ھۆرمەتلىك ئەزىزلەر، تۇرايىمىز بىر ئايلىق ئاپەتنى باشتىن كەچۈرگەندىن كېيىن، ھازىر قايتا قۇرۇش خىزمىتىگە جىددىي ئاتلاندى ھەمدە بارلىق كۈچلەر سەپەرۋەرلىككە سېلىنىپ، يازما يوللاش تىزلىكى شىددەت بىلەن ئاشتى، بۈگۈن، ھەرقايسى ئەزىزلەرگە ناھايىتى كاتتا ئۈنۈملۈك بولغان بىر قىستۇرما، يەنى، يازمىسىدا كۆپرەك رەسىم ئىشلىتىپ سالىدىغان بلوگگېرلار ئۈچۈن ناھايىتى ياخشى رەسىم كۆرۈش ئۈنۈمى ھاسىل قىلىدىغان قىستۇرما «slimbox»بىلەن جىددىي تونۇشۇپ ئۆتكۈسىمىز، دىققىتىڭىزلار يازما داۋامىدا بولسۇن!…

قىستۇرما ھەققىدە

ئەمەلىيەتتە بۇ قىستۇرمىنىڭ ئىقتىدارى ئالدىنقى قېتىملىق يازمىمىزدا تونۇشتۇرغان قىستۇرما «Auto Highslide ھەققىدە»بىلەن ئوخشىشىپ قالىدىغان بولۇپ، پەرقى بۇ قىستۇرمىنىڭ ئۈنۈمى «Auto Highslide»غا قارىغاندا كۆركەم ۋە ھەشەمەت. «slimbox» بولسا يازمىغا قىستۇرۇلغان سۆرەتلەرنى ئايرىم كۆزنەكتە چوڭايتىپ ئېچىپ كۆرسىتىش ئىقتىدارىنى ھازىرلاپ بىرىدىغان قىستۇرما بولۇپ، يازمىنىڭ ئۈنۈمدارلىقىنى ئاشۇرۇش رولىنى ئوينايدۇ. مەزكۇر قىستۇرما ئۇيغۇربەگنىڭ باھانىسىدە ئۇيغۇرچىلاشتۇرۇپ تارقىتىلدى.

ئۈنۈمىنى تۆۋەندىكى بىر قانچە پارچە رەسىمدىن كۆرۈڭ، چەكسىڭىز ئۈنۈمىنى كۆرىسىز!

قىستۇرمىنى قاچىلاش ۋە قوزغىتىش

1.  قىستۇرمىنى چۈشۈرۈڭ.

2. قىستۇرمىنى ئارقا سۇپىدىكى يېڭىدىن قىستۇرما قوشۇش دېگەن جايدىن بىۋاستە قاچىلاڭ ياكى ftp ئارقىلىق wp-content/plugins ئىچىگە يۈكلەڭ.

3.قىستۇرمىلار مەركىزىدىن،مەزكۇر قىستۇرمىنى تېپىپ قوزغىتىپ قويسىڭىزلا بولىدۇ.

4.ناۋادا كېرىكى بولمىسا،قىستۇرمىنى توختىتىپ ياكى يۇيۇپ چىقىرىۋېتىشىڭىزنى تەۋسىيە قىلىمىز.

قىستۇرما ئىشلىتىش ھەققىدە ئېزاھات

قىستۇرمىنىڭ ئۈنۈمىنى كۆرۈش ئۈچۈن، يازمىغا سۆرەتنى بىۋاستە قىستۇرۇپ قويسىڭىز بولىدۇ ياكى رەسىمگە چوڭايتماقچى بولغان رەسىمنى ئۇلاپ قويسىڭىز بولىدۇ.

قىستۇرمىنى چۈشۈرۈش

يۈك مەنبەلىرى:  بەگلىكدىن | ئورگان بېتىدىن | پرېستىن يېشىش پارولى : www.uyghurbeg.net