرسەنلىكىمىزنى بىلدۈرىمىز. ئەلۋەتتە، خۇرسەنلىكىمىزنى بىلدۈرۈشدىن باشقا، سىزگە ئاتاپ قويغان تۆت ئېغىز گەپتىن تۈزۈلگەن تۆت دەرسىمىز بار، ئەلۋەتتە، بۇ تۆت دەرس يالغۇز دەرس بولماستىن، كەمىنىنىڭ سىزگە ئاتىغان يۈرەك سۈزىدۇر. بەلكىم، كېيىنكى بلوگ ھاياتىڭىزدا سىزگە تەسىر كۆرسىتەلىسە ئەجەپ ئەمەس.